YOHANES 19:2 - KITTA' MATANGKASA'

² Appare'mi surudadua se're songko' battu ri tangke-tangke kayu akkatintinga, nampa napataba irate ri ulunNa Isa. Le'baki anjo napipakeimi Isa juba cura' lame butung.

YOHANES 19:2 Referans Kwoze

LUKAS 23:11

Nipare' karek-karenammi siagang nihina-hinami Isa ri Herodes siagang surudadua. Nampa nipipakei pakeang kalompoang, nanikiring ammotere' mae ri Pilatus.

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

PAMMUJI 22:6

Akkioki ke'nanga ri Katte na Kilappassang ke'nanga; manrannuangi ke'nanga na tena Kipassalasai.

YOHANES 19:5

Assulu'mi Isa, ammake songko' akkatinting siagang juba cura' lame butung. Nakanamo Pilatus ri ke'nanga, “Cini'mi anjo Taua.”

YESAYA 49:7

Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.