YOHANES 19:23 - KITTA' MATANGKASA'

²³ Le'baki nisalli' Isa ri surudadua, nialleammi ri ke'nanga care-careNa. Anjo care-carea nabage appaki ke'nanga: se're-se're tau anggappai sibageang. Nampa naalle todong jubaNa. Anjo jubaya tena nanijaiki – nitannunji battu irate sa'genna naung.

YOHANES 19:23 Referans Kwoze

LUKAS 23:34

Appala' doammi Isa Nakana, “O Bapa', pammopporangi anne ke'nanga; nasaba' tanaassengai angkanaya apa anne nagaukanga ke'nanga.” Nalotereimi ke'nanga pakeanNa Isa ero' nabage-bage.

MARKUS 15:24

Nampa nasalli' ke'nanga Isa. Na nabotorimi pakeanNa ero' nabage massing tawana.

MATIUS 27:35

Nampa nasalli' ke'nanga Isa. Na nabotorimi pakeanNa ero' nabage massing tawana.

LAMPA-LAMPANA 12:4

Ri wattunna nijakkala'mo Petrus nipantama'mi ri tarungkua. Nia' appa' regu tantara nisuro anjagai Petrus – tasse're-se're regu, nia' appa' anggota tantara. Le'bappi passua'-suarrang allo Paskaya, nampa laniadeli Petrus ri Herodes, ri dallekanna tau jaia.

KALAPPASSANG 28:32

So'bolo' kallonna nijarreki siagang pita nitannung sollanna tena nalammoro' kekke'.