YESAYA 66:5 - KITTA' MATANGKASA'

⁵ Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

YESAYA 66:5 Referans Kwoze

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

MATIUS 10:22

Lanikabirisiko ri tau jaia passabakkang amminawannu ri Nakke. Mingka inai-nai tuli attahang sa'genna kala'busang tallasa'na, iami lanipasalama'.

PAMMUJI 38:20

Jai siagang kassaki sikamma tau ambalianga', birisiki ke'nanga anciniki bateku attallasa'.

YOHANES 9:34

Appialimi ke'nanga angkana, “Apa? Ikau tau dorakaya memang battu ri pakkaramula lassu'nu ero' angngajaraki ikambe?” Pakkaramula anjo wattua tenamo nanikellai anjo taua antama' ri balla' sambayanga.

YEREMIA 36:16

Le'baki nabaca Barukh, sicini'-cinikimi ke'nanga para ia, lussa'mi pa'mai'na ke'nanga, nampa nakana ri Barukh, “Musti nalaporoki ikambe anne passalaka mae ri karaenga.”

YESAYA 5:19

Nukana, “Lappassammi angngalle linta' tindakang Karaeng, Allata'ala matangkasa'na Israel! Boli'mi kamma Nagaukang rancanaNa, sollanna niciniki siagang niassengi.”

KELONG MALA'BIRI' 1:6

Teako parhatikangngi bukkuleng le'lengku, lanri nitaba' ri bambang allo. Larro ngasengi sikamma daengku ri nakke, kunasuro anjama ri koko anggoro'; tena kusawe angngurusuki kalengku.

1 YOHANES 3:13

Lanri kammana, sikamma sari'battangku, teako lannasakki punna nakabirisiko tu linoa anne.

LUKAS 13:17

A'jari siri'-siri' ngasemmi anjo musunNa Isa allangngereki pappialinNa Isa; mingka sikamma tau maraenga sannang sikali anciniki sikamma gau' appakalannasa' Nagaukanga Isa.

PANGNGEBARANG 13:13

Tau ambawang-bawangngangai ajaranNa Batara, lanacilakai kalenna; tau mannurukia ri hukkunNa Allata'ala, lanagappai pahalana.

IBRANI 9:28

Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.

TITUS 2:13

Kamma-kamma anne nitayammi anjo Allo niminasaya; anjo Alloa lanacini'mi bonena linoa kala'biranNa Isa Almasi, iamintu Allata'ala Kaminang Lompoa siagang Karaeng Mappasalamatta.

YOHANES 16:2

Lanipasulukko sallang battu ri balla' sambayanga. Nalanarapiki sallang wattunna nania' tau nakana kalenna a'gau' amala' ri Allata'ala punna nabunoko.

YESAYA 60:15

Tena nulanibokoi siagang tena nulanikabirisi', siagang tena nulanibalang parekang a'jari sino. Kupa'jariko nikalompoang pa'maika satunggu-tungguna, tampa' karannuang mannannungang.

2 TESALONIKA 1:12

Lanri kammana anjo nanipakalompomo Batarata Isa ri kau ngaseng; kammayatompa nipakalompo tommako ri Isa lanri kabajikang pa'mai'Na Allata'ala siagang Batara Isa Almasi.

YESAYA 65:13

Sikontutojenna, tau anynyombaya ri Nakke langnganrei, mingka ikau naalleko cipuru'. Langnginungi ke'nanga, mingka ikau turereko. Larannui ke'nanga, mingka ikau nipakasirikko.

HOSEA 11:10

Nakana Batara, “UmmakKu lamminawangi ri Nakke punna ammarrung sa'rangKu rapang singa siagang Kupannekkere' musunna ke'nanga. Lakkaro-karoi ummakKu nia' battu lau' untu' anynyomba ri Nakke.

1 KARAENG-KARAENG 21:29

“Le'ba'mi nucini' antekamma batena Ahab ampakatunai kalenna ri dallekangKu? Lanri kammana anjo, tena nalaKupabattu balaya ri tallasa'na ija. Ri wattu ana'napi nampa Kupabattu anjo balaya mae ri kaluargana.”

2 KARAENG-KARAENG 22:10

Nampa nakana Safan, “Anne kittaka nasareanga' Hilkia.” Nampa nabaca Safan anjo kittaka untu' karaenga.

2 PATTOTTORANG 34:27

assesse' lalang mako siagang nupakatunami kalennu ri dallekangKu. Le'ba'mi Kupau angkanaya laKuhukkungi Yerusalem siagang sikontu pandudu'na, mingka ri wattu nulangngere'na anjo kanangKu angngarru' mako siagang nukae-kaemi pakeannu tanra si'nana nyawanu. Kulangngere'mi pappala' doannu,

EZRA 9:4

Tulusu' ammempoma' sa'genna narapi' wattu passare koro'bang karuenga. Nampa battumo taua angkulilingia'. Nabattuimi malla' ke'nanga nau'ranginna ancanganna Allata'alana Israel mae ri dosana anjo sikamma tau ammoterekamo battu ri pa'rasangang pammelakkanga.

PAMMUJI 119:120

Annekkerekka' lanri malla' ri Katte, annekkereki pa'maikku ri kaputusanTa.

YESAYA 26:11

O, Batara, sadia maKi' langhukkungi musunTa, mingka tanaassengai kalenna ke'nanga. Lappassammi ke'nanga ammakkala' kacci anciniki pangngamaseanTa mae ri ummatTa. Lappassammi ke'nanga cappu' niancuru' ri hukkungang Kisadiakanga mae ri ke'nanga.