YOHANES 19:11 - KITTA' MATANGKASA'

¹¹ Appialimi Isa Nakana, “Punna taNasareako' Allata'ala anjo koasanu, tena sikali koasanu mae ri Nakke. Lanri kammana, lompoangangi dosana tau ampassareangai KalengKu mae ri kau, kala ikau.”

YOHANES 19:11 Referans Kwoze

ROMA 13:1

Yangasenna taua musti mannuruki mae ri pamarentaya; nasaba' tena pamarenta tabattua ri Allata'ala kakoasanna. Siagang anne pamarenta ri kamma-kammaya anne, napajappai kakoasanna situru' Napassuroanga Allata'ala.

YOHANES 3:27

Appialimi Yohanes nakana, “Takkulleai nia' apa-apanna rupataua, punna tanisareanga ri Allata'ala.

LAMPA-LAMPANA 2:23

Situru' ero' KalenNa, Natappukimi Allata'ala laNapassareang Isa Almasi mae ri kau ngaseng. Na ri wattunna nipassareang mae ri kau ngaseng, nuallemi nubuno, lanri nubalang parekanna nisalli' ri tau ja'dalaka.

DANIEL 4:17

Iaminjo kaputusanna ikambe malaeka'-malaeka' tutua siagang jaga-jagaya. Ero'na ikambe iamintu sollanna sikontu taua ri kere-keremae naani angkanaya Allata'ala Kaminang Tinggia makoasa mae ri kakaraengang rupataua siagang anjo kakaraenganga Napassareangi manna pole ri nai Napilea, ba'lalo tau kaminang tenaya pole anggaranna!’

LAMPA-LAMPANA 3:13

Allata'ala nasombaya Abraham, Ishak, Yakub, Allata'alana boeta, Iaminjo Allata'ala ampakalompoai Ana'Na, iamintu Isa. Iaminjo Isa le'baka nupassareang ri pamarentaya, siagang numusua ri dallekanna Pilatus, ri wattunna ero' nilappassang ri Pilatus.

YOHANES 7:30

Anjo wattua, ero'mi ke'nanga anjakkalaki Isa. Mingka tena tau barani anta'galaki, lanri tenapa narapiki wattunna.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

DANIEL 4:25

Lanibongkai karaengku battu ri pa'rappunganna rupataua nampa attallasa' ri alla'na olo'-olo' niaka ri paranga. Lalang tuju taung langnganreki' ruku' kamma sapi karaeng, siagang attinroki' ri parang tassungkea, sa'genta lanibasai ri allung. Le'baki anjo lakianimi karaeng, angkanaya Allata'ala Kaminang Tinggia makoasa mae ri kakaraenganna rupataua, siagang anjo kakaraenganga Napassareangi mae ri nai-nai Napilea.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

YAKOBUS 4:17

Lanri kammana, inai-nai angngassengi apa bajika, nanaasseng angkanaya musti nagaukangi anjo apa bajika mingka tena nagaukangi, anjo taua dorakami.

ROMA 11:36

Allata'ala ampa'niaki sikontu apa-apa niaka. Sikontu apa-apaya battu ri Allata'ala kabusuki assala'na siagang untu' Allata'ala kabusu'. Nipujimi Allata'ala sa'genna satunggu-tungguna! Aming.

LAMPA-LAMPANA 4:28

Asse'remi ke'nanga ero' a'gau' sangka' rupa, situru' apa le'baka Kipattantu angkanaya lakajariang memangi anjo kammaya. Na lanri koasa KalenTa siagang ero' KalenTa naKipattantu anjo apa lakajarianga.

MATIUS 27:2

Nasikko'bokomi Isa, nampa naerang ke'nanga mange napassareang ri Pilatus, wakkele'na pamarenta Roma.

PAMMUJI 62:11

Teako manrannuangngi ri wassele' apa nipaccoka ri paranta tau, teako pattoangi barang nialle passaya. Ba'lalo punna katambang kakalumanynyangngannu, teako a'dakkiki nyawanu mae ri anjo.

MARKUS 14:44

Le'ba'mi nasare pammatei Yudas anjo taua angkana, “Inai-nai kubau, iaminjo taunNa. Jakkala'mi nanuerang siagang nanujagai baji'.”

DANIEL 5:21

Nibongkai battu ri pa'rappunganna rupataua siagang akkala'na a'jari sangkammai akkala' olo'-olo'. Attallasaki siagang keledai romanga, angnganrei ruku' sangkamma sapi siagang attinroi ri parang tassungkea sa'genna nibasai ri allung. Kala'busanna namangakuimi angkanaya Allata'ala Kaminang Tinggia makoasa mae ri kakaraenganna rupataua siagang anjo kakaraenganga Napassareangi mae ri inai-nai Napilea.

DANIEL 4:32

Lanibongkako battu ri pa'rappunganna rupataua, nampa attallasakko siagang olo'-oloka ri paranga. Lalang tuju taung langnganreko ruku' sangkamma sapi. Le'baki anjo lanumangakuimi angkanaya Allata'ala Kaminang Tinggia makoasa mae ri kakaraenganna rupataua siagang anjo kakaraenganga nipassareangi mae ri nai-nai Napilea.”

YOHANES 18:3

Jari battumi Yudas mange anjoreng, angngerang se're pasukang tantara Roma siagang siapa are pangawala'na Balla'Na Batara. Iaminne ke'nanga nisuroa ri imang-imang kapalaya siagang tu Farisia. Angngerangi ke'nanga sanjata, lampu, siagang sulo.

YOHANES 9:41

Appialimi Isa Nakana, “Ebara' angkana buta ngasengko antu, tenaja nudoraka. Mingka lanri nukanana ngaseng, ‘Accini'jaki' anne’, iaminjo battuanna angkanaya doraka ngasengijako.”

LUKAS 22:53

Allo-alloKu nia' siagang ikau ngaseng lalang ri Balla'Na Batara, natena nujakkalaKa'. Mingka iaminne wattunnu lappanggaukang ngaseng. Iaminne wattunna tau koasaya ri sassanga lappanggaukang.”

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

PIRAUNG 3:37

Punna tena Nakaerokangi Batara apa-apaya mattantu tenana nakkulle rupataua anggaukangi apa-apaya.

MATIUS 26:65

Nalangngere'na imang lompoa akkana kamma Isa, naallemi nasinre' jubana na nakana, “Nahinai Allata'ala! Tenamo naparallu pole sa'bia. Massing nilangngere'mi bicaranNa anghinai Allata'ala.

PAMMUJI 39:9

Kilappassang laloa' battu ri sikontu dosaku, TeaKi' balang parekangia' nicau-cau ri tau dongoka.

1 PATTOTTORANG 29:11

Malompo tojengKi' siagang makoasaKi'. Mala'birikKi', kabarra-barraKi', siagang ri Kattemi kalompoanga. Sikontu apa-apa niaka ri langi' siagang ri buttaya iKatte ngaseng pata, iKatte Karaeng Lompo, makoasaya mae ri sikontu-kontuna.

YOHANES 18:13

Uru-uruna nierangi Isa ri ke'nanga mange andallekang ri Hanas, iamintu matoang bura'nena Kayafas. Na anjo Kayafas, iami a'jari imang lompo anjo taunga.

YOHANES 19:10

Jari nakanamo Pilatus, “TeaKo a'bicara siagang inakke? Parallui Nuasseng angkanaya makoasa' allappassangKo, siagang makoasa tonga' ansallikKo!”