YESAYA 8:12 - KITTA' MATANGKASA'

¹² “Teako arengi passikongkolang apa nakanaya ke'nanga passikongkolang, siagang teako mallakki ri apa-apa nakamallakkanga ke'nanga.

YESAYA 8:12 Referans Kwoze

LUKAS 21:9

Tea tongko mallakki punna allangngerekko kabara' pa'bundukang siagang passisala-salang. Ia ngaseng minjo musti kajariang rolong. Mingka tenapa nakkulle nikana narapi'mi wattu allo kiamaka.”

PAMMUJI 53:5

Nakana Batara, “Tenaka nangngu'rangi anjo sikamma tau ja'dalaka? Lalang tallasa'na narampasaki ke'nanga apa-apanna ummakKu siagang tena le'bakai appala' doang mae ri Nakke.”

YESAYA 30:1

Nakana Batara, “Cilakai sikamma pamimpinna tu Yehuda, lanri angngewana ke'nanga ri Nakke. Rancanana ke'nanga naturuki, teai rancanaKu. Annekengi parjanjiang ke'nanga, tenaya nasicoco' siagang erokKu. Jari attambung-tambummi dosana ke'nanga.

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

YOSUA 10:7

Nampa Yosua siagang sikontu tantarana, kammayatompa pasukang-pasukang kaminang baji'na, a'lampami battu ri Gilgal untu' mange a'bundu'.

2 KARAENG-KARAENG 17:39

Mannurukiko ri Nakke, Karaeng Allata'alanu, nampa laKulappassangko battu ri musu-musunnu.”