YESAYA 65:2 - KITTA' MATANGKASA'

² Tuli sadiaKu ero' antarimai ummakKu, mingka nangai ke'nanga angngewa. Anjo bansaya nagaukangi ja'dalaka siagang ero' kalenna naturukiang.

YESAYA 65:2 Referans Kwoze

ROMA 10:21

Mingka ri sesena bansa Israelka, nakana Na'bi Yesaya, “Kammaminne kananNa Allata'ala, ‘Sikabusu'na alloa Kupajonjo limangKu mae ri se'rea bansa kapala batua siagang tamaeroka mannuruki.’ ”

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

PANGNGEBARANG 1:24

Le'ba' mako kukio' ngaseng, mingka taerokako siagang tena ngaseng nujampangi.

YESAYA 1:2

Pilangngeri he langika, parhatikangi he buttaya! Nakana Batara, “Ana'-ana' le'baka Kuparakai angngewai ri Nakke.

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

MATIUS 15:19

Nasaba' battu lalammi ri atia ammumba pikkirang-pikkirang ja'dalaka, a'jaria saba' nammuno taua, a'gau' salimara', a'gau' bawang, a'lukka', siagang appitina.

YEREMIA 7:24

Mingka taerokai ke'nanga mappilangngeri siagang taerokai ke'nanga anjampangi. Ba'lalo ero' kalenna tonji ke'nanga naturukiang, iamintu ero' kapala batuna siagang ero' kaja'dallanna anjo. Tena na'jari baji' ke'nanga passangalinna a'jari ja'dalaki.

YEREMIA 5:23

Mingka kapala batuko siagang nungai angngewaya; nungai ammengka maraenga siagang ambokoiA'.

YEREMIA 3:17

Anjo wattua kota Yerusalem laniarengi ‘Empoang Kala'biranNa Batara’, siagang sikontu bansaya la'rappungi ri anjo kotaya untu' anynyomba ri Nakke. Tenamo nalanaturuki ero' kalenna ke'nanga ja'dalaka siagang kapala batua anjo.

YESAYA 66:18

Kuassengi pikkiranna siagang panggaukanna ke'nanga. NiakKa' battu untu' ampa'rappungangi sikamma taua battu ri sikontu bansa-bansaya. Ri wattunna a'rappung ke'nanga, lanacini'mi ke'nanga koasaKu.

YESAYA 63:10

Mingka angngewai ke'nanga siagang napakasi'na pa'mai'Na Batara. Jari ta'bale'mi a'jari musunNa ke'nanga KalenNa a'bundu' ambaliangi ke'nanga.

PAMMUJI 36:4

Kana-kananna ja'dalaki siagang rassi balle-balle, tenamo nagaukangi apa bajika siagang annabaya.

PAOLE 29:19

Ri sikamma kau niaka anrinni ampilangngeri anjo tuntutang terasaka tea' laloko niakki appikkiri' angkanaya tuli labaji'na sarennu, manna pole nattojeng-tojeng ero' amboyai oloang kalenna. Anjo kammaya lanapanraki ngaseng jako, baji' natau ja'dalaka kammayatompa natau bajika.

PA'JARIANG 6:5

Naciniki Batara antekamma ja'dala'na sikamma rupataua ri lino. Tuli ja'dala'na ngaseng pikkiranna ke'nanga.

LUKAS 13:34

O, tuniaka ri Yerusalem, tuniaka ri Yerusalem! Nubunomi na'bi-na'bia! Nusambilami batu sa'genna mate sikamma tu Nasuroa Allata'ala! Pissiapa are mako ero' Kukalimbuki, sanrapang anrong janganga angkalimbuki ana'-ana'na irawanganna ka'nyi'na, mingka taeroka ngasengko!

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

PANGNGEBARANG 16:29

Tau sekkeka natipui bela-belana, na naerang ke'nanga antama ri bahayaya.

PAOLE 31:27

Kuassengi angkanaya teai sipato' kapala batuna ke'nanga siagang nangai angngewaya. Manna lalang attallasakku nangai ke'nanga angngewa ri Batara; sarroangampa sallang, punna matema'!

PAOLE 9:7

U'rangi antekamma batenu ampakalarroi Karaeng Allata'alanu ri parang lompoa. Baku' nubokoina Mesir sa'gennu battu mae anrinni, tena numannuruki mae ri Batara.

PAMMILANGNGANG 15:39

Anjo rombeng-rombenga iami a'jari pappiu'rangi: Tunggala' allo punna nuciniki, lanuu'rangi sikontu parentaKu siagang nuturuki. Na lanri kammana anjo, tena nalanukaluppaiA' untu' anturuki erokKu siagang ero' kalennu.

YESAYA 30:1

Nakana Batara, “Cilakai sikamma pamimpinna tu Yehuda, lanri angngewana ke'nanga ri Nakke. Rancanana ke'nanga naturuki, teai rancanaKu. Annekengi parjanjiang ke'nanga, tenaya nasicoco' siagang erokKu. Jari attambung-tambummi dosana ke'nanga.

YESAYA 30:9

Saba', anjo ke'nanga bansa nangai angngewaya ri Allata'ala, nangai a'balle-balle siagang tale'bakai ero' appilangngeri ri pangngajaranNa Batara.

YESAYA 55:8

Nakana Batara, “PikkirangKu teai pikkirannu, siagang oloangKu teai oloannu.

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

PAMMUJI 36:5

Ri katinroanNa narancana kaja'dallanga; tena baji' apa nagaukanga, ja'dalaka tanatollakai.

YESAYA 66:4

Lanri kammana anjo laKugaukang tommi apa Kukaerokia naKupitujui ke'nanga sikamma bala nakamallakkanga ke'nanga. Saba' ri wattungKu akkio', tena tau appiali; ri wattungKu a'bicara, tena tau appilangngeri. La'bi nangaiangngangi ke'nanga angngewaya ri Nakke siagang anggaukangi ja'dalaka.”

YEREMIA 18:12

Mingka lappiali ke'nanga angkana, ‘Apa matu-matunna? Tuli lamannuruki ikambe ri ero' kalenna ikambe! Ikambe massing nagaukangi apa nakaerokia pa'mai'na ikambe ja'dalaka!’ ”