YOHANES 13:18 - KITTA' MATANGKASA'

¹⁸ Tena nanataba ngasengko anne apa Kupabattua. Kuassemmi angkanaya inai-nai le'ba' Kupilei. Mingka musti a'rupai apa niaka tattulisi' lalang ri Kittaka, iamintu, ‘Tau Kuaganga sipangnganreang, la'jari musui ri Nakke.’

YOHANES 13:18 Referans Kwoze

PAMMUJI 41:9

Nakana ke'nanga, “Teai sipato' sanna'na garrinna, tena olona lakkulle ambangung poleang.”

MATIUS 26:23

Appialimi Isa Nakana, “Ia Kuaganga appada appanaung roti ri mangkoka, iaminjo eroka ambalukangA'.

YOHANES 17:12

Ri wattu niakKu ija assiagang ke'nanga, Kujagaimi ke'nanga ilalang kakoasanna arenTa – iamintu areng Kipassareanga mae ri Nakke. Le'ba'mi Kujagai ke'nanga, sa'genna tena sikali tappela' manna sitau, pantaranganna ia musti tappela' memanga; sollanna ilalang ri kammana anjo na'rupamo apa niaka tattulisi' lalang ri Kittaka.

MARKUS 14:20

Appialimi Isa Nakana, “Inai-nai kalase'rennu anne sampuloa anrua angngagangA' a'julu piring angnganre iaminjo taunna.

YOHANES 13:26

Appialimi Isa Nakana, “Anjo tau Kusarea roti, le'baka Kupatittili' naung ri mangkoka, iaminjo taunna.” Angngallemi roti Isa nampa Napatittili' antama' ri mangkoka; nampa Napassareang mae ri Yudas, ana'na Simon Iskariot.

YOHANES 6:70

Appialimi Isa Nakana, “Sai sampuloko anrua Kupile? Mingka nia' sitau ri kau a'jari setang!”

YOHANES 15:19

Ebara' angkana napatangko anne linoa, lanakamaseangko anne linoa salaku apa-apanna. Mingka le'ba' mako Kupile battu ri anne linoa, jari teai mako patanna linoa. Iaminjo saba'na nanakabirisiko linoa.

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

YOHANES 15:16

Teai ikau ngaseng ampileA'. Mingka iNakke ampile ngasengko, siagang assuro ngasengko a'lampa sollannu akkulle a'rappo jai – natalapanraka anjo rapponnu. Na apa-apa mamo nupala' lalang arengKu, laNasareko Manggea.

MATIUS 10:36

Jari tau lalang ballaka tonji sallang la'jari bali lompo.

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

2 KORINTUS 4:5

Anjo biritta napabattua ikambe teai biritta ri sesena ikambe. Anjo birittaya, biritta ri sesena Isa Almasi, angkanaya Iami Batara; na ikambemi anne a'jari atannu ngaseng lanri Isa.

YEREMIA 41:2

Ismael siagang anjo sampuloa tau nabi'bu'mi pa'danna ke'nanga nampa nabuno Gedalya, anjo guburnur niangkaka ri tu Babel.

MATIUS 26:21

Lalang angnganrena ke'nanga, Nakanamo Isa, “Pilangngeri sai: nia' sallang kalase'rennu ambalukangA'.”

MARKUS 14:17

Wattunna bangngimo, battumi Isa siagang anjo sampuloa anrua ana' gurunNa.

MARKUS 14:18

Lalang ammemponamo ke'nanga angnganre, Nakanamo Isa, “Pilangngeri sai: kala se'rennu, ia niaka kamma-kamma anne angngagangA' angnganre, ampasikongkolangA' sallang.”

LUKAS 22:21

“Mingka ciniki! Anjo tau eroka ambalukangA' niaki anrinni siagang iNakke!

YOHANES 13:21

Le'ba'na akkana kamma Isa, a'jari dinging-dingimmi nasa'ring pa'mai'Na. Nakanamo, “Annaba tojengi anne kanangKu: Nia' sallang kalase'rennu ampasikongkolangA'.”

YOHANES 13:22

A'le'ba'-le'basa'mi sicini'-ciniki ana'-ana' gurunNa, siagang lannasa' ngasemmi ke'nanga, lanri tanaassengai ke'nanga angkana inaimo nataba anjo bicaraya.

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

YOHANES 18:32

Kajariammi anne kammaya, sollanna a'rupamo apa le'baka Napau Isa, ri passala' antekamma bateNa lamate.)

YOHANES 19:24

Nakanamo anjo surudadua para ia, “Tea' mako polong-polongi anne jubaya. Umbamo naniloterei nanipattantu angkana inai anggappai.” Kajariammi anjo passalaka sollanna a'rupamo apa tattulisika lalang ri Kittaka angkanaya: “Nabage-bagei ke'nanga care-careKu nanaloterei jubaKu.” Na kamma tojemmi anjo nagaukanga surudadua.

YOHANES 19:36

Kajariammi anjo passalaka, sollanna a'rupamo apa niaka tattulisi' lalang ri Kittaka, angkanaya, “Tena manna se're lanitepo' bukunNa”.

LAMPA-LAMPANA 1:2

sa'genna ri allo ta'angka'Na nai' ri suruga. Ri tenanapa naNai' ri suruga, Nasare ngasemmi pappijo'jo' sikamma tunisuro le'baka Napile, lalang koasaNa RohNa Allata'ala.

LAMPA-LAMPANA 1:16

“Sikamma sari'battangku ngaseng! Apa niaka tattulisi' lalang ri Kittaka, musti kajariang ngasengi. Riolo, Napau memammi RohNa Allata'ala lalang ri kalenna Daud ri passala'na anjo Yudas, le'baka ampimpingi taua battu anjakkalaki Isa.