YO"EL 3:4 - KITTA' MATANGKASA'

⁴ LanuapA' anne, he Tirus, Sidon siagang sikontu daera Filistin? Maka erokko a'balasa' mae ri Nakke? Jari, tarimami pa'balasakKu lintaka battu mae ri kau.

YO"EL 3:4 Referans Kwoze

YEREMIA 47:4

Narapi'mi wattunna bansa Filistin nipanraki kabusu', sa'genna tenamo nanggappa bantuang Tirus siagang Sidon. INakke, Batara, ampanraki kabusuki sikontu tu Filistin niaka tassesa battu ri Kreta.

YESAYA 59:18

Napa'balassi sikamma musunNa situru' panggaukanna ke'nanga. Ba'lalo manna bansa-bansa niaka ri pulo-pulo bellaya tena todong nata'lappasa' battu ri hukkunganNa.

YESAYA 34:8

Iaminjo wattunna na Naalleangang Batara Sion siagang Napa'balassang mae ri sikamma musu-musunNa.

2 TESALONIKA 1:6

LaNagaukangi Allata'ala apa adeleka. LaNabalasaki passessa sikamma tau le'baka ampa'jari sessako.

LAMPA-LAMPANA 9:4

Tu'guru'mi Saulus naung ri buttaya, nampa nia' sa'ra nalangngere' angkana ri ia, “O Saulus, Saulus! Apa saba'na nanusessa kamma duduA'?”

LUKAS 18:7

Jari, maka tena naNasarei Allata'ala ammeta lalang ri kara-karana umma'Na, punna allo bangngi appala' tulung umma'Na?

MATIUS 11:21

“Cilaka mako ikau ngaseng tau niaka ammantang lalang ri Korazim! Kammayatompa ikau ngaseng tau niaka ammantang lalang ri Betsaida, cilaka ngaseng tommako! Ebara' angkana le'ba' tommi nigaukang anjo gau'-gau' appakalannasaka ri tangnga-tangnganu ri Tirus siagang Sidon, ma'nassa sallomi le'ba'na toba' siagang nasassala' kalenna tau niaka anjoreng.

YEREMIA 51:6

Pasalamaki kalennu! Lariko battu ri Babel, gassingka amminawang tongko nibuno lanri dosana ke'nanga! Nasaba' iaminne wattunna laKubalasa' kaja'dallanna Babel, siagang laKuhukkung situru' panggaukanna.

2 PATTOTTORANG 21:16

Anjo wattua nia' tu Filistin siagang tu Arab ammantang ri ampi' pammantanganna tu Sudan ri daera biring tamparanga. Napagioki Batara anjo taua untu' a'lampa mange ambunduki Yehoram.

HAKING-HAKING 11:12

Le'baki anjo nia'mo tau nasuro Yefta mange ri karaeng Amon, untu' ampabattui papasanna angkana, “Apa kasalanna ikambe sa'genna nubunduki pa'rasanganna ikambe?”

PAOLE 32:35

LaNabalasaki siagang laNahukkungi ke'nanga, latu'guruki ke'nanga; a'reppese'mi kapanrakanna ke'nanga.

MATIUS 11:22

U'rangi laloi angkanaya, punna narapi' Allo Kiamaka sallang, akkulleangangi Napammopporang Allata'ala dosa-dosana tau niaka anjoreng ri Tirus siagang Sidon nakala ikau ngaseng!

LUKAS 10:13

“Cilaka mako ikau tau niaka ri Korazim! Siagang cilaka mako ikau tau niaka ri Betsaida. Naka'de' anjoreng ri kota Tirus siagang ri kota Sidon nigaukang anjo gau'-gau' appakalannasa' le'baka nigaukang ri tangnga-tangnganu, mattantu sallomi le'ba'na toba' tau niaka anjoreng. Siagang sallomi le'ba'na ammakeang tau susa siagang nabonei au ulunna ke'nanga, a'jari pammatei ri katobakkanna ke'nanga.

LUKAS 10:14

Ri allonna kiamaka sallang, lakkulleangangi nipammopporang ri Allata'ala tau niaka ri Tirus siagang Sidon kala ikau ngaseng.

YESAYA 14:29

He bansa Filistin, tepo'mi palu-palu eroka nipake untu' ampalu-paluiko. Mingka teako rannui, lanri punna nia' ulara' mate, nia' labattu ulara' maraeng, la'bi sekkeka, untu' ansambeangi, siagang bayao ulara' bo'boka a'jari naga akka'nyi'.

YEREMIA 47:1

Ri tenanapa nabunduki karaeng Mesir anjo kota Gaza, a'bicarai Batara ri nakke, ri sesena pa'rasangang Filistin.

YO"EL 2:2

Anjo alloa sassang makkapuki, rassi allung anremeng-remeng. Para battui tantara katimbanga rapang rammang takka'ranga irate ri moncong. Tena le'bakai battu kajariang kammaya, na tena todong nalakajariang ribokoangannaya.

YO"EL 2:10

Lalang majuna ke'nanga, annekkereki buttaya, siagang langika amme'bereki. Nampa sassang alloa siagang bulanga, na lanynya'mo cayana sikamma bintoenga.