YOHANES 17:25 - KITTA' MATANGKASA'

²⁵ Bapa' maadeleka! TanaassengaKi' anne linoa, mingka iNakke KuassengKi'. Na naasseng ngaseng anne taua angkanaya iKatte assuroA' battu ri lino.

YOHANES 17:25 Referans Kwoze

YOHANES 17:11

Kamma-kamma anne battuMa' mae ri Katte. Tenamo naKuammantang ri linoa; mingka ia ke'nanga niaki ilalang lino. IKatte Bapa' Matangkasa'! Kijagai laloi ke'nanga ilalang koasana arenTa, iamintu areng le'baka Kipassareang mae ri Nakke – sollanna a'jari se're ke'nanga, sangkamma iKatte siagang iNakke se're tonjaKi'.

YOHANES 17:8

Le'ba'mi Kupabattu ri ke'nanga kana-kana Kipabattua mae ri Nakke, nanatarimamo ke'nanga. Naassemmi ke'nanga, angkanaya iNakke ma'nassa iKatte Kukabattui, siagang tappa'mi ke'nanga angkanaya iKatte assuroA' battu ri linoa.

YOHANES 15:21

Lanagaukang ngasengi anjo kammaya mae ri kau, lanri amminawannu ri Nakke, siagang lanri tenana naassengi ke'nanga angkana inai assuroA'.

YOHANES 7:29

INakke Kuassengi lanri battu ri Iami assala' kabattuangKu, siagang Iami assuroA' battu.”

YOHANES 16:27

nasaba' KalenNa Manggea angkamaseangko. Nakamaseangko Manggea, lanri nukamaseangA', siagang tappakko ri Nakke angkanaya battuA' ri Allata'ala.

IBRANI 8:11

Taparalluai ke'nanga siajara' para ia, yareka ampauangi sari'battanna angkana, ‘Tappakko mae ri Batara.’ Nasaba' yangasenna ke'nanga ca'di lompo, latappaki mae ri Nakke.

2 KORINTUS 4:4

Barhala ja'dala' niaka ri lino antongkoki pikkiranna tau tenaya natappa' ri anjo Kabara' Bajika. Iaminjo barhalaya anrompa-rompai ke'nanga sollanna tanacinika singara' battua ri anjo Kabara' Bajika, ri sese kalompoanNa Almasi, a'jaria pammatei rupanNa Allata'ala.

YOHANES 8:55

mingka tena nanuassengi. Mingka iNakke Kuassengi. Ebara'na Kukana tena naKuassengi, a'jari tu paballe-balleMa', sangkamma ikau ngaseng. Mingka iNakke Kuassengi siagang Kuturuki kananNa.

LUKAS 10:22

Sikontu-kontuna le'ba'mi Kipassareang mae ri Nakke. Tena manna sitau angngassengi anne AnatTa, pantaranganna iKatte. Tena todong sitau angngassengKi', pantaranganna AnatTa, siagang sikamma tau le'baka Napauang AnatTa.”

PAPPICINI' 13:8

Anjo olo'-oloka lanisombai ri sikontu tau attallasaka ri lino, pantaranganna tau le'bakamo nitulisi' arenna ri wattu tenanapa nipa'niaki linoa, lalang ri kitta' katallassanNa anjo Ana' Gimbala' le'baka nisamballe.

1 YOHANES 1:9

Mingka punna nimangakui dosa-dosata mae ri Allata'ala, laNarupaimi janjinNa siagang laNagaukammi apa-apa adeleka mae ri katte. LaNapammopporangi dosa-dosata siagang laNatangkasiki' battu ri sikontu kaja'dallanga.

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

1 KORINTUS 15:34

Angngu'rangi mako ri kamma-kammaya anne, siagang tea' mako eroki pole a'gau' dosa. Siratanna musti a'jari siri'-sirikko lanri nia'na ija ri tangnga-tangnganu tau tenapa natappa' ri Allata'ala.

1 KORINTUS 1:21

Nasaba' manna pole antekamma cara'de'na rupataua, mingka takkulleai mangngasseng ri Allata'ala punna lanri kacara'dekanna bawang. Mingka lanri mangngamaseanNa Allata'ala, Naero'mo ampasalamaki sikamma tau tappaka ri Ia, tete ri anjo biritta napabattua ikambe, nicini' a'balle-ballea ri anne linoa.

