YOHANES 2:12 - KITTA' MATANGKASA'

¹² Le'baki anjo, a'lampami Isa mange ri Kapernaum. Sipa'rurungang ngasengi a'lampa amma'Na, sikamma sari'battanNa, kammayatompa ana'-ana' gurunNa. Ammantammi ke'nanga anjoreng siapa are allonna.

YOHANES 2:12 Referans Kwoze

MATIUS 12:46

Lalang a'bicaraNa Isa siagang anjo tau jaia, battumi amma'Na siagang sari'battanNa. Eroki antama' ke'nanga angngagangi a'bicara Isa.

GALATIA 1:19

Tena nakusigappa siagang sikamma suro maraenganga, pantaranganna Yakobus, sari'battanNaya Batara.

1 KORINTUS 9:5

Maka tena nakusiratang angngerang sitau baine tu ri ballakku lalang lampaku, sangkamma nagaukanga sari'battanNa ngaseng Batara Isa, siagang tunisuroNa Allata'ala maraenganga, kammaya Petrus?

MARKUS 6:3

Sai anne taua tukang kayu, ana'na Maria, sari'battanna Yakobus, Yoses, Yudas, siagang Simon? Ba, manna sari'battanNa bainea anrinni ngasengi ammantang.” Lanri kammana, teami ke'nanga antarimai Isa.

MATIUS 4:13

Nabokoimi Nazaret, nampa mange ammantang ri Kapernaum, ri birinna Tamparang Galilea, ri daera Zebulon siagang Naftali.

YOHANES 6:17

Nampa nai' ke'nanga ri se'reang biseang, ero' a'limbang ri anjo tamparanga namange ri Kapernaum. Appakkaramulami sassang, mingka tena ijipi Isa battu mae ri ke'nanga.

MATIUS 11:23

Kammayatompa ikau tau niaka ri Kapernaum! Gassingka nukana lanipakatinggiko nai' ri suruga? Tena! Passangalinna lanipelakko antama' ri naraka! Nasaba' ka'de' anjorengi ri kota Sodom le'ba' nigaukang anjo gau'-gau' appakalannasaka, mattantu nia' iji kota Sodom sa'genna kamma-kamma anne!

YOHANES 2:2

Niundang tongi Isa siagang ana'-ana' gurunNa mange anjoreng ri pa'buntinganga.

YOHANES 4:46

Le'baki anjo, ammotere'mi Isa mange ri Kana, ri Galilea. Anrinni minne le'ba' Isa ampinrai je'neka a'jari anggoro'. Anjoreng ri kotaya, nia' sitau pagawena karaenga, sitabang garring ana'na ri Kapernaum.