YOHANES 16:24 - KITTA' MATANGKASA'

²⁴ Sa'genna kamma-kamma anne tenapa nule'ba' appala' apa-apa lalang arengKu. Appalakko, nalanugappa, sollanna a'jari sukku' karannuannu.”

YOHANES 16:24 Referans Kwoze

YOHANES 15:11

Kupau ngaseng minne ri kau, sollanna nupariati karannuangKu, siagang na'jari sukku' karannuannu.

YOHANES 16:23

Ri anjo alloa sallang, tenamo nulakkuta'nang apa-apa mae ri Nakke. Tappa' mako angkanaya: apa-apa mamo nupala' mae ri Manggea lalang arengKu, laNapassareangi Manggea mae ri kau.

2 YOHANES 1:12

Jai sikali parallu lakupau mae ri kau ngaseng, mingka bajikangangi punna tena nakupalalangi ri suraka. Kuminasai nakuakkulle battu angkunjungiko siagang kalengku a'bicara mae ri kau ngaseng, sollanna akkulle rannu tojeng-tojeng atinta.

MATIUS 6:9

Jari, punna erokko assambayang pakammaminne batenu: ‘O, Manggea ri suruga: IKattemi Allata'ala Tenaya Ruanna Poro iKatte nisomba siagang nipakala'biri'.

YOHANES 3:29

Ia bunting bainea, bunting bura'nea pata. Anjo passari'battanganna bunting bura'nea poro ammentennaji anrurungangi siagang ampilangngeri kananna; na sanna' nangaina ampilangngeri sa'ranna anjo bunting bura'nea. Inakke kamma tomma' anjo. Sannang sikalimi atingku kamma-kamma anne.

1 KARAENG-KARAENG 18:36

Ri wattunna narapi'mo wattunna assare koro'bang karueng, a'reppese'mi Na'bi Elia mae ri anjo tampa' pakkorobangnganga nampa appala' doang angkana, “O Batara, Allata'ala nasombaya Abraham, Ishak siagang Yakub, Kipa'nyatai kamma-kamma anne angkanaya iKattemi Allata'alana Israel, siagang inakke anne atanTa. Kipa'nyata tongi angkanaya sikontu anne apa kugaukanga lanri parentaTa.

2 TESALONIKA 1:2

ma'minasa ngasengki' nuporo nisare ngaseng barakka' siagang salewangang ri Allata'ala.

PA'JARIANG 32:9

Nampa appala' doammo Yakub nakana, “O, Allata'ala, Ia napakalompoa toaku Abraham, siagang manggeku Ishak, poro Kipilangngeri laloa'! IKattemi Batara assuroa' ammotere' mange ri pa'rasangangku siagang bija pammanakangku. Nampa Kijanjima' angkanaya iKatte langngatoroki sikontu-kontuna a'jari baji', untu' inakke.

2 KARAENG-KARAENG 19:15

nampa appala' doang angkana, “O Batara, Allata'alana tu Israel, niaka ri empoang kala'biranNa irate ri patunna malaeka' akka'nyika, tena ruanTa Allata'ala makoasaya mae ri sikontu kakaraenganga ri tompo'na buttaya. IKattemi ampa'jari langika siagang buttaya.

YOHANES 14:1

Nakana Isa ri ke'nanga, “Teako lussaki ri atinnu. Tappa' mako mae ri Allata'ala, siagang tappa' tommako mae ri Nakke.

YOHANES 14:14

Apa-apa nupala' lalang arengKu, laKupa'rupai mae ri kau.”