YESAYA 9:5 - KITTA' MATANGKASA'

⁵ Nia' sitau ana' lassu' untu' ikatte; nisareki' sitau ana' bura'ne. Ia la'jari pamimpinta. Laniarengi: “Tumappakainga' Cara'de'”, “Allata'ala Pore”, “Mangge Mannannungang”, “Karaeng Passiamakkang”.

YESAYA 9:5 Referans Kwoze

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

MATIUS 3:11

Inakke je'ne' kupake anje'nekko a'jari pammatei angkanaya ma'nassa toba' mako battu ri gau' dosa-dosanu; mingka labattua sallang ri bokoangangku, iami sallang lanje'nekko pepe' siagang RohNa Allata'ala. La'birangangi nainakke. Manna a'jari pabinting sapatuNa tena todong kusiratang.

NAHUM 3:2

Pilangngeri sa'ra ba'balaka siagang sa'ra galutturu'na rodaya, sa'ra bangkeng jaranga siagang goccanna karetaya.

YO"EL 2:5

A'lumpa'-lumpa' ke'nanga ri coppo' monconga, sa'ranna kontui sa'ra galutturu'na kareta pa'bundukanga siagang a'rete'na pepe' akkanreya. A'barrisiki kontu pasukang barania, sadiaya maju mange ri pa'bundukanga.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

PAMMUJI 46:9

Umba, ciniki apa le'baka Nagaukang Batara; tamaka lompona bate pare'Na ri lino!

LAMPA-LAMPANA 2:19

Lappa'niakKa' apa-apa appakalannasa' rate ri langika, siagang gau'-gau' tantamaya ri akkala'nu irawa ri anne linoa; lania' cera' siagang pepe', umbu siagang saliu'.

YESAYA 4:4

Lanri koasaNa Batara laNaadeli siagang laNatangkasi umma'Na. LaNatangkasi Yerusalem battu ri cera'na sikamma tau nibunoa ri anjo kotaya.

1 SAMUEL 14:19

Lalang a'bicarana Saul mae ri anjo imanga, pila' katambammi karicuanga lalang ri kemana tu Filistin, sa'genna nakanamo Saul ri anjo imanga, “Tena kisawe appala' pitunju' battu ri Batara!”

KAIMANGNGANG 3:16

Imang tugasaka musti natunu ngasengi anjo sikammaya irate ri tampa' pakkoro'bangnganga. Rasanna anjo koro'bang nikanrea lanapakasannangi nyawaNa Batara. Sikontu jannana anjo olo'-oloka untu' Batara ngaseng.

KAIMANGNGANG 3:11

Imang tugasaka musti natunu ngasengi anjo irate ri tampa' pakkoro'bangnganga untu' a'jari koro'bang nikanre mae ri Batara.

LAMPA-LAMPANA 2:3

Nampa nia'mo nacini' ke'nanga lila-lila kamma pepe', allepa' mange-mange sa'genna a'dongko' massing-massing mae ri ke'nanga.

YEREMIA 47:3

Lallangngereki ke'nanga sa'ra bangkeng jarang, sa'ra reku'na karetaya, siagang a'galutturu'na roda-rodana. Tau toaya la'jari lammai, natenamo nanawa-nawai ana'na.

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

YESAYA 13:4

Pilangngeri sa'ra gegereka ri monconga, kamma nilangngere' sammang tau jai asse're. Pilangngeri gegere'na sikamma kakaraengang siagang bansa-bansa a'rappunganga. Naparessai Batara Kaminang Makoasaya pasukang bunduka.

PAMMUJI 72:3

Poro a'jari coppongi na salewangang pa'rasanganna ikambe, na nia' kaadelang mae ri sikontu bansaya.

YESAYA 2:4

Ia la'jari haking ri tangnga-tangngana bansa-bansaya, annappuki parkara ri tangnga-tangngana suku-suku bansaya. Lanide'deki pa'danga a'jari pa'jeko, siagang pokea a'jari pa'battasa'. Tenamo nalasibakkai bansa-bansaya, tena tommo natuli sadia ero' a'bundu'.

YESAYA 9:4

A'lappe'-lappeki sa'ra sapatuna tantaraya na bajunna rassi cera', lala'busu' nikanre ri pepe'.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

PA'JARIANG 32:30

Le'baki anjo nakanamo Yakub, “Le'ba'ma' assibuntulu' rupa siagang Allata'ala kunampa attallasa' ija.” Lanri kammana naaremmi anjo tampaka Pniel.

KALAPPASSANG 23:21

Parhatikangi siagang musti mannurukiko ri ia. Teako angngewai ri ia, lanri ia suroKu, siagang tena nalanapammopporang kasalannu.

HAKING-HAKING 13:18

Akkuta'nammi malaeka'Na Batara angkana, “Apa saba'na nuero' angngassengi arengku? Anjo arengku appakkalannasaki.”

YEREMIA 23:5

Nakana Batara, “Lanarapiki sallang wattunna, naKuangka' sitau karaeng adeleka battu ri jari-jarina Daud. Anjo karaenga lacara'deki batena ammarenta, siagang nagaukangi apa adeleka siagang annabaya ri sikontu pa'rasanganga.

MIKHA 5:1

Nakana Batara, “He Betlehem Efrata, ikau kalase'renna kota kaminang ca'dia ri Yehuda! Mingka battu ri kaumi laKupammumba sitau makoasaya untu' Israel, naia assala'na battu riolo duduji.”

ZAKHARIA 6:13

Ia lambangungi BallakKu siagang lannarimai kala'birang sangkamma se'rea karaeng, siagang ia lammarenta mae ri ra'ya'na. Nia' sitau imang lanrurungangi siagang lasamaturuki ke'nanga siagang siamaki ke'nanga lalang ri jama-jamanna.’