YESAYA 7:1 - KITTA' MATANGKASA'

¹ Anjo lapung Karaeng Ahas, iami ana' bura'nena Yotam, cucunna Uzia. Ri wattunna ia ammarenta ri Yehuda, kajariammi bunduka. Rezin karaeng Siria, siagang Pekah ana' bura'nena Remalya karaeng Israel, battui ambunduki Yerusalem. Mingka takkulleai nabeta ke'nanga anjo kotaya.

YESAYA 7:1 Referans Kwoze

2 KARAENG-KARAENG 16:1

Ri taung makasampulo antuju ammarentana Karaeng Pekah ana'na Remalya ri Israel, Ahas ana'na Yotam a'jari karaeng Yehuda.

YESAYA 8:6

“Anne bansaya natollaki je'ne' ci'nong battua ri pangka Binangana Syiloah, na sannang ri Karaeng Rezin siagang Karaeng Pekah.

YESAYA 1:1

Bone nakimbolonga anne kittaka iamintu siapa are pappasang ri passala'na Yehuda siagang Yerusalem; anne pappasanga Napabattui Allata'ala mae ri Na'bi Yesaya, ana'na Amos, ri wattunna Uzia, Yotam, Ahas, siagang Hizkia, ammarenta ri Yehuda.

2 KARAENG-KARAENG 15:25

Kalase'renna tau battua ri sikamma perwira tantarana, iamintu niarenga Pekah ana'na Remalya, assikongkoloki siagang 50 tau battu ri Gilead. Nampa nabuno ke'nanga anjo Karaeng Pekahya siagang rua tau maraengang niarenga Argob siagang Arye. Lalangi ri se'reang tembo' pattahangngang ri balla' karaenga ri Samaria nibuno Karaeng Pekahya. Nampa Pekah a'jari karaeng ansambeangi Pekahya.

2 KARAENG-KARAENG 15:27

Ri taung makalimampulo anrua ammarentana Karaeng Uzia ri Yehuda, ia tomminjo wattua na'jari Karaeng Pekah ana'na Remalya ri Israel. Ammarentai ri Samaria 20 taung sallona.

2 KARAENG-KARAENG 16:5

Anjo wattua nakoasai karaeng Edom ammotere' kota Elat siagang nabongkai tu Yehuda niaka ammantang anjoreng. Nampa battu tu Edom ammantang anjoreng ri anjo kotaya sa'genna anne alloa. Ia tomminjo wattua nabattu Rezin karaeng Siria siagang Pekah karaeng Israel ambunduki tu Yerusalem nampa nakurung, mingka takkulleai nabeta Ahas.

YESAYA 9:11

Bansa Siria bageang iraya siagang bansa Filistin bageang ilau' angngempoi daerana Israel. Mingka tuli larroNa ija Batara siagang tuli Nahukkunna ija ke'nanga.

YEHEZKIEL 27:16

Padanggang battua ri pa'rasangang Siria naballi barang-barang danggangannu siagang anjo wassele'nu jaia. Nabayarakko ke'nanga siagang paramata battu ri batu samru', kaeng cura' eja na lame butung, kaeng sulang, lenang alusu', paramata battu ri batu korala' siagang batu eja delima.

HOSEA 1:1

Iaminne pasang Napassareanga Batara mae ri Hosea ana'na Beeri ri wattunna kakaraengang Yehuda niparenta massing-massing ri Karaeng Uzia, Yotam, Ahas, siagang Hizkia, nampa kakaraengang Israel niparenta ri Yerobeam ana'na Yoas.

MIKHA 1:1

Assala'na Mikha iamintu tubattu ri se're kota ca'di niarenga Moresyet. Ri wattu niparentana pa'rasangang Yehuda iamintu sikamma karaeng: Yotam, Ahas, siagang Hizkia; iaminjo wattua nannarima Mikha pasang battu ri Batara ri passala'na Samaria siagang Yerusalem.