YESAYA 8:19 - KITTA' MATANGKASA'

¹⁹ Mingka lanisuroko ri taua appala' pangngunju' battu ri sanro-sanroa, ia a'bici'-bicika siagang a'gio'-gioka muncenna. Lanakana anjo taua, “Sai siratangki' appala' pangngunju' battu ri sikamma nyawana tau matea untu' kaparalluanna tau attallasaka?”

YESAYA 8:19 Referans Kwoze

1 PATTOTTORANG 10:13

Matei Saul lanri amminrai mae ri Batara, siagang tena naturuki sikamma parentaNa. Tena nappala' pitunju' ri Batara, mingka appala' maei ri roh-rohna tu matea. Iaminjo saba'na nanihukkung ri Batara, siagang nipassareang kakaraenganna mae ri Daud ana'na Isai.

KAIMANGNGANG 20:6

Tau a'lampaya appala' tulung mae ri sanro appareka passisambungang siagang roh-roh tau matea, laKuhukkungi siagang tenamo nalaKubilang anggota ummakKu.

2 PATTOTTORANG 33:6

Ana'-ana' kalenna napassareang nipa'jari koro'bang nitunu ri Ka'bung Lappara' Hinom. Nagaukang tongi jama-jamang sanroa, pacinika, pangngissenganga, siagang appalaki pangngunju' mae ri roh-roh tanicinika. Teai sipato' dorakana mae ri Batara, sa'genna napakalarromo Batara.

PAMMUJI 106:28

Nampa anynyomba Baal ke'nanga ri Peor, na nakanre kanre nipassareanga mae ri rewata-rewataya.

KAIMANGNGANG 19:31

Teako a'lampai appala' tangara' mae ri sanro appareka passisambungang siagang roh-rohna tau matea. Punna nugaukangi kammaya anjo, a'jari ra'masakko. INakke Karaeng Allata'alanu.

YESAYA 29:4

Rapangi kokoci' sallang Yerusalem, eroka ampappilangngerangi sa'ra ca'dina battu lalang ri buttaya, battu ri limbu'buka.

YESAYA 19:3

LaKupassala-salangi sikamma rancanana tu Mesir siagang laKutepoki sumanga'na ke'nanga. Lappala' tulungi ke'nanga mae ri barhala-barhalaya, lappalaki pappakainga' siagang pangngunju' mae ri sanro-sanroa siagang roh-roh tanicinika.

1 SAMUEL 28:8

Ammake palusu'mi Saul sollanna tena naniasseng ri taua. Nirurungammi ri rua tu bura'ne, nampa a'lampa siagang battu mange ri balla'na anjo sanroa ri wattu bangnginamo. Nakanamo Saul, “Kio' sai nyawana tu mate kutappua arenna, siagang pala'mi nanatappu apa eroka lakajariang.”

PAOLE 18:11

pangngasengang bale'-bale' mata, siagang tea tongko lappassangngi ke'nanga appare' passisambungang siagang roh-rohna tau matea.

YEREMIA 10:10

Mingka iKatte, Batara, Allata'ala tojenga, Allata'ala assarea katallassang, Karaeng mannannunganga. Punna larroKi', ta'ge'gosoki buttaya, Punna nassuKi' tattahangngai bansa-bansaya. (

2 KARAENG-KARAENG 21:6

Ana' kalenna napassareang a'jari koro'bang nitunu. Nagaukang tongi Manasye gau'-gau' sanroa, a'jari paciniki, ammakei pangngissengang, siagang appalaki pangngunju' mae ri roh-roh tanicinika. Sanna' dorakana mae ri Batara sa'genna napanai'mo larroNa Batara.

2 KARAENG-KARAENG 1:3

Mingka nasuroi malaeka'Na Batara Na'bi Elia, iamintu na'bi battua ri Tisbe, a'lampa angngagangi sibuntulu' anjo sikamma tau nasuroa Karaeng Ahazia untu' angkana, “Apaka tena Allata'ala ri Israel sa'gennu ero' a'lampa appala' pitunju' mae ri Baal-Zebub, anjo rewatana kota Ekron?

2 KARAENG-KARAENG 23:24

Sollanna nakkulle nigaukang hukkung-hukkung niaka tattulisi' lalang ri anjo kitta' nagappaya Imang Lompo Hilkia lalang ri Balla'Na Batara, nabongka kabusu'mi Karaeng Yosia sikamma pakio' rohna tumatea siagang pacinika battu ri Yerusalem siagang battu ri sikontu Yehuda, nampa napela' kabusu' rewata ruma tanggaya, barhalaya, siagang barang-barang nipakea untu' anynyomba ri rewata-rewataya.

