YOHANES 12:26 - KITTA' MATANGKASA'

²⁶ Inai-nai ero' a'jari palayang mae ri Nakke, musti amminawangi ri Nakke; sollanna kemae-kemae pammantangangKu akkulle tongi nia' palayangKu anrurungangA'. Inai-nai a'jari palayang ri Nakke, iami lanipakala'biri' ri ManggeKu.”

YOHANES 12:26 Referans Kwoze

GALATIA 1:10

Punna kamma, gassingka nukana kuminasai sollangku niakui ri rupataua? Tena sikali! Allata'ala bawang kuminasai angngakuia'. Maka erokkuji ningai ri rupataua nakualle pa'mai'na? Punna kamma anjo bateku, teaiya' tunisuroNa Almasi.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.

KOLOSE 3:24

U'rangi angkanaya langgappako pahala battu ri Batara. Apa Napasadiaya Batara untu' umma'Na, iaminjo laNapassareang mae ri kau. Nasaba' pinggawa sitojennaya nulayani kamma-kamma anne, iamintu KalenNa Almasi.

ROMA 1:1

Natarimai sikamma sari'battangku niaka ri Roma, nikamaseanga ri Allata'ala, siagang le'baka nikio' a'jari umma'Na Allata'ala. Le'ba'ma' nipile siagang niangka' untu' poro ambirittakangi Kabara' Baji' battua ri Allata'ala.

YOHANES 17:24

Bapa', erokKa' angkanaya sikamma anjo tau Kipassareanga ri Nakke, lassiagang ngasengA' anjoreng ri tampa' Kupammantangia, sollanna akkulle nacini' ke'nanga kala'birangKu. Iamintu kala'birang Kipassareanga mae ri Nakke, lanri Kikamaseang memamMa' ri tenanapa nanipa'jari anne linoa.

YOHANES 10:27

GimbalakKu napilangngeri sa'rangKu. Kuassengi ke'nanga, namminawangi ke'nanga ri Nakke.

2 KORINTUS 5:8

iaminjo saba'na nakisa'bara' ri pa'maitta. Erokangangki' ta'lappasaka battu ri anne tubua, sollanna nikkulle sipammantangang siagang Batara.

YUDAS 1:1

Sikamma sari'battangku, ia le'baka nikio' siagang sannaka nikamaseanna ri Allata'ala Manggea, kammayatompa nikatutuia untu' Isa Almasi. Battu ri nakke, atanNa Isa Almasi, iamintu Yudas, sari'battanna Yakobus;

1 YOHANES 5:3

Nasaba' battuanna nikanaya mangngamaseang mae ri Allata'ala, iamintu nipilangngeri sikamma parentaNa. Na anjo sikamma parentaNa tena nabattala' untu' ikatte;

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

2 KORINTUS 4:5

Anjo biritta napabattua ikambe teai biritta ri sesena ikambe. Anjo birittaya, biritta ri sesena Isa Almasi, angkanaya Iami Batara; na ikambemi anne a'jari atannu ngaseng lanri Isa.

ROMA 14:18

Inai-nai kamma anjo batena allayani mae ri Almasi, iami lanikarannuang ri atinNa Allata'ala, kammayatompa nipakalompo ri sikamma tau maraenga.

YOHANES 15:20

U'rangi apa le'baka Kupau mae ri kau, angkanaya, ‘Tena nalompoangang se'rea ata na karaenna.’ Punna iNakke nasessaMa' ke'nanga, lanasessa ngaseng tommako ke'nanga. Punna naturuki ke'nanga ajarangKu, lanaturuki tongi ke'nanga ajarannu.

LUKAS 6:46

“Angngapa nukkio', ‘Batara, Batara’ ri Nakke, mingka taerokako anggaukangi apa Kupaua ri kau?

PANGNGEBARANG 27:18

Inai ammarakai poko' rappo-rappoang, lanakanrei rapponna. Laningai palayanga punna napakalompo karaenna.

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

FILIPI 1:23

Battu pimbalimi pikkirang battua mae ri nakke. Ero' dudua' ambokoi anne linoa nakua'lampa mange ammantang siagang Almasi, nasaba' iaminjo kaminang baji'.

