YESAYA 66:12 - KITTA' MATANGKASA'

¹² Saba' Nakana Batara, “LaKusareko kasalewangang rapang binanga assolonga; kakalumanynyangnganna bansa-bansaya lanierangi mae ri kau rapang binanga allumpa-lumpaya je'ne'na. Rapangko ana' nipasusua siagang nikalawinga ri amma'na, siagang nisapu-sapua ulunna ri riwaanna.

YESAYA 66:12 Referans Kwoze

YESAYA 60:16

Laniparakaiko ri bansa-bansaya siagang sikamma karaenga, rapang sitau amma' amparakai ana'na. Nanuassemmo angkana iNakke Batara, Mappasalama'nu, angkanaya Allata'alana Israel makassaka allappassangko.

YESAYA 48:18

Ebara' angkana nuparhatikangi sikamma parentaKu, lasalewangangko rapang binanga tenaya nale'ba' kalotoro', laupakko rapang bombang ri tamparang tenaya nale'ba' ammari-mari.

YESAYA 45:14

Nakana Batara mae ri tu Israel, “Patangi wassele' buttana Mesir siagang passawallanna Sudan. Sikamma tu Syeba barania a'jari ikau pata; a'jappai ke'nanga ri bokonu nisikkokang limanna. Lasu'juki siagang lamangakui ke'nanga angkana, ‘Ma'nassa nia' tojengi Allata'ala ri tangnga-tangnganu; tena allata'ala pantaranganna Ia!

YESAYA 66:11

Lanukasiaki kacopponganna rapang sitau ana' lolo anynyusu ri amma'na.

YESAYA 61:6

Lanigallarakko atanNa Allata'ala siagang niarengko imanNa Batarata. Lanukasiaki kakalumanynyanganna bansa-bansaya na lompo pa'mai'nu lanri barang-baranna ke'nanga.

YESAYA 54:3

Lapila' katambangi luara'nu mae ri kanang siagang mae ri kairi, pandudu'nu lanaempoi buttana bansa-bansaya siagang lanapammantangngi kota-kota sinoa kamma-kamma anne.

YESAYA 9:7

Napabattumi Batara hukkunganga mae ri kakaraenganna Israel.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

YESAYA 26:3

O, Batara, iKatte assare passiamakkang siagang salewangang mae ri tau jarreka pa'mai'na, lanri tappa'na mae ri Katte.

YESAYA 33:21

LaNapappicinikangi Batara kala'biranNa mae ri katte. Lattallasakki' ri biring binanga luaraka, tenaya nakkulle nasombali musua.

YESAYA 54:13

Sikontu pandudu'nu a'jari ana' gurungKu, lakala'biangi siagang lasalewangangi ke'nanga.

YESAYA 59:19

KoasaNa siagang kala'biranNa lanakamallakkangi sikontu taua battu raya sa'genna kalau'. Labattui rapang binanga sarringa lo'loro'na, nipammarrunga ri anging kancang.

YEREMIA 33:6

Mingka sallang laKupakabajiki ammotere' anne kotaya siagang pandudu'na; lakassaki ammotere' ke'nanga. LaKusarei ke'nanga kasalewangang siagang kaamangngang alla'bia.

HAGAI 2:9

BallakKu berua lala'bi la'birangngangi narioloa, siagang anrinniA' lassare kaamangngang siagang kasalewangang mae ri bansaKu.” Batara Kaminang Koasaya anne akkana.

YESAYA 14:2

Jai bansa lantulungi bansa Israel untu' ammotere' mange ri pa'rasangang Napassareanga Batara mae ri ke'nanga, anjoreng, anjo bansa-bansa maraenga la'jari atai mae ri tu Israel. Lanatahangi tu Israel tau le'baka antahangi ke'nanga, siagang lanaparentai tau le'baka anjallakkangi ke'nanga.