YOHANES 12:27 - KITTA' MATANGKASA'

²⁷ “Lussa'minne atingKu: apa musti laKupau kamma-kamma anne? Mustika laKukana, ‘Bapa', paliliA' ri kamma-kammaya anne’? Mingka untu' iaminne passessaya naKunia' battu.

YOHANES 12:27 Referans Kwoze

YOHANES 12:23

Nakanamo Isa ri ke'nanga, “Narapi'mi wattunna lanipakala'biri' Ana' Ma'rupataua.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

YOHANES 13:21

Le'ba'na akkana kamma Isa, a'jari dinging-dingimmi nasa'ring pa'mai'Na. Nakanamo, “Annaba tojengi anne kanangKu: Nia' sallang kalase'rennu ampasikongkolangA'.”

MATIUS 26:42

A'lampami pole Isa appala' doang maka pinruanna angkana, “O, ManggeKu, punna paleng takkulleami nipakabella anne passessaya ri Nakke, natakkullea taKupisa'ringi, boli'mi kamma Kipa'jari erotTa.”

YESAYA 38:15

Apa akkulle kupau? Anne gau'Na Batara; takkullea' attinro lanri si'na.

IBRANI 2:14

Nasaba' anjo sikamma tau Nakanaya ana', iamintu tau akkullea mate, napa'jarimi KalenNa Isa sangkamma kalenna ke'nanga, siagang attallasa'mi sangkamma rupataua. Kammami anjo Nagaukanga, sollanna lanri kamateanNa nakkullemo Nabeta sa'genna posso' Billisika, iamintu makoasaya ri kamateanga.

YOHANES 18:37

Akkuta'nammi Pilatus nakana, “Jari punna kamma, KaraengKo padeng?” Appialimi Isa Nakana, “Nupaumi angkanaya iNakke anne karaengA'. Se'reji pattujunna naKunilassukang siagang naKubattu ri anne linoa, iamintu ampabattui katojenganga. Inai-nai battu ri anjo katojenganga iami lampilangngeriA'.”

LUKAS 22:53

Allo-alloKu nia' siagang ikau ngaseng lalang ri Balla'Na Batara, natena nujakkalaKa'. Mingka iaminne wattunnu lappanggaukang ngaseng. Iaminne wattunna tau koasaya ri sassanga lappanggaukang.”

PAMMUJI 88:3

Poro ta'rapi' lalo pappala' doangku mae ri Katte, Kipilangngeri laloi pakkiokku.

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

1 TIMOTIUS 1:15

Kontu tojengi anne bicaraya; jari siratangi nitarima siagang nipatappa' tojeng-tojeng, angkanaya: “Battui Isa Almasi antama' ri anne linoa untu' ampasalamaki tau dorakaya.” Na inakkemi anne tau doraka kaminang ja'dalaka.

YOHANES 11:41

Jari napalesammi ke'nanga anjo batua. Nampa acconga Isa nai' ri langika na nakana, “Tarima kasi', Bapa', lanri Kipilangngerinna pappalakKu.

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

PAMMUJI 6:3

Kikamaseanga', o Batara, lanri tenamo kagassingangku, Kipakajarreka' lanri dodongku.

MATIUS 11:26

Iaminjo ampakasannangi atinTa.”

MATIUS 26:45

Nampa ammotere' pole ri ana'-ana' gurunNa, na Nakana, “Attinro ngasengijako siagang ammari-mari ngasengijako? Ciniki, narapi'mi wattunna lanialle Ana' Ma'rupataua, nampa nipassareang mae ri sikamma tau ja'dalaka.