YOHANES 18:20 - KITTA' MATANGKASA'

²⁰ Appialimi Isa Nakana, “Tuli silambusu'na bateKu a'bicara ri dallekanna tau jaia. Tuli angngajarakKa' ri sikamma balla' sambayanga siagang Balla'Na Allata'ala, tampa' biasaya napa'rappungi tu Yahudia. Tena le'bakai nia' apa-apa Kupau cokko-cokko.

YOHANES 18:20 Referans Kwoze

YOHANES 7:26

Cini'mi antekamma bateNa appaero'-ero' a'bicara ri dallekanna tau jaia, na tenanniakka tau ero' akkana-kana ri Ia! Maka naassemmi pamarentata angkanaya Iaminne Karaeng Mappasalamaka?

MATIUS 4:23

Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

YESAYA 48:16

Battu mako a'reppese' mae ri Nakke siagang pilangngeri, battu riolo iji Ku'bicaramo silambusu'na; na sikamma kanangKu tuli Kupa'rupai.” Kamma-kamma anne Nasuroa' Karaeng Allata'ala siagang Nasarea' koasa KalenNa.

LUKAS 21:37

Anjoreng ri Balla'Na Batara angngajara' Isa punna allo. Na punna bangngi a'lampai mange ammantang ri Bonto Zaitun.

YOHANES 7:4

Tenanniakka tau ancokkoi apa-apa nagaukanga punna eroki a'jari masahoro'. Punna Nugaukang apa-apa kammaya anjo, musti naasseng ngasengi sikontu rupataua ri lino!” (

LUKAS 4:15

Angngajara'mi lalang ri sikamma balla' sambayanga. Na nipuji-pujimo ri tau jaia.

MATIUS 26:55

Nampa Nakanamo Isa ri anjo tau jaia, “Apaka nucini' ja'dalakKa' numassing angngerang kamma pa'dang siagang palu-palu battu anjakkalakKa'? Allo-alloKu angngajara' lalang ri Balla'Na Allata'ala natena nujakkalakKa'!

MATIUS 9:35

Kammaminjo pa'lampanna Isa akkuliling battu ri se'reang kota mange ri kota maraenga; battu ri se'reang kampong mange ri kampong maraenga. Angngajara'mi lalang ri sikamma balla' sambayanga, siagang Napabattumi Kabara' Kasalamakkanga, ri passala' antekamma bateNa ammarenta Allata'ala salaku Karaeng. Naballei ngasemmi tau garringa na'jari baji' ngasemmo. Na anjo tau garringa a'rupa-rupai garrinna siagang kasessanna. Kammayatompa tu sala-salanga nabajiki ngaseng tommi.

YESAYA 45:19

Tena Kuccokko-cokko a'bicara, yareka a'bicara rahasia. Tena Kusuroi ummakKu Israel sia-sia amboyai KalengKu. INakke, Batara, Makkana tojeng, siagang ampaui apa annabaya.”

YOHANES 8:26

Jai iji passala' laKupau ri kau ngaseng siagang laKuadeliangko. Mingka Ia assuroA ri Nakke akkullei nipatappa'. Na Kupabattumi ri lino apa le'baka Kulangngere' battu ri Ia.”

YOHANES 8:2

Ammukona bari'basa', a'lampami mange ri Balla'Na Batara, siagang jaimi tau battu mae ri Ia. Ammempomi Isa, nampa Naajara' ke'nanga.

YOHANES 7:28

Le'baki anjo, lalang angngajara'Na Isa ri Balla'Na Batara, a'gora lompomi Nakana, “Jari nuasseng ngasenjA' angkana inaiA' anne, siagang battu kemae assalakKu? Teai ero' KalengKu naKunia' battu. INakke nisuroA' ri Ia niaka koasana assuro ri Nakke, nakkullei nipatappa'. Mingka tena nanuassengi.

YOHANES 7:14

Attangnganamo passua'-suarranga, nia'mi antama' Isa ri Balla'Na Batara, nampa appakkaramula angngajara'.

MATIUS 26:65

Nalangngere'na imang lompoa akkana kamma Isa, naallemi nasinre' jubana na nakana, “Nahinai Allata'ala! Tenamo naparallu pole sa'bia. Massing nilangngere'mi bicaranNa anghinai Allata'ala.

LAMPA-LAMPANA 26:26

Kalenna Karaeng Agripa angngasseng bajiki sikamma anjo passalaka. Iaminjo saba'na nakubarani a'bicara silambusu'na ri dallekanna karaenga. Tappaka' angkanaya tena manna sirupa anjo passalaka tanaassengapa karaenga, nasaba' tena nanjoreng ri tampa' kacokkoanga kajariang sikamma anjo passalaka.

MATIUS 24:26

Punna nakana taua ri kau, ‘Ciniki, niaki anjoreng ri parang lompoa!’ – teako mangei anjoreng. Yareka punna nakana ke'nanga, ‘Ciniki, niaki anrinni accokko lalang ri kamaraka!’ – teako tappakki.

PAMMUJI 40:9

Sannanga' anggaukangi erotTa, o, Allata'ala, kuparipa'maiki hukkunTa.”

PAMMUJI 22:22

Tena pakkulleku, Kilappassanga' battu ri tanru'na tedong romanga siagang muncenna singaya.

MARKUS 8:32

Singara' sikalimi bateNa Isa ampauangi ke'nanga, ri sesena anjo passalaka. Nibeso'mi Isa ri Petrus mae ri sa'ri, nampa napakainga'.

YOHANES 6:59

Yangasenna anjo Napaui Isa ri wattunNa angngajara' lalang ri balla' sambayanga ri Kapernaum.

YOHANES 18:21

Jari angngapa nanikuta'nangA'? Iamonjo ke'nanga kuta'nang, nasaba' nalangngere'mi ke'nanga apa Kupangngajarranga. Tantu naassemmi ke'nanga apa le'baka Kupau.”