1 SAMUEL 28:16

Nampa nakanamo Samuel, “Apa matu-matungku nukio' nampa Nabokoi mako Batara siagang a'jari musunnumi?

2 PETRUS 2:1

Ri wattu allaloa nia' na'bi-na'bi takontutojeng ammumba ri alla'na Umma'Na Allata'ala. Kamma tomminjo lania' todong guru-guru takontutojeng ammumba ri tangnga-tangnganu. Lanapantamaki ajarang-ajarang salaya, ampanrakiai taua. Siagang lanasassali ke'nanga Karaeng Makoasa le'baka angkoro'bangkangi kalenna sollanna nakkulle a'jari bebasa' ke'nanga. Lalang kammana napabattumi kapanrakanga mae ri kalenna ke'nanga, labattua linta' antujui ke'nanga.

1 SAMUEL 28:11

Akkuta'nammi anjo bainea angkana, “Nyawana tumate inai musti kukiokangki'?” Appialimi Saul angkana, “Nyawana Samuel”

1 TESALONIKA 1:9

Nacarita ngasemmi taua antekamma batenu antarimai ikambe pirangalloang, ri wattunna battu ikambe mae ri kau. Nacaritami ke'nanga antekamma batenu ambokoi sikamma barhalaya nunampa battu mae ri Allata'ala mattallasaka siagang tenaya ruanna untu' anynyomba mae ri Ia.

LAMPA-LAMPANA 16:16

Ri se'reang allo a'lampa maki' mange ri tampa' passambayanganga. Ri tangngana aganga assibuntulu' maki' sitau baine ata. Anjo bainea nisosoki ri setang, sa'genna akkullei natappu la'bi riolo apa lakajarianga sallang. Lanri akkullena natappu dalle'na taua, jai sikalimi doe' napanggappangi pingga'-pinggawana anjo bainea.

PA'JARIANG 41:24

Nampa anjo bulere' gandung bajika assinna nia'lu'mi ri anjo bulere' gandung opaya. Le'ba'mi kucarita anne ruaya so'naku mae ri sikamma pacinika, mingka tena manna sitau akkulle ampakasingaraki apa battuanna.”

YESAYA 26:14

Matemi ke'nanga siagang tenamo nalattallasa' poleang, talambangungami ammotere' rohna. Saba' cappu'mi ke'nanga le'ba' Kiancuru' siagang Kipela' ri pangngu'ranginTa.

YESAYA 30:2

A'lampai ke'nanga mange ri Mesir nampa tena nappala' kaputusang battu ri Nakke. A'la'langi ke'nanga mae ri Mesir siagang anrannuangi pannulung mae ri karaeng Mesir.

YESAYA 45:11

Batara, Allata'ala matangkasa'na Israel Nakana, “Kuta'nangA' ri passala' allo labattua. Mingka teako akkuta'nangngi ri passala' ana'-anakKu, yareka assuroA' appare' apa-apa.

YESAYA 47:12

Na'na' mako bawang siagang sikontu baca-bacanu na pangngissengannu, ambattalliako appakkaramula ri ca'dinu. Inai angngassengi, gassingka nia' matu-matunna mae ri kalennu, untu' ampakamalla'-mallaki sikamma musunnu.

YESAYA 47:13

Mangngangko lanri jaina pappakainga'. Suromi sikamma pacinika maju untu' ampasalamakko; le'ba'mi naparessa ke'nanga sikontu panyingkulu'na langika na napilajari sikamma bintoenga, na ri tunggala' bulang berua natappui angkana apa kajarianna sarennu.

YEREMIA 27:9

Teako pilangngeri na'bi-na'bia yareka manna pole inai ampisangkaiko tundu' mae ri karaeng Babel, manna pole nanakana kalenna le'baki annarima pitunju' battu ri so'na, roh-roh alusu', yareka lanri ammakei kagassingang pangngassengang.

MIKHA 5:12

LaKuancuruki patung-patunnu siagang tembo'-tembo' karama'nu; tenamo nulanynyomba ri barang-barang nupareka kalennu.

PAOLE 18:10

Teako passareangngi ana'-ana'nu a'jari koro'bang nitunu. Teako manna sitau battu ri kau a'jari paboto, a'boyaya pammatei-pammatei, ammakea jampi-jampi yareka

1 SAMUEL 28:7

Lanri kammana anjo nakanamo Saul mae ri pagawena, “A'boyako sitau sanro baine pakkio' nyawa tu mate, kaerokka' a'lampa mange ri ia untu' appala' pitunju'.” Appialimi ke'nanga angkana, “Ri En-Dor nia' sanro kammaya anjo.”