YESAYA 66:16 - KITTA' MATANGKASA'

¹⁶ Saba' sikontu tau nigappaya nia' salana lanihukkungi siagang pepe' na pa'dang, siagang jaimi nihukkung mate.

YESAYA 66:16 Referans Kwoze

YESAYA 30:30

LaNapappilangngerangi Batara sa'ra mala'biri'Na, nampa tunggala' taua lanakasiaki koasaNa hebaka. KalarroanNa lappabattui pepe' appamutunga, bosi lompo, bosi batu siagang anging lompo.

YESAYA 27:1

Anjo wattua lammakei Batara pa'dang tarang siagang kassa' untu' anghukkungi Lewiatan, iamintu ulara' ammekko'-mekkoka siagang akkalu'-kaluka, kammayatompa lambunoi naga tamparanga.

YESAYA 3:13

Sadiami Batara untu' antuntuki siagang angngadeli umma'Na.

YESAYA 10:4

Ia mami sarennu iamintu nibunoa lalang bundu' yareka nieranga a'lampa a'jari tunitahang. Mingka tuli larroNa ija Batara siagang tuli Nahukkunna ija ke'nanga.

YESAYA 31:8

Laniancuruki Asyur lalang pa'bundukang, mingka teai lanri kagassinganna rupataua. Lalari tu Asyur battu ri tampa' pa'bundukanga, nampa lanipa'jari ata ngaseng sikamma tau rungkana ke'nanga.

YESAYA 65:12

Lamate ngasengko passabakkang gau' katerassang. Saba' ri wattungKu akkio', tena nuppiali, siagang ri wattungKu a'bicara, tena nuppilangngeri. La'bi nungaiangngangi angngewaya ri Nakke siagang anggaukangi ja'dalaka.

YEREMIA 25:31

Sa'genna cappa'na buttaya kalangngerang sa'ranNa; appareki parkara Batara mae ri bansa-bansaya. Sikontu taua laniadeli siagang tau ja'dalaka lanihukkung matei.’ ”

YEREMIA 25:33

Ri anjo alloa maya' tunibunoa ri Batara latassiaraki ri sikontu tompo'na buttaya. Tena nalanikarruki ke'nanga, tena todong nalaniangka' untu' nitarawang, passangalinna lanibalang parekangi bawang ri buttaya sangkamma pa'gompoang loro.

YEREMIA 45:5

Angngapa nuero' nipa'la'biangngang? Teako appakammai, Barukh! Sikontu umma' rupataua Kuhukkungi siagang bala, mingka ri sesena ikau, kaminang sike'de'na ikau lasalamakko. Manna kemae lampanu, latuli attallasakko. INakke, Batara, anne akkana.”

YEREMIA 46:15

Angngapa nalari anjo Apis rewatanu makassaka? Lanri Nibetami ri Batara!’

YEHEZKIEL 5:15

Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

YEHEZKIEL 38:17

Sai ri sesena ikau naKua'bicara riolo tete ri sikamma atangKu iamintu na'bi-na'bina Israel. Nabotomi ke'nanga angkanaya ri allo labattua sallang laKusuroi taua untu' ambunduki Israel. INakke, Batara Kaminang Tinggia, anne akkana.”

YO"EL 3:2

Sikontu bansaya laKupasse'rei nampa Kuerang mange ri Ka'bung Pangadelanga. Nampa Kuadeli ke'nanga anjoreng lanri kaja'dallanna ke'nanga mae ri ummakKu, iamintu lanri nabage-bagena butta Israel nampa napela' ummakKu mange ri a'rupa-rupa pa'rasangang.

AMOS 7:4

Anggappa' se're paccini' pole battu ri Batara Kaminang Tinggia. Kuciniki sadia-sadia untu' anghukkungi umma'Na siagang pepe'. Anjo pepeka nalepaki tamparanga sa'genna la'busu' irawa ri buttaya siagang appakkaramulami napammutung kokoa.

NAHUM 3:3

Pasukang a'jaranga lompo sumanga'na maju a'bundu', pa'dang accaya siagang poke accilla'. Tau matea takkulleami nibilang, attambung-tambung maya'na ke'nanga, sa'genna nato'ro sikamma tau a'jappaya.

NAHUM 3:15

Manna apa nugaukang, tena bua'-bua'na, lanri lala'busukko akkanre yareka lamateko lalang bundu'. Lalanynyakko rapang wassele' koko nikanre ri katimbang. A'bakka' mako katambang jainu rapang katimbang!

ZAKHARIA 14:5

Lalariko allalo ri anjo lappara' ka'bung ambage ruayai anjo buluka. Lalariko sangkamma boe-boenu ri wattunna ta'ge'goso' buttaya ri wattu ammarentana Uzia, iamintu karaenna Yehuda. Nampa battu Karaeng Allata'alaku, nirurungang ri sikontu malaekaka.

YESAYA 34:2

Larroi Batara mae ri sikontu bansaya siagang sikontu pasukanna ke'nanga. LaNahukkungi siagang laNaancuruki ke'nanga.

YEHEZKIEL 28:18

Nakana Batara, “He Tirus, ikau nura'massi tampa'-tampa' ibadanu lanri kasalang siagang kajekkongang nugaukanga ri wattunnu a'balu'-balu'. Lanri kammana anjo nakutunuko sa'gennu a'jari sallappara' buttaya. Sikontu tau ancinikiako poro au mami nacini'.