YOHANES 14:12 - KITTA' MATANGKASA'

¹² Annaba tojengi anne kanangKu: Inai-nai tappa' ri Nakke, lanagaukangi apa le'baka Kugaukang, – ba'lalo lanagaukangi apa lompoanganga – nasaba' a'lampA' mae ri Manggea.

YOHANES 14:12 Referans Kwoze

MATIUS 21:21

Appialimi Isa Nakana, “Sitojeng-tojenna, punna tappakko natena nubata-bata, akkulle ngaseng tongko anggaukangi anjo apa le'baka Kugaukang mange ri poko' araya. Ba'lalo teai anjo bawang. Lakkulleko pole angkana ri anne bontoa, ‘Ta'angkakko, nutassambila naung ri tamparanga’; nalakamma tojeng-tojeng anjo kajarianna.

MARKUS 16:17

Na la'jari buttia angkanaya tappaki ke'nanga, lanabongkami setanga lalang arengKu; la'bicarai ke'nanga lalang a'rupa-rupa bicara tenaya napahangi ke'nanga.

LAMPA-LAMPANA 16:18

Niaki pirangallo are sallona tuli amminawang anjo bainea akkiok-kio' kamma anjo. Sa'genna takkulleami sa'bara' Paulus napakamma; jari assailemi Paulus, nampa nakana ri anjo rohna setanga, “Lanri arenNa Isa Almasi, kusuroko assulu' battu ri anne bainea!” Anjo wattua, assulu' memammi anjo rohna setanga battu lalang ri kalenna anjo bainea.

LAMPA-LAMPANA 9:34

Nakanamo Petrus ri Eneas, “O Eneas, kamma-kamma anne Naballeiko Isa Almasi. Ambangung mako nai' nanupakabaji' katinroannu.” Ambangung memammi Eneas anjo wattua.

LAMPA-LAMPANA 19:12

Ebara'na, punna nierang passapunna yareka passikko' aya' le'baka napake Paulus mae ri tau garringa, akkullemi a'jari baji' taua, yareka assulu'mi roh ja'dalaka ri kalenna ke'nanga.

LAMPA-LAMPANA 9:40

Nasuromi Petrus assulu' ngaseng ke'nanga, nampa akkulantu' appala' doang. Le'baki anjo, a'dalle' mangemi ri maya'na Dorkas, nampa nakana, “Tabita, ambangungko!” Nasungkemi matanna Dorkas; na ri wattunna nacini' Petrus, ambangummi nai' ammempo.

LAMPA-LAMPANA 8:7

Nasaba' assulu'mi roh ja'dalaka ammarrang kodi battu ri tau jai nasosoka setang, lanri nabongkai Filipus assulu'. Jai tommi tau peso' siagang tau tempang niballei na'jari baji'.

LAMPA-LAMPANA 5:15

Ba'lalo lanri kammana anjo, nierammi assulu' ri aganga tau garringa rate ri bulekang, yareka nipadongko' ri tappereka, sollanna punna numalo Petrus, kaminang sike'de'na manna taung-taunnaja antabai anjo tau garringa, nakkulle a'jari baji'.

LAMPA-LAMPANA 2:41

Jaimi tau tappa' mae ri anjo napaua Petrus, nampa nije'ne'mo ke'nanga. Jari anjo alloa katambammi jaina tau tappaka a'jari tallussa'bu tau.

LAMPA-LAMPANA 4:4

Mingka jaimi tau le'bakamo allangngereki anjo napangngajarrang tunisuroa, a'jari tappa'. Katambammi jaina ke'nanga a'jari kira-kira limassa'bu tau.

YOHANES 16:7

Mingka apa kammatojeng anne Kupaua mae ri kau: Angkanaya bajikangangi mae ri kau punna a'lampA'; nasaba' punna tena Ku'lampa, talabattuai anjo Pannulunga mae ri kau. Mingka punna a'lampA' laKusuroi battu anjo Pannulunga mae ri kau.

LAMPA-LAMPANA 2:33

Niangka'mi nai' ri empoang kaminang tinggia siagang nisaremi koasa ri Allata'ala, nampa Natarima RohNa Allata'ala, le'baka Napa'janjiang Manggea. Na anne apa nulangngereka siagang nucinika kamma-kamma anne iaminjo RohNa Allata'ala, Napaturunga mae ri kambe.

YOHANES 7:39

RohNa Allata'ala anjo Nabicaraya Isa, lanatarimaya tau tappaka ri Ia. Nasaba' anjo wattua tenapa nipassareangi RohNa Allata'ala; lanri tenapa nanipakala'biriki Isa lanri kamateanNa.)

YOHANES 7:33

Nakanamo Isa ri anjo tau jaia lalang ri Balla'Na Batara, “Poro sinampe' maMa' nia' anrurungangko. Punna le'ba'mo sallang, lammotere'Ma' mae ri Ia assuroA ri Nakke.

ROMA 15:19

kammayatompa ilalang gau'-gau' appakalannasaka, siagang sukkaraka antama' ri akkala'na rupataua; yangasenna anjo koasaNa RohNa Allata'ala anggaukangi. Le'ba' ngasemmi kubirittakang sikamma Kabara' Baji' ri passala'na Isa Almasi mae ri taua, appakkaramula battu ri Yerusalem sa'genna ri Ilirikum.

LAMPA-LAMPANA 6:7

Kammaminjo, napila' a'la'bammo kabara' battua ri Allata'ala, siagang pila' katambammi jaina tau tappaka ri Isa anjoreng ri Yerusalem. Na jai tommo imang-imang a'jari tappa' ri Isa.

LAMPA-LAMPANA 4:16

Nakanamo ke'nanga, “Apa musti nigaukang ri anjo tau ruaya? Sikontu tau niaka ammantang ri Yerusalem naasseng ngasemmi angkanaya anjo tau ruaya anggaukangi anjo gau' appakalannasaka. Takkulleami nicokkoi anjo apa nagaukanga ke'nanga.

YOHANES 14:28

Le'ba'mi nulangngere' Kukana, ‘La'lampA', mingka lammotere'jA' pole mae ri kau’. Punna nukamaseangA', lasannangi nyawanu punna a'lampA' mange ri Manggea. Nasaba' anjo Manggea, lompoangangi naiNakke.

LAMPA-LAMPANA 10:46

Nasaba' nalangngere'mi ke'nanga anjo taua a'bicara lalang a'rupa-rupa bicara, siagang ammuji-muji ri Allata'ala. Nampa nakanamo pole Petrus,

LAMPA-LAMPANA 4:33

Lalang koasa malompo battua ri Allata'ala, a'jari sa'bi ngasemmi anjo tunisuroa, angkanaya ma'nassa attallasa' poleammi Isa battu ri kamateanga. Sanna'mi nibarakkakina ke'nanga ri Allata'ala.

MARKUS 11:13

Nia'mo Nacini' battu bella sipoko' ara sannaka copponna leko'na. Jari mangemi anjoreng ero' anciniki bara' nia'ja rapponna. Mingka wattunna battu mange anjoreng, tena sikali rapponna Nacini'. Sangge leko'na bawang coppong, nasaba' anjo wattua teaipi wattunna a'rappo araya.

YOHANES 4:37

Annabami anne bicara angkanaya, ‘Se'reanga a'lamung, namaraenganga akkatto.’

YOHANES 5:20

Nasaba' lanri NakamaseanNa Manggea Ana'Na, jari iaminjo naNapicinikiang ngaseng sikontu apa Nagaukanga. Ba'lalo Napicinikiangi pole panggaukang-panggaukang la'bi lompoanganga, sa'gennu lannasa' ngaseng.