YOHANES 16:5 - KITTA' MATANGKASA'

⁵ Mingka kamma-kamma anne la'lampaMa' mange ri Ia assuroa ri Nakke; na tena manna sitau battu ri kau ngaseng akkuta'nang angkanaya kemae laKulampai.

YOHANES 16:5 Referans Kwoze

YOHANES 13:36

Akkuta'nammi Simon Petrus ri Isa, nakana, “O Batara, la'lampa kemaeKi'?” Appialimi Isa Nakana, “Takkulleako amminawang kamma-kamma anne, mange ri tampa' laKumangeia. Ri bokopako lamminawang sallang.”

YOHANES 7:33

Nakanamo Isa ri anjo tau jaia lalang ri Balla'Na Batara, “Poro sinampe' maMa' nia' anrurungangko. Punna le'ba'mo sallang, lammotere'Ma' mae ri Ia assuroA ri Nakke.

YOHANES 16:28

Memang iNakke assalakKu iamintu battu ri Manggea, siagang nia'Ma' battu antama' ri linoa. Mingka kamma-kamma anne laKubokoimi anne linoa, naKuammotere' mae ri Manggea.”

YOHANES 17:4

Kupa'le'ba'mi jama-jamang Kipassuroanga ri Nakke, sollanTa akkulle Kupakala'biri' ilalang lino.

YOHANES 16:10

angkanaya iNakkemi tojeng, nasaba' a'lampA' mae ri Manggea, natenamo nalanucinikKa';

IBRANI 12:2

Parallui tuli tattuju paccinitta mae ri Isa, nasaba' Iami ampabangungi siagang amparakai tappatta battu ri pakkaramulanna sa'genna kala'busang. Attahangi Isa angkasiaki sessaya ri kayu sallika! TaNajampangiai angkanaya anjo matea ri kayu sallika sannaki appakasiri'na. Iaji bawang Nau'rangi karannuang laNakasiaka sallang. Nakamma-kamma anne ammempomi ri sa'ri kanang empoang kala'biranNa Allata'ala, ammarenta siagang Allata'ala.

IBRANI 1:3

Iami ampaccayai lalang ri KalenNa singara' kalompoanNa Allata'ala; Iami rupa ma'nyataNa battu ri KalenNa Allata'ala. Iatommi angkatutui kajarrekanna anne linoa, siagang sanna' makoasana kana Napaua. Ri le'ba'namo Nasare oloang rupataua untu' nilappassang battu ri dosa-dosana, mangemi ammempo ri empoang kala'biranNa ri suruga, ammarenta siagang Allata'ala, anna'galaka koasa kaminang tinggi.

YOHANES 13:3

Naassemmi Isa angkanaya le'ba'mi Napassareang ngaseng ManggeNa sikontu koasaya mae ri KalenNa. Na Naasseng todong angkanaya Ia battui ri Allata'ala, nalammotere' poleang mae ri Allata'ala.

YOHANES 16:16

“Sinampe' dudu mami natakkulleaMa' nucini'; sinampe' dudu maMa' lakkulle nucini'.”

YOHANES 14:28

Le'ba'mi nulangngere' Kukana, ‘La'lampA', mingka lammotere'jA' pole mae ri kau’. Punna nukamaseangA', lasannangi nyawanu punna a'lampA' mange ri Manggea. Nasaba' anjo Manggea, lompoangangi naiNakke.

YOHANES 6:62

Antekamma sallang kajarianna punna nucini' Ana' Ma'rupataua nai' ammotere' ri tampa' Nakabattuia?

YOHANES 17:13

Kamma-kamma anne battuMa' mae ri Katte. Kupau ngasemmi anne ilalang niakKu ija ri lino; sollanna sukku' ngaseng nakasia'na ke'nanga karannuangKu.

YOHANES 16:17

Appakkaramulami massing sikuta'nang siapa area ana'-ana' gurunNa Isa, nakana, “Apa battuanna naNakana mae ri katte angkanaya: ‘Sinampe' dudu mami natakkulleaMa' nucini'; sinampe' dudu maMa' lakkulle nucini'’? Apa todong battuanna nangkana, ‘La'lampA' mae ri Manggea’?”