YESAYA 8:18 - KITTA' MATANGKASA'

¹⁸ Annemi inakke siagang ana'-ana' Napassareanga Batara mae ri nakke. Batara Kaminang Makoasaya ammarenta ri Bulu' Sion, ansuroi ikambe battu a'jari pammatei mae ri umma' Israel.

YESAYA 8:18 Referans Kwoze

LUKAS 2:34

Nabarakkakimi Simeon ke'nanga; siagang nakana ri Maria, “Le'ba'mi nipile ri Allata'ala anne anaka untu' anghukkungi siagang untu' appasalama' jai tu Israel. La'jari pannanrai battu ri Allata'ala, lanibaliangi ri tau jaia,

ZAKHARIA 8:3

LammoterekKa' mange ri Yerusalem, anjo kota matangkasakKu, nampa ammantang anjoreng. Laniassengi Yerusalem salaku kota tamamminraya, siagang bontoNa Batara Kaminang Koasaya lanigallaraki Bonto Matangkasa'.

PAMMUJI 71:7

A'jari contoi tallasakku mae ri tau jaia, saba' iKattemi pa'la'langang majarrekku.

ZAKHARIA 3:8

Pilangngeri, he ikau Imang Malompo Yosua, kammayatompa ikau ngaseng sikamma imang-imang aganna maraenga, ikau ngasemmi a'jari pangngebarang battu ri allo baji' labattua. Anjo wattua laKusuroi atangKu niarenga ‘I Cu'la'’.

YESAYA 53:10

Batara angkaerokangi sollanna nakasiaki passessaya, siagang napassareang kalenna untu' a'jari koro'bang pa'lu'lu'na dosaya. Na lala'bu umuru'na siagang naciniki turunganna tete ri kalenna na Napa'jari Batara apa Nakaerokia.

PAMMUJI 22:30

Sikontu tau malompoa lasu'juki ri dallekanNa, sikontu rupatau tattallasa' satunggua lanynyombai mae ri Ia.

PAMMUJI 9:11

Tau mangngassenga ri Katte manrannuangi ri Katte, o Batara, tu manynyombaya ri Katte tena naKibokoi.

IBRANI 12:22

Mingka ikau, battu mako ri Bulu' Sion siagang kotaNa Allata'ala assarea katallassang, iamintu kota Yerusalem niaka ri suruga siagang assa'bu-sa'bu malaeka'na.

YESAYA 24:23

La'jari sassangi bulanga siagang tenamo naccaya mataalloa, lanri Batara Kaminang Makoasaya ammarenta salaku Karaeng. Ia lammarentai ri Yerusalem, irate ri Bulu' Sion, siagang Napappicinikangi kalompoanNa mae ri sikamma pamimpinna umma'Na.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

YESAYA 7:16

Saba' ri wattu tenanapa narapiki anjo wattua, anjo ruaya pa'rasangang nukamallakkanga karaenna, lanibokoi ri taua sa'genna a'jari kosong.

YESAYA 14:32

Apa lanipappialiang mae ri sikamma tunisuroa battu ri bansa Filistin? Lanikana ri ke'nanga angkana le'ba'mi Nabangung Batara kota Sion, siagang umma'Na sessaya lanijagai anjoreng.

1 PATTOTTORANG 23:25

Nakanamo Daud, “Nasaremi Karaeng Allata'ala kasannangang umma'Na, siagang KalenNa nia'ki ammantang ri Yerusalem sa'genna satunggu-tungguna.

IBRANI 10:33

Nia' wattunna nunihina siagang nigau' takamma-kamma ri dallekanna tau jaia. Nia' todong wattunna numminawang todong ampisa'ringi sessana tau nigau' kammaya.

YESAYA 7:3

Nakanamo Batara ri Yesaya, “Erangi ana'nu Syear Yasyub nampa a'lampako mange angngagangi sicini' Karaeng Ahas. Lanugappai antu ri cappa' solongang kollang bageang rateang, tampa'na sikamma pasassaya anjama.

YEHEZKIEL 14:8

INakke langngewai ke'nanga siagang Kupa'jari contoi mae ri maraengannaya. LaKupakabellai ke'nanga battu ri ummakKu, jari naassemmi ummakKu angkanaya iNakke Batara.

YESAYA 8:3

Siapa are wattu ribokoanganna attianammi turiballakku. Ri wattunna lassu' anjo ana'na ikambe, Nakanamo Batara ri nakke, “Arengi antu anaka ‘Panrampasang Lacciri', Pangngellakkang Tippaka.’

PA'JARIANG 33:5

Ri wattunna nacini' Esau sikamma anjo bainea siagang ana'-ana'na, akkuta'nammi angkana, “Inai anjo ke'nanga niaka nuagang?” Appialimi Yakub angkana, “Anakku ngaseng ke'nanga. Nasarema' ana' Allata'ala.”

PAOLE 28:46

Anjo sikamma balaya a'jari butti battu ri hukkunganNa Batara mae ri kau siagang jari-jarinu sa'genna satunggu-tungguna.

YESAYA 20:3

Ri wattunna nitammulilimo kota Asdod ri musu, Nakanamo Batara, “Tallung taummi atangKu Yesaya assolara' siagang tammakea pa'lapa' bangkeng. Iaminne a'jari pammatei ri apa lakajarianga mae ri tu Mesir siagang tu Sudan.

YEREMIA 44:29

LappabattuA' cilaka mae ri kau ri tampaka anne untu' ampa'butti mae ri kau angkanaya anjo hukkungang Kurancanakanga untu' ikau, kajariang tojeng-tojengi.

YEHEZKIEL 4:3

Angngalleko panci bassi siagang rapammi anjo rinring bassi; padongkoki anjo pancia ri alla'nu siagang kota Yerusalem. Nampa a'dalle' mangeko ri anjo kotaya, sanrapang angkana ikau angkurungi. Iaminjo la'jari pangngebarang mange ri bansa Israel.

PAMMUJI 9:12

Pujimi Batara ammarentaya ri Sion! Caritai bate pare'Na mae ri bansa-bansaya!

LUKAS 2:18

Na lannasa' ngasemmo tau allangngerekai caritana anjo pakalawakia.