YOHANES 18:33 - KITTA' MATANGKASA'

³³ Ammotere'mi antama' Pilatus ri balla' lompoa nanakio' Isa, nampa nakuta'nang angkana, “Apaka iKaumi Karaeng tu Yahudia?”

YOHANES 18:33 Referans Kwoze

YOHANES 19:12

Nalangngere'na Pilatus akkana kamma Isa, a'boyami cara antekamma nakkulle nalappassang Isa. Mingka ammarrang-marrammi tu Yahudia, angkana, “Punna kilappassangi antu Taua, teaiki' aganna Karaenga! Inai-nai nakana kalenna karaeng, iami musunna Karaenga!”

YOHANES 19:3

Nampa a'mole-mole ke'nanga battu ri dallekanNa Isa angkana, “La'bu lalo umurutTa, karaenna tu Yahudia!” Nampa natempaka'rang ke'nanga Isa.

YOHANES 18:37

Akkuta'nammi Pilatus nakana, “Jari punna kamma, KaraengKo padeng?” Appialimi Isa Nakana, “Nupaumi angkanaya iNakke anne karaengA'. Se'reji pattujunna naKunilassukang siagang naKubattu ri anne linoa, iamintu ampabattui katojenganga. Inai-nai battu ri anjo katojenganga iami lampilangngeriA'.”

YOHANES 12:13

Angngallemi leko'-leko' kayu ke'nanga nampa mange anruppai Isa. A'rannu-rannumi ke'nanga angkana, “Pujimi Allata'ala! Nibarakkakimi Ia niaka battu lalang arenNa Batara. Nibarakkakimi KaraenNa Israelka!”

MARKUS 15:2

Akkuta'nammi Pilatus ri Isa nakana, “Kammatojengi angkanaya karaennaKo tu Yahudia?” Appialimi Isa Nakana, “Kammaminjo nupaua.”

MATIUS 27:11

Ri wattunna andallekang Isa ri Pilatus, guburnurna anjo pa'rasanganga, akkuta'nammi Pilatus nakana, “Maka karaennaKo tu Yahudia?” Appialimi Isa Nakana, “Kammaminjo nukanaya.”

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

1 TIMOTIUS 6:13

Na kamma-kamma anne, ri dallekanNa Allata'ala assarea nyawa sikontu apa-apa attallasaka kammayatompa ri dallekanNa Isa Almasi assarea kasa'biang tojeng mae ri Pontius Pilatus, iaminne kuparentakanga mae ri kau:

YOHANES 19:9

Jari ammotere'mi pole antama' ri balla' lompoa. Na ri wattunna nierammo Isa antama', akkuta'nammi Pilatus ri Ia, nakana, “Battu kemae assala'Nu?” Mingka tappialiai Isa.

YOHANES 12:15

“Teako mallakki, tulolonna Sion! Ciniki Karaennu battu, a'dongko' ri sikayu keledai!”

YOHANES 1:49

Nakanamo Natanael, “Bapa' Guru, iKattemi Ana'Na Allata'ala! IKattemi Karaenna bansa Israel!”

ZEFANYA 3:15

Nasaba' ammarimi Batara anghukkungko; le'ba'mi Nabongka ngaseng musunnu. Nila'langngiko ri Karaeng Israel, iamintu KalenNa Batara. Kamma-kamma anne tenamo nuparallu malla'.

YEREMIA 23:5

Nakana Batara, “Lanarapiki sallang wattunna, naKuangka' sitau karaeng adeleka battu ri jari-jarina Daud. Anjo karaenga lacara'deki batena ammarenta, siagang nagaukangi apa adeleka siagang annabaya ri sikontu pa'rasanganga.

MATIUS 27:27

Le'baki anjo nierammi Isa ri surudaduna Pilatus antama' ri balla' lompona guburnurka. A'rappungang ngasemmi surudadua amparitangngai Isa.

LUKAS 23:2

Anjoreng ri dallekanna Pilatus, nitudumi Isa ri ke'nanga. Nakana ke'nanga, “Anne taua nirapikangi Napasala oloangi ra'yaka. Naajara' salai taua sollanna tena naero' taua a'bayara' sima ri Karaenga, lanri Nakanana KalenNa Iami Almasi, Karaenga.”

YOHANES 18:34

Appialimi Isa Nakana, “Maka battu ri katte tonji anne pakkuta'nanga, yareka nia' tau maraeng le'ba' ampauangki' passala'na KalengKu?”

YOHANES 18:38

Akkuta'nammi Pilatus nakana, “Apa battuanna anjo katojenganga?” Assulukammi pole Pilatus nampa nakana ri tu Yahudia, “Tena kugappa kasalanna anne Taua, manna sirupa.

YOHANES 19:4

Le'baki anjo assulukammi pole Pilatus nampa nakana ri anjo tau jaia, “Ciniki! Kuerangi anne Taua mae ri dallekannu ngaseng, sollanna nuasseng angkanaya tena kugappa kasalanNa manna sirupa.”