YOHANES 1:51 - KITTA' MATANGKASA'

⁵¹ Nakanamo pole Isa, “Tappa' mako, angkanaya sitojeng-tojenna lanuciniki tassungke langika, siagang lanai'-naungi malaeka'-malaekaka ri Ana' Ma'rupataua.”

YOHANES 1:51 Referans Kwoze

PA'JARIANG 28:12

Nampa asso'namo lalang tinrona. Nia' nacini' tuka' ammenteng ri buttaya nampa cappa'na ta'rapiki ri langika. Siagang nia'mo malaeka' nai'-naung ri anjo tukaka.

LAMPA-LAMPANA 7:56

Nakanamo Stefanus, “Ciniki, tassungkei kucini' surugaya na nia' Ana' Ma'rupataua ammenteng ri sa'ri kananNa Allata'ala!”

LUKAS 22:43

Sanna'mi sessana pa'mai'Na Isa. Ammatti'-matti'mi songo'Na naung ri buttaya, sangkamma cera'. Jari pila' attojeng-tojemmi appala' doang. Nampa nia'mo sitau malaeka' battu ampakajarreki.]

LUKAS 2:13

Ti'ring jaimi pole malaeka' maraengang battu anrurungangi anjo malaekaka sumpaeng, na mammuji-muji ri Allata'ala, angkana,

MARKUS 14:62

Appialimi Isa Nakana, “INakke minne, na lanuciniki sallang Ana' Ma'rupataua ammempo ri sa'ri kananNa Allata'ala Kaminang Makoasaya, siagang lanaung battu ri langika ri tompo'na rammanga!”

MARKUS 1:10

Kamma assulu'Na ri binangaya, tassungkemi langika Nacini'; na nia' RohNa Allata'ala naung attompo' ri Ia, sangkamma jangang-jangang bodobangkeng.

MATIUS 3:16

Le'baki nije'ne', assulu'mi Isa battu ri je'neka ri anjo binangaya. Ti'ring tassungkemi langika, nampa nia'mo Nacini' Isa RohNa Allata'ala manurung sangkamma jangang-jangang bodobangkeng, battu attompo' irateanganNa.

YEHEZKIEL 1:1

Ri tanggala' lima bulang appa' taung makatallumpulo, lalang taung makalima baku' niengka'na Karaeng Yoyakhin mange ri butta pammelakkanga, inakke, Imang Yehezkiel ana'na Busi, niakka' ri birinna Binanga Kebar ri Babel siagang ngaseng tu Yahudi maraeng nipelaka. Ti'ring tassungkei langika nampa anggappama' paccini' ri sesena Allata'ala. Kulangngereki Batara a'bicara mae ri nakke, siagang kukasiaki antekamma kagassingang koasaNa.

LAMPA-LAMPANA 10:11

Tassungkei nacini' langika, nampa nia' nacini' kaeng la'ba' nioloro' naung ri linoa, ta'gentung ri appaka panynyingkulu'.

LUKAS 3:21

Le'ba'na ngasemmo anjo taua nije'ne', nije'ne' tommi Isa. Na ri wattunna appala' doang tassungkei langika,

MATIUS 4:11

Kala'busanna, a'lampami Billisika ambokoi Isa. Nampa battumi malaeka'-malaekaka allayani Isa.

PAPPICINI' 19:11

Tassungkei kucini' surugaya, nampa nia' kucini' sikayu jarang kebo'. PabaeNa niarengi I Tamamminraya siagang I Tojeng. Adeleki hukkungang Natappukia siagang pa'bundukang Nagaukanga.

PAPPICINI' 4:1

Le'baki anjo anggappama' pole paccini'. Accinikka' se're pakke'bu' tassungke ri suruga. Nampa kulangngere'mo pole anjo sa'ra le'baka kulangngere' a'bicara mae ri nakke, sangkammaya tarompe' sa'ranna. Nakana anjo sa'raya, “Naikko mae anrinni. Erokko Kupicinikiang apa lakajarianga sallang.”

