YESAYA 7:20 - KITTA' MATANGKASA'

²⁰ LaNasewai Batara karaeng Asyur anggauki Israel rapang tukang cukkuru' ancukkuru' ngasengi uu'na siagang sikamma bulu-bulu kalenna tu Israel.

YESAYA 7:20 Referans Kwoze

YESAYA 8:7

Lanri kammana anjo, iNakke Batara, laKupabattui karaeng Asyur siagang tantarana untu' ambunduki Yehuda. La'bakkai maju ke'nanga, rapang Binanga Efrat allumpa-lumpa sa'genna a'ba biring-birinna.

YEHEZKIEL 29:18

“He tau, Karaeng Nebukadnezar battu ri Babel nabunduki Tirus. Nasuroi sikamma tantaraya ammisang barang sanna' battala'na, sa'genna a'gondolo'mo ulunna ke'nanga siagang a'bokka'mi salangganna; mingka baji' karaenga kammayatompa tantarana tena nanggappa wassele' apa-apa battu ri anjo kaposoanna.

YESAYA 10:15

Mingka Nakana Batara, “Maka akkullei napattampoang kalenna pangkuluka mae ri tau ampakei ammangkulu'? Maka la'bi paralluangangi garagajia na tau ampagaragajiai? Teai palu-palua angngangkaki taua, passangalinna tauaji angngangkaki palu-palua.”

YEHEZKIEL 29:20

Butta Mesir Kupassareangi mae ri ia salaku pa'balasa' mange ri jasa-jasana, lanri le'ba'mi tantarana anggaukangi tugasa'na untu' iNakke. INakke, Batara Kaminang Tinggia, anne akkana.

YESAYA 11:15

LaNakalotori Batara tamparang Tarrusu'na Suez. Lappareki anging bambang, ammirika sa'genna Binanga Efrat a'jarimi tuju kaloro' ca'di sike'deka je'ne'na, sikontu taua allimbangi natanapasuluka sandala'na.

YESAYA 1:5

Angngapa natuli nubali-baliA'? Erokko nihukkung la'bi battallangngang pole? Rassimi ulunnu puru-puru lompo, garrimmi atinnu siagang pikkirannu.

YEREMIA 2:18

Apa nusawala' a'lampa mange ri Mesir? Ero' angnginungi je'ne'na Binanga Nil? Apa nusawala' a'lampa mange ri Asyur? Ero' angnginungi je'ne'na Binanga Efrat?

YESAYA 9:13

Lanri kammana anjo lalang sialloji bawang Nahukkung Batara sikamma pamimpinna siagang ra'ya'na Israel. Napolongi ulunna nampa Napela' ulunna siagang ingkonna.

YESAYA 36:1

Ri taung makasampulona anggappa' ri pamarentahanna Hizkia, karaeng Yehuda, kota-kota Yehuda niaka tembo' pattahanganna nibunduki siagang nibetai ri Sanherib, karaeng Asyur.