YOHANES 1:38 - KITTA' MATANGKASA'

³⁸ Assailemi Isa mae ri boko, na Nacini'mo ke'nanga amminawang ri Ia. Akkuta'nammi ri ke'nanga angkana, “Apa nuboya?” Appialimi ke'nanga angkana, “Ra'bi kemaeki ammantang?” (‘Ra'bi’ battuanna guru.)

YOHANES 1:38 Referans Kwoze

YOHANES 18:7

Sikalipi pole akkuta'nang Isa ri ke'nanga Nakana, “Inai ngaseng nuboya?” Appialimi ke'nanga angkana, “Isa, battua ri Nazaret.”

YOHANES 3:2

Nia' se're wattu nabattu bangngi mange ri Isa. Nakana ri Isa, “Bapa' Guru, niassemmi angkanaya Allata'ala assuroKi' battu. Nasaba' tenanniakka manna sitau akkulle anggaukangi gau' appakalannasa' sangkamma le'baka Kigaukang, punna tena nanirurungangi ri Allata'ala.”

YOHANES 1:49

Nakanamo Natanael, “Bapa' Guru, iKattemi Ana'Na Allata'ala! IKattemi Karaenna bansa Israel!”

PANGNGEBARANG 8:34

Mate'nei tau mappilangngeria ri nakke tunggala' alloa ammempo antayanga' ri pakke'bu' ballakku, tuli a'jaga-jagaya ri pakke'bu' lompona pammantangangku.

PAMMUJI 27:4

Se'reji bawang kupala' ri Batara, iajinne bawang kukaerokia: ammantanga lalang ri Balla'Na Batara lalang sikontu umurukku, untu' angkasiaki kabajikanNa Batara siagang appala' panrurunNa.

YOHANES 18:4

Naassemmi Isa sikontu apa lakajarianga ri KalenNa. Jari Nareppesimi anjo taua ngaseng, nampa akkuta'nang Nakana, “Inai ngaseng nuboya?”

YOHANES 6:25

Ri wattunna assibuntulu' anjo tau jaia siagang Isa ri ba'leanna tamparanga, akkuta'nammi ke'nanga ri Isa angkana, “Ringngapanna Kibattu anrinni Pa' Guru?”

YOHANES 3:26

A'lampami ke'nanga mae ri Yohanes, na nakana ke'nanga, “Pa' Guru, maka kiu'rangi iji tau le'baka kiagang ri ba'leanna anjo Binanga Yordan, le'baka kipappicinikang ri kambe? Kamma-kamma anne anje'ne' tongi tau, na'lampa ngasemmo taua mange ri Ia!”

LAMPA-LAMPANA 10:29

Iaminjo, na ri wattungku kikio' battu, kukate'neammi eroka battu. Jari kamma-kamma anne eroki kuasseng, apa kutadeng saba'na nakikioka' battu?”

YOHANES 12:21

Battui ke'nanga mae ri Filipus akkuta'nang, angkana, “Punna akkulleja sari'battang, ero' ngasengki' anne assibuntulu' siagang Isa.” (Filipus, tu battu ri Betsaida, ri Galilea.)

LUKAS 19:5

Ri wattunna anrapi' Isa mange anjoreng ri tujunna poko' kayua, accongami nai'. Nampa Nakana, “O Zakheus, naungko mae linta'! Nasaba' musti mangeA' ri balla'nu anne alloa.”

LAMPA-LAMPANA 10:21

Naummi Petrus battu ri anjo ballaka, na nakana ri anjo taua, “Inakkemi antu nuboyaya. Apa kutadeng parallu nukabattuang?”

LUKAS 22:61

Assailemi Isa mae ri Petrus. Nau'rangimi Petrus apa le'baka Napau Isa ri ia angkanaya, “Ri tenanapa nattingkoko janganga, pintallumMa' nusassali.”

LUKAS 15:20

Le'baki akkana kamma lalang ri nyawana, ammotere'mi anjo anaka mae ri manggena. Bella iji battu ri balla'na nicini'mi ri manggena. Larimi battu manggena ambuntuli nampa naraka' siagang nabau, napakamma sanna' rannuna nyawana.

LUKAS 14:25

Jai tau amminawang a'jappa siagang Isa. Assailemi Isa nampa Nakana ri ke'nanga,

LUKAS 10:39

Anjo Marta nia' sari'battanna niarenga Maria. Na anjo Maria ammempomi ri ampi'Na Isa ampilangngeri kana-kana Napangngajarranga Isa.

LUKAS 8:38

Napala' dudumi ri Isa anjo tau le'baka nilappassang ri setanga sollanna nikellai amminawang ri Isa. Mingka nisuromi a'lampa ri Isa.

PANGNGEBARANG 13:20

Tau assileporanga siagang tau cara'deka, la'jari cara'deki; tau assileporanga siagang tau toloa, lacilakai.

PANGNGEBARANG 3:18

Tau manna'gala' jarreka ri kacara'dekanga lanakasiaki katallassang sitojennaya siagang mate'nea.

RUT 1:16

Mingka appialimi Rut angkana, “Teaki' suroia' ammotere' siagang ambokoiki' amma'! Eroka' amminawang ri katte. Kemae-kemae kilampai, anjoreng tommi lakulampai. Kemae-kemaeki' ammantang anjoreng tomma' lammantang. Bansata, iatommi bansaku. Allata'ala kisombaya, iatommi lakusomba.

1 KARAENG-KARAENG 10:8

Teai sipato' upa'na ngaseng anjo bainenta! Siagang teai sipato' upa'na sikamma pagawe-pagawe tuli anjamaya untu' ikatte sa'genna akkulle nalangngere' battu ri kalenta sikontu pangngajarang pangngassengang tinggia mabajika.

PIRAUNG 5:19

Mingka iKatte, o Batara, tuli makoasa, iKatte ammarenta satunggu-tungguna.

YOHANES 1:37

Nalangngere'na anjo ruaya ana' gurunna Yohanes kana-kana kammaya, a'lampami ke'nanga amminawang ri Isa.

YOHANES 1:39

Nakanamo Isa, “Mae mako nakalennu anciniki.” A'lampami ke'nanga siagang Isa, na nacini' kemae ammantang. Anjo wattua tette' appa'mi ri karuenga. Ammantammi ke'nanga siagang Isa anjo alloa.

YOHANES 4:31

Anjo wattua nikio'mi Isa ri ana'-ana' gurunNa mange angnganre. Nakana ke'nanga, “O Bapa' Guru, mae maKi' angnganre.”