YOHANES 13:21 - KITTA' MATANGKASA'

²¹ Le'ba'na akkana kamma Isa, a'jari dinging-dingimmi nasa'ring pa'mai'Na. Nakanamo, “Annaba tojengi anne kanangKu: Nia' sallang kalase'rennu ampasikongkolangA'.”

YOHANES 13:21 Referans Kwoze

MATIUS 26:21

Lalang angnganrena ke'nanga, Nakanamo Isa, “Pilangngeri sai: nia' sallang kalase'rennu ambalukangA'.”

YOHANES 13:18

Tena nanataba ngasengko anne apa Kupabattua. Kuassemmi angkanaya inai-nai le'ba' Kupilei. Mingka musti a'rupai apa niaka tattulisi' lalang ri Kittaka, iamintu, ‘Tau Kuaganga sipangnganreang, la'jari musui ri Nakke.’

MARKUS 14:18

Lalang ammemponamo ke'nanga angnganre, Nakanamo Isa, “Pilangngeri sai: kala se'rennu, ia niaka kamma-kamma anne angngagangA' angnganre, ampasikongkolangA' sallang.”

YOHANES 12:27

“Lussa'minne atingKu: apa musti laKupau kamma-kamma anne? Mustika laKukana, ‘Bapa', paliliA' ri kamma-kammaya anne’? Mingka untu' iaminne passessaya naKunia' battu.

YOHANES 11:33

Nacini'na Isa angngarru' Maria, siagang sikamma tu Yahudi niaka battu angngagangi Maria angngarru' ngaseng tommi, a'jari si'nami atinNa siagang sanna'mi dinging-dinginna pa'mai'Na.

1 YOHANES 2:19

Ia musu-musunNa Almasi, iamintu sikamma tau a'lampayamo ambokoiki', nasaba' anjo ke'nanga teai memangi taunta. Punna taunta anjo ke'nanga, tantu tuli ammantangi assiagang ikatte. Mingka assulu'mi ke'nanga battu ri katte, sollanna a'jari singara'mo angkanaya tena manna sitau battu ri ke'nanga antama' tojeng-tojenga ri golonganta.

LAMPA-LAMPANA 17:16

Lalang natayanna Paulus kabattuanna Silas siagang Timotius ri Atena, si'nami atinna anciniki anjo kotaya lanri jaina barhala anjoreng.

YOHANES 13:2

Angnganre bangngi Isa siagang ana'-ana' gurunNa. Antama'mi Billisika ri atinna siagang cinnana Yudas, ana'na Simon Iskariot, sa'genna ero'mi Yudas ambalukangi Isa.

YOHANES 11:38

Sanna'mi pole dinging-dinginna pa'mai'Na Isa, nampa a'lampami mange ri jeraka. Anjo jeraka, se're jera' batu nitongkoka batu lompo.

YOHANES 11:35

Angngarru'mi Isa.

MARKUS 3:5

A'jari larromi Isa, na'la'bang Naciniki ngaseng tau niaka ri tammuliliNa. Mingka si'na tommi pa'mai'Na lanri kapala batuna ngaseng ke'nanga. Nampa Nakana ri anjo taua, “Pajonjoi limannu.” Napajonjomi limanna anjo taua, na'jari baji'mo.

MATIUS 26:38

Nakanamo ri ana'-ana' gurunNa, “Sanna' si'nana Kusa'ring pa'maikKu, kamma Kusa'ring tau lamatea. Ammantang mako anrinni anrurungangA' a'jaga-jaga.”

YOHANES 13:22

A'le'ba'-le'basa'mi sicini'-ciniki ana'-ana' gurunNa, siagang lannasa' ngasemmi ke'nanga, lanri tanaassengai ke'nanga angkana inaimo nataba anjo bicaraya.