2 TESALONIKA 1:7

Na untu' ikau angkasiakai pa'risika ri kamma-kammaya anne – kammayatompa ri kambe – laNasareki' kasalewangang Allata'ala, punna battu sallang Batara Isa, manaunga battu ri suruga ampa'nyatai KalenNa siagang malaeka'-malaeka' lompoNa

LUKAS 2:9

Ti'ring nia' mami battu malaeka'Na Batara ampappicinikangi kalenna ri ke'nanga; tassioro'mi caya kala'biranNa Batara mae ri ke'nanga. Na teaimi sipato' malla'na ke'nanga.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

YOHANES 10:1

“Annaba tojengi anne kanangKu: Inai-nai antama' ri baraya natena nanjoreng ri timunganna baraya antama', mingka anjorengi ri kalli' sa'rinna baraya, yareka angngambiki ri oloang maraenga, iaminjo taua pallukka' siagang paella'.

LUKAS 22:69

Mingka appakkaramula ri kamma-kammaya anne lammempomi Ana' Ma'rupataua ri sa'ri kananNa Allata'ala Kaminang Koasaya.”

MATIUS 25:31

“Punna battu sallang Ana' Ma'rupataua a'jari Karaeng siagang nirurungang ri sikontu malaeka'Na, lammempomi irate ri empoang kala'biranNa.

YUDAS 1:14

Henokh, iamintu sossorang makatujua lapisi'na battu ri Adam, le'baki napau la'bi riolo pirangalloang ri passala'na ngaseng anne tau kammaya. Angkanai Henokh, “Ciniki sallang, labattui Batara siagang assa'bu-sa'bu malaeka' matangkasa'Na,

2 TESALONIKA 1:9

Anjo tau kammaya langgappai hukkungang kapanrakang sa'genna satunggu-tungguna; nipelaki assulukang battu ri pammantanganNa Batara, battu ri kalompoanNa siagang kakoasanNa,

YOHANES 14:12

Annaba tojengi anne kanangKu: Inai-nai tappa' ri Nakke, lanagaukangi apa le'baka Kugaukang, – ba'lalo lanagaukangi apa lompoanganga – nasaba' a'lampA' mae ri Manggea.

YOHANES 6:47

Assengi angkanaya: Inai-nai tappa', iami anggappai katallassang satunggu-tunggua.

LUKAS 24:4

Lalang ammentenna ke'nanga anjoreng siagang lalang lannasa'na ke'nanga annawa-nawai anjo passalaka, ti'ring nia'mo rua tau ammakeang sannaka kebo'na, battu ammenteng ri ampi'na ke'nanga.

MATIUS 26:24

Mingka lamate memang tonji Ana' Ma'rupataua, kamma le'ba' tattulisika lalang ri Kittaka. Mingka cilakami anjo tau eroka ambalukangi Ana' Ma'rupataua! Bajikangngangi punna sikali tena nale'ba' nilassukang anjo tau kammaya.”

YOHANES 21:18

Annaba sikali anne kanangKu: Angkanaya ri wattunnu rungka ija, kalennu ansikkoki aya'nu, siagang a'lampako ri kere-keremae situru' ero'nu. Mingka punna toa mako sallang, lanupajonjomi limannu, na tau maraeng ansikkokko, nampa naerangko a'lampa mae ri tampa' tanukaerokia.”

YOHANES 8:51

Annaba tojengi anne Kukanaya: inai-nai anturuki kanangKu tena nalamate sa'genna satunggu-tungguna.”

YOHANES 6:32

Nakanamo Isa ri ke'nanga, “Sitojeng-tojenna, tappa' mako angkanaya, teai Musa, passangalinna ManggeKumi assareko pangngebarang roti sitojennaya, iamintu battu ratea ri suruga.

