YOHANES 14:1 - KITTA' MATANGKASA'

¹ Nakana Isa ri ke'nanga, “Teako lussaki ri atinnu. Tappa' mako mae ri Allata'ala, siagang tappa' tommako mae ri Nakke.

YOHANES 14:1 Referans Kwoze

YESAYA 26:3

O, Batara, iKatte assare passiamakkang siagang salewangang mae ri tau jarreka pa'mai'na, lanri tappa'na mae ri Katte.

YOHANES 12:44

A'gorami Isa Nakana, “Inai-nai tappa' ri Nakke, teai Nakke napatappa', mingka Ia assuroa ri Nakke napatappa'.

YOHANES 6:40

Memang, iaminne Nakaerokanga ManggeKu: Sikamma tau ancinikai Anaka na tappa' ri Ia, nagappami katallassang satunggu-tunggua, siagang laKupattallasa' poleangi sallang ri Allo Kiamaka.”

PAMMUJI 43:5

Angngapa nasi'na siagang lussa' pa'maikku? Manrannuanga' ri Allata'ala, na kulappala' sukkuru'mo pole mae ri Ia, ri Allata'alaku siagang Tumappasalamakku.

1 PETRUS 1:21

Tete ri Iami nanutappa' mae ri Allata'ala, le'baka ampattallasa' poleangi battu ri kamateanga siagang le'baka ampakala'biriki. Jari, Allata'alami nupatappa', siagang ri Allata'ala tommi le'ba' nupadongko' panrannuannu.

YOHANES 13:19

Kupabattumi anne passalaka ri kau ngaseng, ilalang tenanapa nakajariang. Sollanna punna kajariammo sallang, latappa' ngaseng mako angkanaya iNakke minne nikanaya INAKKE NIA'.

EFESUS 1:15

Lanri kammana, ri uru kulangngere'na angkanaya tappa' mako mae ri Batara Isa, siagang nukamaseammo sikontu Umma'Na Allata'ala,

YOHANES 12:27

“Lussa'minne atingKu: apa musti laKupau kamma-kamma anne? Mustika laKukana, ‘Bapa', paliliA' ri kamma-kammaya anne’? Mingka untu' iaminne passessaya naKunia' battu.

2 TESALONIKA 2:2

Teako linta' dudui a'jari lingu siagang lussa' lanri nia'na kabara' angkanaya narapi'mi allonna labattu poleang Batara Isa. Nakulle kapang anjo kabaraka battu ri pappiso'nai, yareka battu ri pangngajarangi; yareka nia' kapang tau angkana le'baki natulisi' ikambe anjo kabaraka lalang ri sura'na ikambe.

2 KORINTUS 2:7

Anne kamma musti nupammopporammi, siagang parallui nupakajarre' pa'mai'na sollanna tena nasi'na dudu pa'mai'na sa'genna tappu' panrannuang.

YOHANES 11:33

Nacini'na Isa angngarru' Maria, siagang sikamma tu Yahudi niaka battu angngagangi Maria angngarru' ngaseng tommi, a'jari si'nami atinNa siagang sanna'mi dinging-dinginna pa'mai'Na.

YOHANES 5:23

NaNapakamma anjo Manggea sollanna nipakala'biri' anjo Anaka battu ri sikontu rupataua, sangkamma napakala'biri'na Manggea ke'nanga. Inai-nai tena napakala'biriki Anaka, tena tommo napakala'biriki Manggea, assuroai battu Anaka.

YEREMIA 8:18

Rapangi nie'ba' atingku na pacce, susa tena balleanna.

YOHANES 16:3

La'gau' kammai anjo ke'nanga mae ri kau, lanri tenanapa naassengi Manggea, siagang tenanapa naassengA'.

PAMMUJI 77:10

Nakaluppaimika Allata'ala untu' angngamaseang? Larroika, sa'genna tenamo pangngamaseanNa?”

YOHANES 16:6

Ba'lalo kamma-kamma anne a'jari si'nami atinnu, lanri Kupauna anne passalaka mae ri kau.

YOHANES 16:24

Sa'genna kamma-kamma anne tenapa nule'ba' appala' apa-apa lalang arengKu. Appalakko, nalanugappa, sollanna a'jari sukku' karannuannu.”