YOHANES 19:13 - KITTA' MATANGKASA'

¹³ Nalangngere'na Pilatus kana-kana kammaya anjo, naerammi Isa assulu' nampa ammempo ri kadera pangadelanga, ri tampa' niarenga Dapara' Batu. (Lalang bicara Ibrani niarengi Gabata.)

YOHANES 19:13 Referans Kwoze

MATIUS 27:19

Ri wattunna ammempo Pilatus anjoreng ri kantoro' pangadelanga nia'mi battu pappasanna bainenna angkana, “Tea' laloko pantama'-tamakki kara-karana antu tau tenaya salana. Nasaba' lanri Iami nakunggappa so'na appakamalla'-malla' dudua, anne alloa.”

LAMPA-LAMPANA 4:19

Mingka appialimi Petrus siagang Yohanes angkana, “Pikkiri'mi ri kalennu ngaseng, angkanaya kereanga annaba ri dallekanNa Allata'ala: parentanu nituruki, yareka parentaNa Allata'ala.

YOHANES 19:8

Nalangngere'na Pilatus akkana kamma ke'nanga, pila' a'jari malla'mi pole.

LUKAS 12:5

Baji'mi punna Kupauangko inai musti nukamallakkang. Iamintu, malla' mako ri Allata'ala. Nasaba' Iami akkulle ambunoko, siagang punna le'ba' mako Nabuno, akkulle tongko' Napantama' ri naraka! Tappa' mako, angkanaya Iaji bawang siratang nukamallakkang.

AMOS 4:7

INakke ampisangkai turung bosia ri wattu paralluna ri je'ne' lamung-lamunnu. INakke appaturung bosi mae ri kota se'rea siagang tena ri kota maraenga. Koko se'rea anggappai bosi, nampa koko maraenga kalotoroki.

YESAYA 57:11

Nakana Batara, “Inaika anjo rewata-rewata ampajariako malla', sa'gennu a'balle-balle siagang tenamo nungngu'rangi mae ri Nakke? Apaka tenamo nunynyomba mae ri Nakke lanri sallo duduKumo tamakkana-kanaya?

KATO'BA 5:8

Ba'lalo manna karaenga tanjeng tongi mae ri wassele' kattoa.

PANGNGEBARANG 29:25

Mallaka ri panggappana taua, angngerangi kasusaang. Tappakko ri Batara, na nulaamang.

YOHANES 5:2

Anjoreng ri Yerusalem, ri ampi'na tampa' niarenga “Pakke'bu' Gimbala',” nia' se're balang, niarenga Betsaida lalang bicara Ibranina. Anjoreng nia' lima paladang.

YEREMIA 38:19

Appialimi karaenga angkana, “Mallakka' mae ri tau bansata lariamo a'limbang mae ri tu Babel. Gassingka napassareanga' mae ri ke'nanga nampa nisessa'.”

YOHANES 19:17

Assulu'mi Isa ampisangi kayu salli'Na, Naerang mange ri tampa' niarenga “Tampa' Tangkora'”. (Lalang bicara Ibrani nikana Golgota.)

YOHANES 19:20

Jai tu Yahudi ambacai anjo tulisanga, nasaba' anjo tampaka tena nabella battu ri kotaya. Anjo tulisanga nitulisiki lalang bicara Ibrani, bicara Lating, siagang bicara Yunani.