YOHANES 12:3 - KITTA' MATANGKASA'

³ Battumi Maria angngerang minynya'-minynya' sannaka bau'na, kira-kira nia' sitangnga litere' jaina, sannaka ka'jala'na ballinna. Napatiri'mi anjo minynya'-minynyaka ri bangkenNa Isa, nampa nalu'lu' siagang uu'na. A'jari bau' ngasemmi niara' lalang sibatu balla' napakamma anjo minynya'-minynyaka.

YOHANES 12:3 Referans Kwoze

YOHANES 11:2

Iaminne Maria antirikiai minynya'-minynya' bau' bangkenNa Isa, nampa nalu'lu' siagang uu'na. Nia' se're wattu na nataba garring Lazarus.

YOHANES 11:32

Ri wattunna battumo Maria mange ri tampa'na Isa siagang nacini'mi Isa, akkulantu'mi Maria ri dallekanNa Isa na nakana, “O Batara, ka'de' naKinia' anrinni anjo wattua, mattantu tenapa namate sari'battangku.”

LUKAS 7:46

Tena nanutumpai minynya' ulungKu, mingka anne bainea natumpaimi minynya'-minynya' bau' bangkengKu.

YOHANES 11:28

Le'baki akkana kamma Marta, a'lampami angkioki sari'battanna Maria. A'biciki ri Maria nakana, “Niaki battu anrinni Pa' Guru; Napakkuta'nangangko.”

KELONG MALA'BIRI' 1:3

Ikau sanna' mabau'nu, arennu sanrapang minynya' mabau' tattumpaya; lanri kammana minjo nanangaiko tuloloa!

KELONG MALA'BIRI' 1:12

Lalang anra'bana karaengku ri katinroanna, ma'rasai minynya' mabaukku.

PAMMUJI 132:2

TeaKi' kaluppai sombana mae ri Katte, o, Batara, ri tinja'na mae ri Kaminang Gassinga, Allata'alana Yakub.

KELONG MALA'BIRI' 4:10

Tamaka baji'na tanrinnu, andi', buntingku, bella baji'na na anggoroka. Mabau' sikali minynya'-minynya'nu, la'biangngang na sikamma rasanna rampa-rampaya.

LUKAS 10:42

Sikontutojenna nia' se're passala' la'bi parallu. Na iaminjo se'rea, sannaka baji'na siagang sannaka paralluna le'ba' napilei Maria, tenaya nalatappela'!”

YOHANES 19:39

A'lampa tommi Nikodemus le'baka battu ri wattunna bangngi mae ri Isa. Angngerammi Nikodemus rampa-rampa, kammaya campurang minynya'-minynya' bau', siagang minynya'-minynya' bau' cendana – kira-kira nia' tallumpulo kilogarang jaina battala'na.

PANGNGEBARANG 27:16

Tena olona nisuro ammakkang, sanrapang anging takkullea nitahang siagang minynya' takkullea nikangkang.