YO"EL 1:19 - KITTA' MATANGKASA'

¹⁹ Appala' tulunga' ri Katte, o Batara lanri sikamma parang rukuka ammutung ngasemmi na kalotoro' poko'-pokoka kalotoro' tommi na mate kontui nakanrea pepe'.

YO"EL 1:19 Referans Kwoze

YEREMIA 9:10

Inakke, Yeremia, kukana, “Erokka' angngarru' siagang susai pa'maikku lanri sikamma rukuka ri paranga siagang ri moncong-monconga kalotoro' sikalimi siagang tanioloami ri tau. Tenamo nilangngere' sa'ra olo'-olo', jangang-jangang siagang olo'-olo' maraenga lari ngasemmi siagang lanynya' ngasemmi.”

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

AMOS 7:4

Anggappa' se're paccini' pole battu ri Batara Kaminang Tinggia. Kuciniki sadia-sadia untu' anghukkungi umma'Na siagang pepe'. Anjo pepeka nalepaki tamparanga sa'genna la'busu' irawa ri buttaya siagang appakkaramulami napammutung kokoa.

MIKHA 7:7

Mingka ikatte manrannuangki' mae ri Batara; jarreki tappatta antayangi Allata'alata. LaNapilangngeri pappala' doanta siagang Napasalamakki'.

LUKAS 18:7

Jari, maka tena naNasarei Allata'ala ammeta lalang ri kara-karana umma'Na, punna allo bangngi appala' tulung umma'Na?

YO"EL 2:3

Rapang pepe' akkanrea siagang appakamutung naputtai ke'nanga sikontu lamung-lamunga. Riolo, anjo pa'rasanganga rapangi Eden, iamintu kokonNa Batara, kale'bakkanna, santanja'mi parang kassi' kalotoroka. Tenamo nia' ammantang tassesa, tena sikali ta'lappasa' battu ri pa'bakkaina ke'nanga.

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

LUKAS 18:1

Le'baki anjo Nacaritami Isa se'rea pangngebarang, ero' Naajara' ana'-ana' gurunNa sollanna tuli appala' doang siagang tena natappu' panrannuang.

YEREMIA 14:4

Taturungai bosia siagang kalotoro' sikali buttaya; natongkoki rupanna pamarria lanri la'bana nyawana.

AMOS 1:2

Iaminne napabattua Amos, “Ammammuki Batara battu ri Bulu' Sion, a'gamarrungi sa'ranNa battu ri Yerusalem. Sikamma parang rukuka a'jari kalotoroki, rukuka ri Moncong Karmel kalotoro' taba sikali.”

YEREMIA 3:9

siagang tena sikali siri'-siri'na. A'gau' bawangi lanri anynyombai ri batua siagang poko'-poko' kayua, sa'genna a'jari rantasa' anne pa'rasanganga.

YEREMIA 9:9

Antekamma anjo bansa kammaya taKupitujui hukkungang siratanga? LaKubalasaki panggaukanna ke'nanga; iNakke, Batara, anne akkana!”