YOHANES 11:38 - KITTA' MATANGKASA'

³⁸ Sanna'mi pole dinging-dinginna pa'mai'Na Isa, nampa a'lampami mange ri jeraka. Anjo jeraka, se're jera' batu nitongkoka batu lompo.

YOHANES 11:38 Referans Kwoze

YOHANES 11:33

Nacini'na Isa angngarru' Maria, siagang sikamma tu Yahudi niaka battu angngagangi Maria angngarru' ngaseng tommi, a'jari si'nami atinNa siagang sanna'mi dinging-dinginna pa'mai'Na.

MATIUS 27:60

Nampa naerang anjo maya'Na Isa mange natarawang ri jera' napareka kalenna. Anjo jeraka lalangi ri bulu' batua nipare'. Le'baki napantama' maya'Na Isa, nagulungimi batu lompo nampa natongko' pakke'bu'na anjo jeraka, nampa a'lampa.

YOHANES 20:1

Ri bari'basa'na allo Minggua, ri wattu sassanna ija, a'lampami Maria Magdalena mange ri jeraka. Mingka ta'lesammi nacini' batu pattongko'na anjo jeraka.

LUKAS 24:2

Battui ke'nanga ri jeraka, nacini'mi ke'nanga le'ba' ta'gulung anjo batu pattongko'na jeraka.

YESAYA 22:16

“Nukana inaika kalennu? Apa ha'nu sa'genna nupare' jera' kalennu ri anjo bulu' batua?

PA'JARIANG 23:19

Le'baki anjo natarawammi bainenna Abraham, iamintu Sara, lalang ri kali'bong Makhpela ri butta Kanaan.

MARKUS 15:46

Ammallimi Yusuf kaeng lenang alusuka, lanapareka pa'roko' maya'Na Isa. Le'baki anjo naerammi maya'Na Isa, na napantama' ri jera' batu a'bontoa. Nampa natongko' batu lompo anjo jeraka.

MARKUS 8:12

Akkunraremmi Isa nampa appiali Nakana, “Apa saba'na anne taua ri jammanga nasuroA' appa'nia' gau' appakalannasa'? Tena! Tena nalaKupa'niakkang pammatei kammaya ke'nanga!”

MATIUS 27:66

A'lampami ke'nanga mange ri jeraka. Najarrekimi ke'nanga anjo batu pannongko'na jeraka. Nampa nasuro surudadua a'jaga ri dallekanna anjo jeraka, sollanna tena tau angkaccaki.

YEHEZKIEL 21:6

He tau, amma'rangko siagang akkunrarengko ri dallekanna tu Israel, sanrapangko tappu' minasa siagang tappu' panrannuang.

YEHEZKIEL 9:4

“A'lampako mange ri sikontu kotaya siagang sarei pammatei abanna sikamma tau si'naya siagang susaya pa'mai'na lanri anjo panggaukang appakaringika ri anjo kotaya.”