YOHANES 14:3

Punna le'ba'Ma' a'lampa ampasadiang ngasengko tampa', lammotere' poleamMa' angngalle ngasengko; sollanna kemae-kemae pammantangangKu, lania' ngaseng tommako anjoreng.

YOHANES 13:16

Annaba tojengi anne kanangKu: tena olona lala'birangang se'rea ata na karaenna; siagang tena olona lala'birangang se'rea tunisuro na tau assuroa.

LUKAS 9:23

Le'baki anjo Nakanamo mae ri yangaseng tau niaka anjoreng, “Inai-nai ero' amminawang ri Nakke, musti nakaluppai rolong kaparalluang kalenna, musti napisangi salli'na allo-allo, nampa tuli amminawang ri Nakke.

MATIUS 25:21

Nakanamo anjo karaenga, ‘Baji' sikalimi! Ikau palayang bajikko siagang tutuko. Lanri akkulleko nipatappa' ri apa-apa sike'deka, lakupirannuangiko pole apa-apa jaianganga. Antama' mako nakisiagang assannang-sannang!’

PAMMUJI 17:15

Mingka lamacconga' accini' mae ri Katte, lanri tena nakusala. Ri wattungku ambangung, kahaderanTa ampakarannui pa'maikku.

PAMMILANGNGANG 14:24

Mingka tena nakamma anjo mae ri atangKu Kaleb. Ia tena mamminrana mae ri Nakke. Lanri kammana anjo laKuerangi mange anjoreng ri pa'rasangang le'baka napantamakki. Kamma-kamma anne tu Amalek siagang tu Kanaan ammantang ri anjo lapparaka. Mingka anjo daeraya la'jari napatangi jari-jarina Kaleb, anjo atangKu. Ammuko musti ammoterekko siagang a'lampako mange ri parang lompoa mangea ri biring Tamparang Akaba.”

PAPPICINI' 14:4

Iaminjo ke'nanga le'baka anjagai katangkasanna ke'nanga lanri tenana nale'ba' sialle siagang bai'-bainea; tangkasaki ke'nanga sangkamma tuloloa. Amminawangi ke'nanga ri Ana' Gimbalaka manna kemae Nalampai. Iaminjo ke'nanga le'baka nilappassang battu ri sikontu rupataua, a'jari bungasa' passare mae ri Allata'ala siagang mae ri Ana' Gimbalaka.

KOLOSE 4:12

Sallang battu ri Epafras. Anne Epafras tau battu antureng tonji. Pajama-jamaNa tongi Isa Almasi, tenaya lanrena tuli ampappala' doangangko. Sanna' napala'na mae ri Allata'ala, sollanna pila' jarre' tappa'nu siagang a'jari toa tojeng pikkirang rohaninu; sollannu a'jari sukku' mannurukinnu mae ri ero'Na Allata'ala.

YOHANES 21:22

Appialimi Isa Nakana, “Ebara' angkana erokKa' natuli attallasa'na sa'gengKu battu poleang sallang, anjo teai urusannu. Mingka ikau, amminawang mako ri Nakke!”

YOHANES 14:15

“Punna nukamaseangA', lanugaukangi sikontu parentaKu.

MARKUS 8:34

Nampa Nakio' Isa anjo tau jai niaka anjoreng, siagang ana'-ana' gurunNa. Nampa Nakana ri ke'nanga, “Tau eroka amminawang ri Nakke, musti nakaluppai kaparalluang kalenna, nampa napisang salli'na, natulusu' amminawang ri Nakke.

MATIUS 16:24

Nampa Nakana Isa mae ri ana'-ana' gurunNa, “Tau eroka amminawang ri Nakke takkulleai tanapariboko kaparalluang kalenna, nanapisang salli'na, nampa amminawang tuli ri Nakke.

LUKAS 12:37

Teai sipato' upa'na ngaseng palayang-palayang nirapikanga sadia attayang ri wattunna battu karaenna. Patappa'mi angkanaya: lasadiai anjo karaenga assuroi anjo palayang-palayanga ammempo, nampa nasuro layani kalenna anjo karaenga.