YOHANES 10:1 - KITTA' MATANGKASA'

¹ “Annaba tojengi anne kanangKu: Inai-nai antama' ri baraya natena nanjoreng ri timunganna baraya antama', mingka anjorengi ri kalli' sa'rinna baraya, yareka angngambiki ri oloang maraenga, iaminjo taua pallukka' siagang paella'.

YOHANES 10:1 Referans Kwoze

MATIUS 7:15

“Tutuko mae ri na'bi-na'bi palassua. Sanrapangi nicini' gimbala' ke'nanga, mingka sikontutojenna sanrapangi kongkong nye'nyereka lalang nyawana ke'nanga.

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

1 YOHANES 4:1

Sikamma sari'battangku sannaka kukarimangnginna! Teako patappa' ngasengi tau nakanaya niaki RohNa Allata'ala ri kalenna; mingka pilajari rolong baji'-baji' sollanna akkulle nuasseng angkanaya roh battu kemae anjo niaka ri ke'nanga: Roh battuka ri Allata'ala yareka teai. Nasaba' kamma-kamma anne jai na'bi balle-balle a'jappa mange-mange.

IBRANI 5:4

Tenanniakka manna sitau angngangkaki kalenna a'jari imang lompo. Iapa nakkulle a'jari imang lompo taua, punna KalenNa Allata'ala angkioki – sangkamma ri nikio'na Imang Harun.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

2 PETRUS 2:1

Ri wattu allaloa nia' na'bi-na'bi takontutojeng ammumba ri alla'na Umma'Na Allata'ala. Kamma tomminjo lania' todong guru-guru takontutojeng ammumba ri tangnga-tangnganu. Lanapantamaki ajarang-ajarang salaya, ampanrakiai taua. Siagang lanasassali ke'nanga Karaeng Makoasa le'baka angkoro'bangkangi kalenna sollanna nakkulle a'jari bebasa' ke'nanga. Lalang kammana napabattumi kapanrakanga mae ri kalenna ke'nanga, labattua linta' antujui ke'nanga.

1 PETRUS 1:10

Iami anjo kasalamakkang napilajari bajika siagang nasalidikia na'bi-na'bia; siagang napau la'bi riolomi ke'nanga barakka' Napassareanga Allata'ala mae ri kau.

YEREMIA 23:32

INakke, Batara, langngewai na'bi-na'bi ampabattuai so'na-so'nana a'balle-ballea kabusu'. Napa'lingui ummakKu lanri balle-ballena siagang carita kosonna ke'nanga. Tena naKusuroi anjo na'bi-na'bi kammaya. Tena sikali matu-matunna ke'nanga mae ri ummakKu. INakke, Batara, anne akkana.”

ROMA 10:15

Kammayatompa pole, antekamma lakkulle taua ampabattui anjo birittaya punna tena nanisuroi ke'nanga? Nia' tattulisi' lalang ri Kittaka angkanaya, “Teai sipato' baji'na kabattuanna tau angngeranga Kabara' Baji' battu ri Allata'ala.”

YOHANES 3:3

Appialimi Isa Nakana, “Patappaki angkanaya, tenanniakka tau akkulle a'jari umma'Na Allata'ala, punna tena nanilassukang poleangi.”

YEREMIA 23:21

Nakana Batara, “Attojeng-tojeng sikali anjama anjo na'bi-na'bia, padahala' tena naKusuroi ke'nanga. ArengKu napau ke'nanga appabattu kabara', padahala' tena pasang Kupassareang mae ri ke'nanga.

TITUS 1:11

Anjo tau kammaya musti nijempangi bawana, nasaba' jaimi kaluarga napakalingu ke'nanga lanri pangngajarang tenana matu-matunna ke'nanga. Nanagaukang ke'nanga anjo kammaya iaji kalanri ero'na ke'nanga anggappa passawallang takamma-kamma!

YEREMIA 14:15

Napaui lalang arengKu ke'nanga angkanaya anne pa'rasanganga tena nalanituju ri pa'bundukang yareka kacipurang, padahala' tena naKusuroi ke'nanga akkana kamma anjo. INakke, Batara, Kupauangko, Yeremia, apa laKugaukanga mae ri anjo na'bi-na'bi tenaya naKusuroi. LaKubunoi ke'nanga lanri pa'bundukang siagang kacipurang.

YO"EL 2:9

A'bakkai ke'nanga antama ri kotaya, nampa lari rate ri tembo'na. Angngambiki ke'nanga antama' ri sikamma ballaka; rapang palukka', antamaki ke'nanga battu ri jandelaya.

YOHANES 10:7

Sikalipa pole Nakana Isa, “Annaba tojengi anne kanangKu: INakkemi timungang naoloa gimbalaka.