ROMA 3:26

Mingka kamma-kamma anne Natuntu'mi Allata'ala dosa-dosaya, lanri ero'na Napa'butti kaadelanNa. Kammaminjo carana, naNapappicinikammo katojenganNa; na inai-nai tappa' mae ri Isa, Napa'nyatami mae ri anjo taua angkanaya assibajikimi ammotere' siagang Allata'ala.

ROMA 3:11

tena manna sitau ammahang siagang tena manna sitau anynyomba ri Allata'ala.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

LAMPA-LAMPANA 17:23

Nasaba' ri wattungku a'jappa-jappa akkuliling ri kota-kotanu, nakuparhatikang sikamma tampa' passambayangannu, nia' tommo kucini' se're tampa' biasaya nupake assare koro'bang. Anjoreng ri tampaka nia' tattulisi' angkanaya, ‘Mae ri Allata'ala Tenaya Naniassengi.’ Na kamma-kamma anne, iaminjo Allata'ala nusombaya mingka tanuassengai, Iaminjo Allata'ala kukabarranga ri kau ngaseng.

YOHANES 17:23

asse'reA' siagang ke'nanga, na iKatte siagang iNakke, sollanna a'jari se're tojeng-tojeng ke'nanga. Jari lanaassemmi linoa angkana iKatte assuroA', siagang Kikamaseangi ke'nanga, sangkamma KikamaseangKu.

YOHANES 17:21

Kupalaki ri Katte Bapa', sollanna a'jari se're ngaseng anne ke'nanga, sangkamma iKatte siagang iNakke yareka iNakke siagang iKatte se're tonjaKi'. Poro asse're ngasengi ke'nanga mae ri Katte, sollanna akkulle tappa' linoa angkana iKatte assuroA' battu ri lino.

YOHANES 17:18

Sangkamma KisuroKu antama' ri lino, kammaminjo naKusuro todong ke'nanga mange ri linoa.

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

YOHANES 16:30

nanaasseng ikambe angkanaya sikontu apa-apaya Kiasseng ngasengi, Batara. Tena naparallu taua ampakkuta'nangangi ri Katte. Iaminjo saba'na natappa'mo ikambe angkanaya iKatte battuKi' ri Allata'ala.”

YOHANES 16:3

La'gau' kammai anjo ke'nanga mae ri kau, lanri tenanapa naassengi Manggea, siagang tenanapa naassengA'.

YOHANES 8:19

Nakanamo ke'nanga, “Kemae ManggeNu?” Appialimi Isa Nakana, “Tena nanuassengA' siagang tena nanuassengi ManggeKu. Ka'de' nanuassengA', mattantu nuasseng tommi ManggeKu.”

YOHANES 6:19

Ri wattunna narapi'mo kira-kira lima yareka annang kilometere' bellana ke'nanga nia'mi nacini' Isa battu mae ri biseanna ke'nanga, a'jappa ri tompo'na je'neka. Namalla' sikalimo ke'nanga.

YOHANES 3:17

Nasaba' tena naNasuroi battu Ana'Na Allata'ala untu' anghukkungi anne linoa, passangalinna untu' ampasalamaki.

YOHANES 1:18

Tenanniakka le'ba' anciniki Allata'ala, pantaranganna Ana' sitau-tauNa Manggea, sangkammaya siagang Manggea, na majarreka ri KalenNa. Iami ampa'nyatai Manggea ri Katte.

MATIUS 16:16

Appialimi Petrus nakana, “IKattemi Karaeng Mappasalamaka, Ana'Na Allata'ala Mattallasaka.”

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

YESAYA 45:21

Pamajumi parkaranu, paridallekammi butti-buttina, iyo, boli'mi kamma appare' ke'nanga passitujuang. Inaika angkabarrangi anjo passalaka siagang le'ba' ampaui baku' battu riolo iji? Sai iNakke, Bataraya? Tena allata'ala pantaranganna iNakke. INakkemi Allata'ala adeleka siagang Mappasalamaka, tena maraeng pantaranganna iNakke!

PAPPICINI' 16:5

Kulangngere'mi anjo malaeka' makoasaya ri je'neka angkana, “Adeleki hukkungang Kipassareanga, o Kaminang Matangkasaka, Allata'ala niaka, siagang niakamo!