YESAYA 7:22 - KITTA' MATANGKASA'

²² anjo dadi'na olo'-olo' piaraya la'bi ri gannaka untu' ri tau niaka tassesa ammantang ri anjo pa'rasanganga. Tojeng, langnginungi ke'nanga dadi' siagang bani.

YESAYA 7:22 Referans Kwoze

YESAYA 7:15

Ri wattunna lompo-lompomo, siagang akkullemi angngalle kaputusang kalenna, lakala'biangi anjo pa'rasanganga.

MATIUS 3:4

Anjo Yohanes bulu unta pakeanna. Kukkulu' passikko' aya'na, na katimbang siagang bani romang napare' kanre.

2 SAMUEL 17:29

Angngerangi ke'nanga mangko', pamaja', siagang kasoro' untu' Daud siagang ana' buana, kammayatompa gandung, jelai, labu', gandung nisanggara', campe' eja, campe' eja lompoa, je'ne' bani, keju, dadi' siagang pirang kayuang gimbala'. Naassengi ke'nanga angkanaya cipuruki Daud siagang ana' buana, turerei siagang mangngangi lanri pa'jappang ri parang lompoa.

PA'JARIANG 18:8

Le'baki anjo angngallemi Abraham dadi', cappa' susu sapi siagang anjo dageng le'baka nipallu, nampa napatala mae ri anjo toananna ngaseng. Lalang angnganrena ke'nanga, kalenna Abraham allayani ke'nanga irawanganna anjo poko' kayua.

YESAYA 8:15

Jai tau latatto'ro siagang laloko'. Lata'loposoki ke'nanga antama' ri sikkoka.”

YESAYA 14:30

Lanitujuko ri kacipurang lompo, na sikamma tau ammantanga tassesa lanibuno ngasengi. Kabalekanna, tau kaminang kasi-asia battu ri umma'Na Batara langgappai kanre, siagang tau tenaya kullena lattallasaki siagang amang na salewangang.

YESAYA 17:2

Lanibokoimi kota-kota niaka ri Siria sa'genna satunggu-tungguna, siagang la'jari mami pammantangngang olo'-olo'; tena manna sitau lambongkai ke'nanga.