YOHANES 11:28 - KITTA' MATANGKASA'

²⁸ Le'baki akkana kamma Marta, a'lampami angkioki sari'battanna Maria. A'biciki ri Maria nakana, “Niaki battu anrinni Pa' Guru; Napakkuta'nangangko.”

YOHANES 11:28 Referans Kwoze

YOHANES 13:13

Nukio' GuruA' siagang Batara. Anjo siratang memangi.

YOHANES 11:20

Nalangngere'na Marta angkana niaki Isa battu, assulu'mi mange anruppai Isa; Maria ammantangi lalang ri balla'.

MARKUS 10:49

Ammantammi Isa nampa Nakana, “Kioki mae.” Jari nakio'mi ke'nanga anjo tau butaya. Nakana ke'nanga ri ia, “Sannang mako! Ambangungko nai', Nasuro kiokko Isa!”

YOHANES 21:7

Nakanamo anjo ana' guru Nakamaseanga Isa ri Petrus, “Batara anjo!” Nalangngere'na Simon Petrus angkanaya Batara anjo, napakemi bajunna (nasaba' tena na'baju anjo wattua) nampa a'lumpa' naung ri je'neka.

YOHANES 20:16

Nakanamo Isa ri ia, “Maria!” Assailemi Maria mae ri Isa, nampa nakana lalang bicara Ibrani, “Rabbuni!” (Battuanna “Guru”.)

YOHANES 10:3

Lanisungkeangi timunganga ri pajagana anjo baraya; siagang punna nakioki massing arenna anjo gimbalaka, lanipinawangi sa'ranna, nampa naerang ke'nanga assulu'.

YOHANES 1:45

Assibuntulu'mi Filipus siagang Natanael, na nakana ri ia, “Ikambe nibuntulu'mi anjo tau le'baka nasero kana Na'bi Musa lalang Kitta' HukkunNa Allata'ala, siagang le'baka nakabarrang na'bi-na'bia. Anjo taua nikanai Isa tu battua ri Nazaret, ana'na Yusuf.”

YOHANES 1:41

Akkaro-karomi Andreas amboyai Simon, iamintu sari'battanna, na nakana ri ia, “Ikambe assibuntulu' maki' siagang Mesias!” (Mesias sangkammai battuanna siagang Almasi, iamintu: Karaeng Mappasalama'.)

LUKAS 22:11

Nampa nupauang patanna anjo ballaka angkana: Nakana Gurua, ‘Kemae tampa' eroka Kupake angnganre Paska siagang ana'-ana' gurungKu?’

MARKUS 14:14

Amminawang mako mange ri balla' napammantangia, na nupauang patanna balla' angkana, ‘Akkuta'nangi Pa' Guru angkana keremae tampa' eroka Napake angnganre Paska siagang ana'-ana' gurunNa.’

MATIUS 26:18

Appialimi Isa Nakana, “A'lampamako antama' ri kotaya, numange ri se'reang tau anjoreng, angkana, ‘Nakana Gurua: La'birimmi narapi' wattungKu; eroKa' angnganre Paska siagang ana'-ana' gurungKu ri balla'nu.’ ”

ZAKHARIA 3:10

Punna battu sallang anjo alloa, tunggala' taua lanakioki siampi' balla'na untu' battu siagang ampisa'ringi kasiamakkanga siagang salewanganga ri tangnga-tangngana koko anggoro'nu siagang poko'-poko' aranu.”

IBRANI 12:12

Lanri kammana, pakkassakangi anjo limannu lammaya siagang anjo kulantu'nu annekkereka!

1 TESALONIKA 5:11

Lanri kammana, paralluko massing sipakamaju siagang massing sipakajarre' ri tappa'nu, sangkamma nugaukangamo ri kamma-kammaya anne.

YOHANES 11:29

Nalangngere'na Maria anjo, akkaro-karomi ammenteng, nampa a'lampa anruppai Isa.

YOHANES 11:30

Anjo wattua tenapa Nabattu Isa antama' ri desaya. Nia' iji anjoreng ri tampa' napassibuntulia Marta.