YOHANES 13:9 - KITTA' MATANGKASA'

⁹ Nakanamo Simon Petrus, “Punna kamma padeng Batara, teaKi' bangkengku bawang Kibissai, mingka limangku siagang ulungku pole Kibissaiang tonga'!”

YOHANES 13:9 Referans Kwoze

PAMMUJI 51:7

Sitojenna, ja'dala' memanga' baku' nilassukangku, nataba memamma' dosa baku' lalangku ri battang.

PAMMUJI 51:2

ri le'ba'na nipakainga' ri Na'bi Natan lanri a'gau' salimara'na siagang Batsyeba.

1 PETRUS 3:21

Jari anjo kajarianga a'jarimi pangngebarang mae ri anjo pa'je'ne' ampasalamakako ri kamma-kammaya anne. Anne pa'je'neka teai pa'gaukang akkullea antangkasi kalennu battu ri sikontu apa-apa ra'masaka, passangalinna a'jari janjinnu mae ri Allata'ala, iamintu janji baji'nu battu lalang ri ati mailalannu. Anjo pa'je'neka napasalamakko lanri attallasa'Namo ammotere' Isa Almasi battu ri kamateanga,

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

PAMMUJI 26:6

Kubissai limangku pammatei tena kusala, na ku'jappa angnginroi tampa' pakkoro'bangnganTa, o, Batara,

MATIUS 27:24

Kala'busanna naassemmi Pilatus angkanaya tena memang tommo maraeng akkulle nagaukang. Siagang akkullei a'jallo' anjo tau jaia punna tena niturukiangi ero'na. Jari angngallemi je'ne', nampa nabissai limanna ri dallekanna anjo tau jaia. Na nakana, “Inakke tena nakutanggongi kamateanNa anne taua! Anne urusannu ngaseng kau!”

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

YOHANES 13:8

Nakanamo Petrus, “TeaKi' Batara; tea laloKi' bissai bangkengku!” Mingka appialimi Isa Nakana, “Punna tena naKubissaiangko bangkennu, tena passisambungannu siagang iNakke.”

YOHANES 13:10

Nakanamo Isa ri Petrus, “Punna le'ba'mo taua a'je'ne', tangkasa' ngasemmi sibatu kale. Tenamo naparallu nibissai pole; passangalinna bangkenna mami nibissai. Tangkasa' mako, mingka tenapa nutangkasa' ngaseng.” (