YO"EL 2:12 - KITTA' MATANGKASA'

¹² Nakana Batara, “Mingka kamma-kamma anne, pakkalepumi atinnu ammotere' mae ri Nakke, nuppuasa, appiraung siagang angngarru'.

YO"EL 2:12 Referans Kwoze

HOSEA 12:6

Anjo Allata'ala iamintu Batara Kaminang Makoasaya. ArenNa iamintu Batara. Lalang iaminjo arenNa naNakellai taua anynyomba mae ri Ia.

YEREMIA 4:1

Nakana Batara, “He umma' Israel, punna erokko ammotere', ammotere' mako mae ri Nakke. Pelaki rolong anjo barhala-barhala Kukabirissia, nampa majarre' mako mae ri Nakke.

HOSEA 6:1

Nakana tu Israel, “Umba kimmotere' mae ri Batara. Ia ampa'risi nyawata mingka Ia todong ansaleori. Ia allokoki, mingka Ia todong lamballei anjo bokka'-bokkatta.

1 SAMUEL 7:6

A'rappungang ngasemmi ke'nanga ri Mizpa. Anynye'ro'mi ke'nanga je'ne' nampa napatiri' salaku passare mae ri Batara, nampa appuasa ke'nanga siallo kabusu', anjo alloa. Nakanamo ke'nanga, “Dorakami ikambe mae ri Batara.” (Anjoremmi ri anjo Mizpa napakaramulai Samuel ampakabajiki sikamma parkara passisala-pasalanga ri tu Israel.)

1 SAMUEL 7:3

Nakanamo Samuel ri umma' Israel, “Punna erokko ammotere' mae ri Batara siagang anynyomba ri Ia siagang sikontu atinnu, musti nupela' ngasengi sikontu rewata battu-battua siagang patunna Dewi Asytoret. Passareang tabasikali kalennu mae ri Batara, siagang anynyomba mako mae ri Ia bawang, na Nalappassangko battu ri tu Filistin.”

LAMPA-LAMPANA 26:20

Kupaumi silambusu'na mae ri taua angkanaya musti toba' ngasengi ke'nanga battu ri massing dosa-dosana. Musti napassareangi tallasa'na ke'nanga mae ri Allata'ala. Siagang musti napa'butti lalang ri katallassanna ke'nanga, angkanaya ma'nassa toba' tojeng-tojemmi battu ri dosa-dosana ke'nanga. Uru-uruna anjorengi ri Damsyik kupau anne passalaka. Le'baki anjo nampa ri Yerusalem, siagang ri sikontu Yudea, ri tangnga-tangngana bansa maraenga.

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”

HAKING-HAKING 20:26

Jari a'lampami pole umma' Israel mange ri Betel nampa angngarru' mae ri Batara. Anjoreng appuasai ke'nanga sa'genna bangngi siagang assarei koro'bang passiamakkang na koro'bang nitunu mae ri Batara.

ZAKHARIA 7:3

Nisuro tommi ke'nanga akkuta'nang mae ri sikamma imanga siagang sikamma na'bia kamma anne, “Maka paralluiji ikambe angkarruki kaancuranna Balla'Na Batara iamintu appuasa ri tunggala' bulang makalima sangkamma le'baka nagaukang ikambe attaung-taung sallona allaloa?”

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

ZAKHARIA 7:5

Nakana, “Pabattuangi mae ri sikontu pandudu'na anne pa'rasanganga siagang mae ri sikamma imanga, angkanaya anjo puasaya siagang karru' nagaukanga ke'nanga ri bulang makalimaya siagang makatujua lalanna anne tujupulo taunga teai pappakalompo untu' mae ri Nakke.

ESTER 4:16

“Passe'rei sikontu tu Yahudi niaka ri kota Susan untu' ampappala' doanganga'. Teako angnganrei siagang teako angnginungi lalang tallungallo tallumbangngi. Inakke kalengku siagang sikamma tulolo palayangku lappuasa ngaseng tonga'. Le'baki anjo, erokka' mange andallekang ri karaenga, manna nakudakkai undang-undanga. Punna padeng musti matea' passabakkang anjo, boli'mi kamma nakumate!”