YOHANES 3:5

Appialimi Isa Nakana, “Kontu tojeng sikali anne kanangKu: punna tena nilassukang poleangi battu ri je'neka siagang RohNa Allata'ala, takkulleai taua a'jari umma'Na Allata'ala.

YOHANES 16:20

Tappa' mako angkanaya, langngarrukko siagang lappiraungko, mingka larannui linoa. Lasusai pa'mai'nu, mingka lanipinrai kasusannu a'jari karannuang.

YOHANES 13:16

Annaba tojengi anne kanangKu: tena olona lala'birangang se'rea ata na karaenna; siagang tena olona lala'birangang se'rea tunisuro na tau assuroa.

YOHANES 10:7

Sikalipa pole Nakana Isa, “Annaba tojengi anne kanangKu: INakkemi timungang naoloa gimbalaka.

YOHANES 6:53

Nakanamo Isa ri ke'nanga, “Patappaki angkanaya: Punna tena nanukanrei assinNa Ana' Ma'rupataua, siagang tena nanuinungi cera'Na, takkulleako attallasa' tojeng-tojeng.

YOHANES 5:27

Nasaremi koasa Ana'Na untu' angngadeli rupataua, nasaba' Iami Ana' Ma'rupataua.

YOHANES 5:19

Appialimi Isa mae ri yangasenna anjo taua angkana, “Patappa'mi angkanaya, takkulleai Anaka anggaukangi apa-apaya punna lanri koasaNa bawang. Iaji bawang Nagaukang apa le'baka Nacini' Nagaukang ManggeNa. Nasaba' apa-apa Nagaukang ManggeNa, ia tomminjo Nagaukang Anaka.

YOHANES 3:3

Appialimi Isa Nakana, “Patappaki angkanaya, tenanniakka tau akkulle a'jari umma'Na Allata'ala, punna tena nanilassukang poleangi.”

MATIUS 9:6

Mingka kamma-kamma anne erokKa' ampa'buttiangko angkanaya makoasai Ana' Ma'rupataua ampammopporangi dosaya ri lino.” Nampa Nakana Isa ri anjo tau pesoka, “Ambangungko nai', angkaki katinroannu, siagang ammotere' mako!”

MATIUS 8:20

Appialimi Isa Nakana, “Kongkong romanga nia' pammantanganna; kammayatompa jangang-janganga nia' ru'munna. Mingka Ana' Ma'rupataua manna laNapappadongkoki ulu tena todong.”

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

YOHANES 16:23

Ri anjo alloa sallang, tenamo nulakkuta'nang apa-apa mae ri Nakke. Tappa' mako angkanaya: apa-apa mamo nupala' mae ri Manggea lalang arengKu, laNapassareangi Manggea mae ri kau.

YOHANES 13:38

Appialimi Isa Nakana, “Maka attojeng-tojengko larella mate untu' iNakke? Baji'mi nanuasseng angkanaya, tenapa nattingkoko janganga sinampe', nanupintallummo angkana tena nanuassengA'!”

YOHANES 8:58

Appialimi Isa Nakana, “Sitojeng-tojenna Kukana ri kau ngaseng: tenapa nanilassukangi Abraham, naKunia' memammo iNakke.”

YOHANES 8:34

Nakanamo Isa ri ke'nanga, “Tojeng-tojengi anne kanangKu. Inai-nai a'gau' dosa, nipare' atami ri dosaya.

YOHANES 6:26

Appialimi Isa Nakana, “Sikontutojenna, iaji nanuboya ngasengA', teai lanri nupahannamo battuanna anjo gau'-gau' appakalannasa' le'baka Kugaukang, passangalinna lanri bassoro'nu ngasemmo angnganre.

YOHANES 1:50

Nakanamo Isa, “Iaji nutappa', lanri Kupauna angkanaya le'ba' mako Kucini' irawanganna anjo poko' araya? Apa-apa lompoanganga pole na anjo lanucini' sallang!”