YESAYA 8:14 - KITTA' MATANGKASA'

¹⁴ Lanri sanna'na tangkasakKu, iNakke la'jari batu natatto'roi ra'ya' Yehuda siagang Israel, siagang sikko' angngalleai pandudu'na Yerusalem.

YESAYA 8:14 Referans Kwoze

1 PETRUS 2:8

Siagang “Iami anjo batua napattatto'roi taua, batu ampatu'gurukai ke'nanga.” Tatto'roi ke'nanga lanri tatappakai mae ri kananNa Allata'ala. Kammami anjo le'baka Napattantuangi Allata'ala untu' ke'nanga.

YESAYA 28:16

Lanri kammana anjo, kammaminne kananNa Batara Kaminang Tinggia, “LappadongkoKa' batu pa'dongkokang majarre' siagang makassa' ri Sion; se're batu pundasi ia ka'jalaka ballinna, niaka tulisanna angkana: ‘Inai-inai jarre' tappa'na, tena nalanibeta.’

LUKAS 2:34

Nabarakkakimi Simeon ke'nanga; siagang nakana ri Maria, “Le'ba'mi nipile ri Allata'ala anne anaka untu' anghukkungi siagang untu' appasalama' jai tu Israel. La'jari pannanrai battu ri Allata'ala, lanibaliangi ri tau jaia,

YEHEZKIEL 11:16

Lanri kammana anjo, pabattui anne pasangKu mae ri agang-agannu nipelaka, angkana iNakke angngerangi ke'nanga a'lampa bella ri alla'na bansa-bansaya siagang ampasiaraki ke'nanga ri anjo sikamma pa'rasanganga. Mingka lalang nia'na ke'nanga anjoreng, iNakke lanrurungangi ke'nanga.

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

PAMMUJI 69:22

Ba'lalo nisarema' kanre racung; wattungku turere, nisarea' angnginung cukka.

PAMMUJI 11:6

Nahukkungi tu ja'dalaka siagang bala lompo, siagang pepe', batu a'rinra siagang anging appakamutunga.

MATIUS 13:57

Jari tenamo naero' taua antarimai Isa antama' anjoreng ri pa'rasanganga. Nakanamo Isa ri ke'nanga, “Punna na'bi taua, nipakalompoi ri kere-keremae; mingka punna ri kamponNa yareka ri balla' KalenNa tonji, taerokai taua ampakalompoi.”

YESAYA 26:20

Antama' mako ri balla'nu, he bansaku, nampa nutongko' pakke'bu'nu. Accokko mako untu' sinampekang, sa'genna ammari larroNa Batara.

ROMA 11:35

Maka inai le'ba' assare apa-apa mae ri Batara sa'genna akkulle annuntu' pa'balasa' battu ri Ia?”

LUKAS 21:35

Nasaba' lasanrapangi sikko' nitannanga mae ri sikontu rupataua ri lino, kabattuanna anjo alloa.

YESAYA 4:6

LaNala'langi battu ri bambanna alloa punna allo, kammayatompa a'jari tampa' pa'la'langngang battu ri bosia siagang anging lompoa.

MATIUS 21:44

Tau tu'guruka naung ri batua laancuruki; na tau nitujua ri batua lanijalla'-jallakkangi sa'genna a'jari limbu'bu'.]”

PAMMUJI 140:5

O, Batara, Kijagaia' battu ri koasana tau ja'dalaka, jagaia' battu ri tau anggaukangai katerassanga eroka antu'guranga'.

YESAYA 7:16

Saba' ri wattu tenanapa narapiki anjo wattua, anjo ruaya pa'rasangang nukamallakkanga karaenna, lanibokoi ri taua sa'genna a'jari kosong.

YESAYA 25:4

Saba' iKattemi palararianna tau lammaya, tampa' amanga mae ri tu kasi-asia lalang kasukkarranga. IKattemi pa'la'langngang battu ri anging lompoa, pa'la'langngang battu ri bambanna alloa. Saba' tau pallaka a'bakkai rapang anging lompo ri wattu bara',

YESAYA 59:10

Angngosalaki ikambe rapang tau buta; tangnga allo natatto'ro ikambe sangkamma ri lantanna bangngia; rapangi tau mate ikambe ri tangnga-tangngana tau attallasaka.

YEREMIA 6:21

LaKupatatto'roi ke'nanga sollanna tu'guru'. Mangge siagang ana', agang siagang siampi' balla', yangasenna lapanra' ngasengi.”

YEHEZKIEL 3:20

Punna nia' se're tau baji' appakkaramula a'gau' dosa, nampa Kupasidallekangi siagang bahaya, lamatei punna tena nupakaingaki. Lamatei lanri dosa-dosana, siagang sikamma panggaukang baji'na tena nalaKuu'rangi. Mingka tanggong jawa'na ri anjo kamateanna laKutuntuki battu ri kau.

YOSUA 10:7

Nampa Yosua siagang sikontu tantarana, kammayatompa pasukang-pasukang kaminang baji'na, a'lampami battu ri Gilgal untu' mange a'bundu'.