YESAYA 58:4

Lalang appuasanu, assiba'jiko siagang a'geakko, kammayatompa nugaukangi katerassanga. Nukapangi angkanaya lanri apuasanu nakkulle nupagio' atingKu untu' ampilangngeri sikamma pappala' doannu?

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

YEHEZKIEL 33:11

Paui mae ri ke'nanga angkanaya lanri iNakke, Allata'ala mattallasaka, Batara Kaminang Tinggia, tena naKusannang punna mate tau ja'dalaka; kabalekanna Kukellai nabokoi ke'nanga dosa-dosana sollanna tuli attallasa'. He bansa Israel, ammari mako a'gau' ja'dala'! Angngapa nuero' mate?

DANIEL 9:3

Nampa attojeng-tojemma' appala' doang mae ri Karaeng Allata'ala, na kupala' pangngamaseanNa. Appuasama' siagang ammakema' pakeang karung nampa ammempo irate ri aua.

MALEAKHI 1:9

Kamma-kamma anne, he sikamma imanga, coba sai pala' mae ri Allata'ala sollanna Nakamaseangki'. Tena Nalanapiali pappala' doannu, siagang anjo battu ri kasalannu tonji.

HAKING-HAKING 2:4

Le'baki napabattu malaekaka anjo birittaya, angngarru' lompo ngasemmi bansa Israelka.

2 SAMUEL 24:10

Mingka ri le'ba'namo nasuro bilang Daud anjo bansaya, naassemmi kalenna sala, nampa nakanamo mae ri Batara, “O, Batara, teai sipato' dorakaku! Kipammopporanga', lanri dongo'na anjo panggaukangku.”

2 PATTOTTORANG 6:27

o Batara niaka ri suruga, poro Kipilangngeri laloi ke'nanga. Siagang Kipammopporangi dosana ata-atanTa umma' Israel. Kiajaraki ke'nanga anggaukangi apa tojenga. Le'baki anjo, o Batara, Kipaturummi bosia naung ri anne pa'rasanganTa, iamintu pa'rasangang le'baka Kipassareang mae ri ummatTa untu' a'jari pa'rasanganna sa'genna satunggu-tungguna.

2 PATTOTTORANG 30:6

Lanri parentana karaenga siagang pagawe-pagawena nikirimmi a'lampa sikamma tunisuroa mange ri sikontu daera Yehuda siagang Israel untu' angngerangi anjo suraka. Kammami anne bonena anjo suraka, “Kupabattui mae ri sikontu ra'ya' Israel! Le'ba' kabusu' mako ta'lappasa' battu ri kakoasanna tu Asyur. Kamma-kamma anne siratang mako ammotere' anynyomba mae ri Batara, Allata'ala nisombaya ri Abraham, Ishak, siagang Yakub, sollanna ammotere' todong untu' antulungko.

YEREMIA 3:22

He ikau ngaseng sikontu tau ambokoiyai Batara, ammotere' mako! LaNapammolleko battu ri garrinnu, siagang laNapa'jariko majarre' ri pa'mai'nu. Nukana ngaseng, “Iyo, kamma-kamma anne ammotere'mi ikambe mae ri Batara, nasaba' Iami Allata'alana ikambe.

YEREMIA 36:7

Gassingka lanri kammana anjo nalappala' doang ke'nanga mae ri Batara, siagang toba' battu ri panggaukang-panggaukang ja'dala'na ke'nanga. Teai sipato' larroNa Batara mae ri ke'nanga siagang Naancangi ke'nanga.”

HOSEA 12:7

Lanri kammana anjo, he ikau ngaseng jari-jarina Yakub, tappa' lalo mako mae ri Allata'alanu siagang ammotere' mako mae ri Ia. Attallasa' mako lalang pangngamaseang siagang kalambusang, siagang attayang mako siagang sa'bara' sa'genna angngalle tindakang Allata'alanu.

YO"EL 1:13

He sikamma imang allayania ri tampa' pakkoro'bangnganga, ammakeko kaeng karung, siagang angngarru' mako. Antamakko ri Balla'Na Batara appiraung sipattang kabusu', nasaba' tenana koro'bang anggoro' siagang gandung untu' Allata'alanu.