YOHANES 1:9 - KITTA' MATANGKASA'

⁹ Singara' sitojennaya, assingariai sikontu rupataua, nia'mi battu ri lino.

YOHANES 1:9 Referans Kwoze

YOHANES 12:46

BattuA' antama' ri linoa a'jari sanrapang singaraka, sollanna sikontu tau tappaka ri Nakke tena nammantang lalang ri sassanga.

1 YOHANES 2:8

Mingka manna nakamma, beru tonji anne kutulisika; nasaba' akkullei nicini' katojenganna lalang ri KalenNa Almasi siagang lalang ri kalennu ngaseng. Nasaba' lanynya'mi kamma-kamma anne sassanga siagang assioro'mi singara' kontutojenga.

YOHANES 1:4

Iaminjo Kanaya nakabattui katallassanga, na iaminjo katallassanga assingari rupataua.

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

YOHANES 1:7

Battui angngerang kabara' ri passala'na anjo Singaraka, sollanna akkulle tappa' ngaseng rupataua.

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

YOHANES 6:32

Nakanamo Isa ri ke'nanga, “Sitojeng-tojenna, tappa' mako angkanaya, teai Musa, passangalinna ManggeKumi assareko pangngebarang roti sitojennaya, iamintu battu ratea ri suruga.

1 YOHANES 1:8

Punna nikana tena nakidoraka, niballe-balleimi kalenta; taniassengami Allata'ala lalang ri atinta.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

YOHANES 15:1

Nakanamo pole Isa, “INakkemi sanrapang poko' anggoro' sitojennaya, na ManggeKu a'jari Tummarakaina ri kokonNa.

YOHANES 7:12

Jaimi tau ampa'bici'-bicikangi Isa. Nia'mo angkana, “Tau baji' anjo taua.” Nia' tommo angkana, “Tena! Napasala oloangi tau jaia.”

MATIUS 6:23

Mingka punna ra'masaki matannu, sassang ngaseng tommi antu sikontu batangkalennu. Jari punna sassammi lampu niaka ri kalennu, tamakami sassang makkappu'na anjo sassanga!”

LUKAS 11:36

Punna singara' sikontu batangkalennu, yareka tena sikali manna sike'de' sassanna, ma'nassa lasingara' sikali sikontu batangkalennu, sanrapang nisiori ri cayana lampua.”