YOHANES 18:35 - KITTA' MATANGKASA'

³⁵ Appialimi Pilatus nakana, “Bara' nukana tu Yahudia'? BansaNu tonji ampassareangKo mae ri nakke siagang imang-imang kapalaya. Apa kutadeng le'ba' Nugaukang?”

YOHANES 18:35 Referans Kwoze

LAMPA-LAMPANA 23:29

Kale'bakkanna a'nassai angkanaya tena sikali panggaukang salana ampassiratangi nihukkung mate yareka nitarungku. Iaji bawang nipassalangi ri ke'nanga, lanri atorang-atorang agamana tonji ke'nanga.

LAMPA-LAMPANA 21:38

Jari punna kamma, teai ikau anjo tu Mesir le'baka angngewai pamarentaya pirangalloang nampa lari angngerang patassa'bu tau pangaco siagang sanjata antama' ri parang lompoa?”

LAMPA-LAMPANA 3:13

Allata'ala nasombaya Abraham, Ishak, Yakub, Allata'alana boeta, Iaminjo Allata'ala ampakalompoai Ana'Na, iamintu Isa. Iaminjo Isa le'baka nupassareang ri pamarentaya, siagang numusua ri dallekanna Pilatus, ri wattunna ero' nilappassang ri Pilatus.

YOHANES 19:11

Appialimi Isa Nakana, “Punna taNasareako' Allata'ala anjo koasanu, tena sikali koasanu mae ri Nakke. Lanri kammana, lompoangangi dosana tau ampassareangai KalengKu mae ri kau, kala ikau.”

YOHANES 19:6

Ri wattunna nacini' imang-imang kapalaya siagang pangawalaka ngaseng anjo Isa, ammarrang-marrammi ke'nanga, angkana, “Allei salli'! Allei salli'!” Nakanamo Pilatus ri ke'nanga, “Allemi anne Taua nampa ikau tommo ansalliki. Nasaba' inakke tena kugappa kasalanNa manna sirupa.”

YOHANES 18:28

Ri bari'basa' dudua naerammi ke'nanga Isa battu ri balla'na Kayafas mange ri balla' lompona guburnurka. Sikamma tu Yahudia tena nantama' ri balla' lompoa, sollanna tena na'jari ra'masa' situru' ajarang agamana ke'nanga. Nasaba' eroki ke'nanga amminawang angnganre Paska.

NEHEMIA 4:2

Ri dallekanna agang-aganna ngaseng siagang tantara Samaria nakanamo, “Apa anjo nagaukang tu Yahudi cilakaya, tenaya apa-apa akkulle nagaukang? Apaka eroki ke'nanga ambangung poleangi anne kotaya? Maka nakana kapang ke'nanga akkullei le'ba' lalang siallo anjo jama-jamanga, lanri assarena bawang koro'bang ke'nanga? Maka akkullei anjo tambungang loro ammutunga le'ba' nakanre pepe' napa'jari batu-batu untu' anjo tembo' kallika?”

EZRA 4:12

Poro kiassengi karaeng, angkanaya, anjo sikamma tu Yahudi le'baka ambokoi daera-daera maraenga lalang ri pamarentahanta, kamma-kamma anne nia'mi ammantang ri Yerusalem, nampa kamma-kamma anne nabangummi ammotere' anjo kota ja'dalaka siagang nangaia apparicu. Appakkaramulami ke'nanga ambangungi ammotere' tembo'-tembo'na siagang tasalloami nanapa'le'ba' anjo jamanga.

YOHANES 18:34

Appialimi Isa Nakana, “Maka battu ri katte tonji anne pakkuta'nanga, yareka nia' tau maraeng le'ba' ampauangki' passala'na KalengKu?”

YOHANES 18:36

Nakanamo Isa, “INakke kakaraengangKu tena nabattu anrinni ri linoa. Ebara' angkana battu anrinni ri linoa kakaraengangKu, ma'nassa langngewai taungKu sollanna tena nanipassareangA' mae ri sikamma pamarentana tu Yahudia. Mingka tena memang nabattu anrinni ri linoa kakaraengangKu!”