YESAYA 8:15 - KITTA' MATANGKASA'

¹⁵ Jai tau latatto'ro siagang laloko'. Lata'loposoki ke'nanga antama' ri sikkoka.”

YESAYA 8:15 Referans Kwoze

MATIUS 21:44

Tau tu'guruka naung ri batua laancuruki; na tau nitujua ri batua lanijalla'-jallakkangi sa'genna a'jari limbu'bu'.]”

YESAYA 28:13

Lanri kammana anjo laNaajarakko Batara tasse're-se're hurupu', tassibuku-tassibuku kana, kammayatompa tassilampang-tassilampang bicara. Na ri wattunnu a'jappa latu'guru' tumingarako sa'gennu loko', nialle ri sikko' siagang nitahang.

1 KORINTUS 1:23

Mingka ikatte anne iaji bawang nibirittakang iamintu biritta ri passala'na Isa Almasi le'baka mate ri kayu sallika. Anjo birittaya napakanassui pa'mai'na tu Yahudia, siagang nicini' a'balle-ballei ri bansa-bansa maraenga. Na bansa maraenga nakanai kadongokang anjo kammaya.

ROMA 9:32

Angngapa natena wassele'na ke'nanga? Nasaba' tena nanagaukangi ke'nanga lanri tappa'na ri Allata'ala, passangalinna lanri usaha kalennaji ke'nanga. Jari iaminjo saba'na natu'guru' tatto'ro ke'nanga ri “Batu Pattatto'roanga”.

YOHANES 6:66

Pakkaramula anjo wattua jaimi ana'-ana' gurunNa a'lampa ambokoi, siagang taerokami pole amminawang ri Ia.

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

MATIUS 11:6

Mate'nemi tau tenaya nasorongbokoA'!”

YESAYA 59:10

Angngosalaki ikambe rapang tau buta; tangnga allo natatto'ro ikambe sangkamma ri lantanna bangngia; rapangi tau mate ikambe ri tangnga-tangngana tau attallasaka.

YESAYA 7:22

anjo dadi'na olo'-olo' piaraya la'bi ri gannaka untu' ri tau niaka tassesa ammantang ri anjo pa'rasanganga. Tojeng, langnginungi ke'nanga dadi' siagang bani.

YESAYA 28:16

Lanri kammana anjo, kammaminne kananNa Batara Kaminang Tinggia, “LappadongkoKa' batu pa'dongkokang majarre' siagang makassa' ri Sion; se're batu pundasi ia ka'jalaka ballinna, niaka tulisanna angkana: ‘Inai-inai jarre' tappa'na, tena nalanibeta.’

YEREMIA 6:21

LaKupatatto'roi ke'nanga sollanna tu'guru'. Mangge siagang ana', agang siagang siampi' balla', yangasenna lapanra' ngasengi.”