YOHANES 11:15 - KITTA' MATANGKASA'

¹⁵ Mingka sannangi Kusa'ring pa'maikKu lanri tenaKu anjoreng namate. Nasaba' la'bi bajikangangi untu' ikau ngaseng punna Kutena anjoreng, sollannu akkulle ngaseng tappa'. Umbamo nakia'lampa mae ri Lazarus kamma-kamma anne.”

YOHANES 11:15 Referans Kwoze

2 TIMOTIUS 2:10

Iami anjo saba'na nakusa'bara' antanggong ngasengi anjo kasessanga, lanri kaparalluanna sikamma tau le'bakamo Napile Allata'ala. Sollanna nagappa ngaseng todong ke'nanga kasalamakkang Napassareanga Allata'ala tete ri Isa Almasi, nirurunganga ri kala'birang mannannunganga.

YOHANES 17:19

Kupassareammi KalengKu, iamintu tu nikatutuinTa, untu' kaparalluanna ke'nanga, sollanna akkulle todong ke'nanga a'jari ummatTa Kikatutuia, lanri katojenganga.

YOHANES 12:30

Nakanamo Isa ri ke'nanga, “Teai untu' kaparalluangKu nakalangngerang anjo sa'raya, mingka untu' kaparalluannu ngaseng.

YOHANES 11:4

Nalangngere'na Isa anjo kabaraka, Nakanamo, “Anjo garringa tena nala'jari saba' nalamate. Anne nakajariang sollanna nipakala'biri' Allata'ala, na sollanna nipakala'biri' todong Ana'Na Allata'ala saba' anne kajarianga.”

YOHANES 2:11

Iaminjo uru-uru gau' appakalannasaka Nagaukang Isa. Anjoreng ri kota Kana, ri pa'rasangang Galilea nigaukang anjo gauka. Lanri iaminjo pammateia naNapappicinikammo kalompoanNa. Tappa' ngasemmi ana'-ana' gurunNa ri Ia.

YESAYA 65:8

Nakana Batara, “Rappo anggoro' niaka ija je'ne'na tena nanipelaki, mingka nipa'jari je'ne' anggoro'. Kamma tomminjo bansaKu, tena nalanipanraki ngaseng, saba' nia' ija ri ke'nanga anynyomba mae ri Nakke.

YESAYA 54:15

Punna nibundukiko, teai iNakke ampassuroangi, manna inai ambundukiko latu'guru' ngasengi.

1 YOHANES 5:13

Kutulisi'mi anne suraka mae ri kau ngaseng tau tappaka ri Ana'Na Allata'ala, sollanna nuasseng angkanaya nutarimami anjo katallassang sitojennaya siagang mannannunganga.

2 KORINTUS 4:15

Yangasenna anjo, untu' kaparalluannu ngaseng. Nasaba' punna pila' jai tau angkasiaki pangngamaseanNa Allata'ala, pila' jai tommi pappala' sukkuru' nipanai' ri Allata'ala; jari nipakala'biri'mi Allata'ala.

PAMMUJI 105:14

Mingka tena Nalappassangi Batara manna inai anjallakkangi ke'nanga; Napakaingaki sikamma karaenga lanri ke'nanga, Nakana,

PA'JARIANG 39:5

Appakkaramula anjo wattua, passabakkang Yusuf, nibarakkakimi bone balla'na anjo tu Mesirka kammayatompa sikontu barang-baranna, baji' niaka lalang balla' kammayatompa niaka ri kokoa.

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

YOHANES 11:14

Jari a'bicarami silambusu'na Isa mae ri ke'nanga, Nakana, “Matemi Lazarus.

YOHANES 11:16

Nakanamo Tomas, nigallaraka “I Kambara'” mae ri agang-aganna ana' gurunNa Isa, “Umba kimminawang, boli'mi kamma nakisikamateang siagang Ia!”