YO"EL 1:4 - KITTA' MATANGKASA'

⁴ Katimbang sannaka jaina takkullea nibilang, a'dangka' ri kokoa ampaccappuki wassele'na. Apa nasesaya anne katimbanga, nipaccappuki ri katimbang maraengannaya.

YO"EL 1:4 Referans Kwoze

YO"EL 2:25

LaKusambei sikontu karugiannu ri taung-taung nakanrena katimbang wassele' lamung-lamunnu. Nasaba' iNakke angkiringi battu anjo pasukang katimbanga mae ri kau.

AMOS 4:9

Kupammiriki anging bambanga siagang akkiringA' olo' untu' ampanraki lamung-lamunnu kammayatompa koko-koko anggoro'nu. Poko'-poko' aranu siagang poko'-poko' zaitunnu la'busu'mi nakanre katimbang. Mingka manna nakamma tena tongija nummotere' mae ri Nakke.

AMOS 7:1

Anggappa' se're paccini' battu ri Batara Kaminang Tinggia. Kuciniki appare' sanna' jaina katimbang ri wattu le'ba'na taua ampangngalleangi ruku' karaenga, siagang appakkaramula attimbo poleang ruku' berua.

YESAYA 33:4

Kamma pa'rappungang katimbang battu taua ambakkai siagang angngellaki ke'nanga.

PAMMUJI 78:46

Appabattui olo' siagang katimbang, ampaccappuki kattoanna siagang wassele' kokonna ke'nanga.

KALAPPASSANG 10:4

Punna tena ija nuero', ammuko lappabattuA' katimbang ri pa'rasangannu.

YEREMIA 51:14

Batara Kaminang Koasaya assumpai lanri areng KalenNa angkanaya lappabattui tau rapang katimbang jaina untu' ambunduki Babel, siagang akkio'-kioki ke'nanga napakamma rannu lanri ammetana.

PAMMUJI 105:34

Lanri parentaNa, battui katimbanga, teai sipato' jaina, takkulleai nirekeng jaina.

2 PATTOTTORANG 7:13

Punna tena Kuppaturung bosi yareka akkiringA' battu katimbang untu' ancappuki wassele' lamung-lamunga yareka appabattuA' garring mae ri UmmakKu,

PAOLE 28:38

Jai bine nupakioro', mingka sike'de'ji wassele' nugappa, lanri la'busuki lamung-lamunnu nikanre ri katimbang.

YEREMIA 51:27

“He karaeng niaka battu wara'! Assare mako pammatei untu' maju! Pasa'rai tarompeka sollanna allangngere' bansa-bansaya! Pagioki sikontu bansa-bansaya untu' mange a'bundu' angngewai Babel! Suroi kakaraengang Ararat, Mini, siagang Askenas untu' maju. Angkaki sitau panglima untu' ampimpingi anjo pa'bundukanga. Pagioki jaranga sanrapanga katimbanga jaina.

1 KARAENG-KARAENG 8:37

Punna natuju anne pa'rasanganga bala yareka garring, yareka panraki lamung-lamunga lanri anging bambanga, olo', yareka anango, yareka punna nibundu' ummatTa ri musua, yareka nitaba ri garring,

2 PATTOTTORANG 6:28

Punna nituju anne pa'rasanganga siagang bala kacipurang yareka garring, yareka nipanraki lamung-lamunna ri anging bambang, nipanraki ri olo' yareka katimbang, yareka punna nibunduki ummatTa ri musu, yareka nitujui ri garring,

PAOLE 28:42

Sikontu poko'-poko'nu siagang lamung-lamunnu lala'busuki nikanre ri olo'.

KALAPPASSANG 10:5

Sikontu buttaya lakatongkokang taba sikali ri katimbang sannaka jaina. Sikontu lamung-lamung niaka tassesa, ba'lalo poko'-poko' kayu tenaya nipanraki ri bosi es, lanipaccappuki ri anjo katimbanga.

MALEAKHI 3:11

Tena naKupa'biangi olo'-oloka ampanraki lamung-lamunnu; poko'-poko' anggoro'nu laroasaki rapponna.