YESAYA 60:5 - KITTA' MATANGKASA'

⁵ Lannasa' mako nucini'na anjo siagang accayami rupannu; dinging-dingingi siagang lompoi pa'mai'nu. Nierangi barang-baranna sikamma bansaya mae ri kau, nitambungiko ri kakalumanynyangang battu ba'leang tamparanga.

YESAYA 60:5 Referans Kwoze

YESAYA 61:6

Lanigallarakko atanNa Allata'ala siagang niarengko imanNa Batarata. Lanukasiaki kakalumanynyanganna bansa-bansaya na lompo pa'mai'nu lanri barang-baranna ke'nanga.

YESAYA 23:18

Passawallang siagang gaji nagappaya talanabolikai, mingka lanapassareangi mae ri Batara. Sikamma tau anynyombaya mae ri Batara lanapakei anjo doeka untu' ammalli care-care siagang kanre naparalluanga ke'nanga.

LAMPA-LAMPANA 11:17

Jari singara'mi ma'nassana angkanaya Napassareang tongi Allata'ala passare kammaya mae ri tu tenaya nantama' agama Yahudi, sikamma apa Napassareanga mae ri katte ngaseng ri wattunta tappa'mo mae ri Isa Almasi. Jari antekamma bateku lampisangkai Allata'ala?”

LAMPA-LAMPANA 10:45

Sikamma tu Yahudi tappakamo ri Isa, anjo niaka amminawang ri Petrus battu ri Yope, a'jari lannasa' ngasemmi anciniki anjo apa kajarianga. Lannasa' ngasengi ke'nanga anciniki nasaba' Napassareang tongi RohNa Allata'ala mae ri bansa maraenga, pantaranganna bansa Yahudia.

1 SAMUEL 2:1

Nampa appala' doang Hana, angkana, “Napakarannui Batara atingku; gau'Na napakasannangi nyawaku. Mate'nei kusa'ring ancau-caui musungku, nasaba' le'ba' tojeng-tojengku Natulung Allata'ala.

ROMA 15:26

Nasaba' le'ba'mi assamaturu' jamaah-jama'aka ri pa'rasangang Makedonia siagang Akhaya untu' assarei sumbangang sikamma sari'battang kasi-asia niaka ri alla'na umma'Na Allata'ala ri Yerusalem.

ROMA 11:25

Sikamma sari'battangku! Kupalaki natena nanukana kalennu nuasseng ngasemmi apa-apaya. Nasaba' nia' apa Nakaeroki Allata'ala mingka tanaassengapi rupataua. Nakukellai sollanna nuasseng anjo; iamintu: Kapala batui sipa'gang tu Yahudia; mingka tenaja nalatuli kamma anjo sipa'-sipa'na ke'nanga. Punna ganna' bansa-bansa maraenga battu mae ri Allata'ala,

LAMPA-LAMPANA 24:17

Le'baki pirang taung are kubokoi Yerusalem, ammotere'ma' mange anjoreng angngerang doe' bantuang mae ri bansaku, siagang ero' angngerang koro'bang mae ri Allata'ala.

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

YEREMIA 33:9

Yerusalem la'jari karannuangKu siagang kalompoanna nyawaKu. Sikontu bansaya ri lino la'jari mallaki siagang annekkereki kammayatompa lappakalompoi ri Nakke, punna nalangngereki passala'na kabajikang Kugaukanga untu' pandudu'na Yerusalem, siagang kakalumanynyangngang Kupassareanga mae ri anjo kotaya.”

YESAYA 60:11

Allo bangngi latassungke pakke'bu' lomponu, sollanna akkulle nierang mae ri kau kakalumanynyanganna sikamma bansa-bansaya, siagang sikamma karaenna ke'nanga nitahanga.

YESAYA 54:2

Luarrimi kema-kema pammantangannu; la'bui otere'na siagang pakajarreki patto'-patto'na!

PAMMUJI 34:5

Appala' doanga' ri Batara, nampa appialimo, na Nalappassanga' battu ri kamallakkanga.

PAPPICINI' 21:26

Lanierammi kalompoanna siagang kakalumanynyanganna sikontu bansa-bansaya antama' ri anjo kotaya.

2 KORINTUS 10:15

Tena nakipuji kalenta passabakkang wassele' jama-jamanna tau maraenga pantarang daera le'baka Napattantu Allata'ala untu' ikambe. Mingka tuli lalang tonji ikambe ri daera le'baka Napattantuangki' Allata'ala, na ma'minasa ikambe angkanaya pila' tappa' mako mae ri Almasi, sollanna akkulle ikambe anggaukangi jama-jamang lompoanganga.

PAPPICINI' 21:24

La'jappami bansa-bansaya ri lino lalang ri singara'na, siagang karaeng-karaenga lanaerammi kakalumanynyanganna antama' ri anjo kotaya.

PAOLE 33:19

Nabirittai bansa maraenga nai' ri monconna ke'nanga; koro'bang sitojennaya napassareang ke'nanga anjoreng. Battu ri tamparangi anggappa pa'barang-barangngang ke'nanga, battu ri tambunna kassika nagappa ke'nanga.”

PAMMUJI 119:32

Lamannurukia' ri parentaTa siagang sannang pa'mai', saba' iKatte ampa'jaria' la'bi pahang.

YESAYA 66:12

Saba' Nakana Batara, “LaKusareko kasalewangang rapang binanga assolonga; kakalumanynyangnganna bansa-bansaya lanierangi mae ri kau rapang binanga allumpa-lumpaya je'ne'na. Rapangko ana' nipasusua siagang nikalawinga ri amma'na, siagang nisapu-sapua ulunna ri riwaanna.

MATIUS 25:16

Anjo palayang annarimaya limassa'bu doe' ringgi' bulaeng, a'lampa memammi a'danggang; nanggappamo passawallang limassa'bu doe' ringgi' bulaeng.