YESAYA 60:1 - KITTA' MATANGKASA'

¹ Ambangungko nai' siagang a'jariko singara', he Yerusalem, saba' nia'mi battu singara' kasalamakkannu; Allata'ala ansingariko siagang kala'biranNa.

YESAYA 60:1 Referans Kwoze

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”

EFESUS 5:8

Ikau riolo niakko lalang ri sassanga. Kamma-kamma anne a'jari mako umma'Na Batara; jari nia' mako lalang ri singaraka. Lanri kammana, musti attallasakko lalang singaraka.

YOHANES 8:12

A'bicarami pole Isa mae ri tau jaia, Nakana, “INakke minne sanrapang singara'na linoa. Inai-nai amminawang ri Nakke, tena nala'jappa lalang ri sassanga, mingka nagappami singara'na katallassanga.”

YESAYA 58:8

Na lammumbamo singaraka mae ri kau rapang ammumbana alloa, siagang lammollemi linta' sikamma bokka'nu. LaKururungangko untu' ampasalamakko. LahaderekKa' untu' anjagaiko battu ri tammulilinu.

YOHANES 12:46

BattuA' antama' ri linoa a'jari sanrapang singaraka, sollanna sikontu tau tappaka ri Nakke tena nammantang lalang ri sassanga.

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

YOHANES 1:9

Singara' sitojennaya, assingariai sikontu rupataua, nia'mi battu ri lino.

PAPPICINI' 22:5

Tenamo nalaparallu ke'nanga ri lampu yareka ri singara'na mataalloa, nasaba' latenamo bangngi kammayatompa nasaba' KalenNami Karaeng Allata'ala lansingari ke'nanga. Nalammarentamo ke'nanga, a'jari karaeng sa'genna satunggu-tungguna.

1 PETRUS 4:14

Upakko punna nihinako lanri tappa'nu mae ri Almasi. Punna kamma anjo, battuanna nia'mi ri kau Roh Mala'birika, iamintu RohNa Allata'ala.

FILIPI 2:15

Lanri kammanami anjo nanupappicinikammo angkanaya ma'nassa ana'-ana'Nako Allata'ala tenaya callanna, lambusuka siagang annabaya batena attallasa' ri tangnga-tangngana tau ja'dalaka siagang dorakaya. Siagang ri wattunna nupabattu mae ri ke'nanga anjo biritta katallassanga, paralluko a'jari sanrapang singara' mae ri ke'nanga, ansioriai linoa. Punna kamma anjo batenu attallasa', nia'mo sallang alasangku langkalompoang pa'maikko, ri wattunna battu poleang ammotere' Isa Almasi. Iaminjo buttina angkanaya tena nasia-sia usahaku, passangalinna nia'ja wassele'na.

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.

MATIUS 4:16

Bansa niaka lalang ri sassanga accini'mi singara' accaya lompoa! Ri tau niaka lalang ri sassanna kamateanga Battumi cayana singaraka assiori!”

YESAYA 9:2

O, Batara, Kisarei ke'nanga karannuang lompo, Kipa'jari ke'nanga makkio' rannu. Rannui ke'nanga lanri kabajikanTa, rapang tau a'rannu-rannua wattu napasse'rena wassele' kattoanna, yareka a'bage barang nirampasa'.

YOHANES 3:19

Iaminne passala'na nanituntuki: Battumi anjo singaraka antama' ri anne linoa, mingka nangaiangangi rupataua sassanga kala singaraka, lanri ja'dala'na ngaseng panggaukanna ke'nanga.

LUKAS 2:32

Sanrapang singara', ansingaria oloanna bansa-bansa maraenga, untu' labattu mae ri Katte; singara' angngeranga kala'birang mae ri ummatTa Israel.”

PAPPICINI' 21:11

siagang suara'na kammayatompa kala'biranNa Allata'ala. Accillaki anjo kotaya sangkamma batu paramata, sangkamma batu baiduri moncongbulo sannaka ci'nonna kamma kaca.

PAMMUJI 87:3

Pilangngeri, he kotaNa Allata'ala, apa-apa appakalannasa' Nakananga ri passala' ikau:

PAMMUJI 102:16

KoasaNa Batara lanikamallakkangi ri sikontu bansa-bansa; kalompoanna lanikangalikangi ri sikontu karaenga,

YESAYA 2:5

He, turunganna Yakub, umba ki'jappa lalang singara'Na Batara!

YESAYA 4:5

Nampa irateanna Bulu' Sion siagang sikamma tau niaka a'rappung anjoreng, laNapa'niaki Batara rammanga ri wattu allo, siagang umbu na pepe' a'rinra ri wattunna bangngi. KalenNa Allata'ala lalang koasaNa lalla'langi siagang lanjagai sikontu anjo kotaya.

YESAYA 24:23

La'jari sassangi bulanga siagang tenamo naccaya mataalloa, lanri Batara Kaminang Makoasaya ammarenta salaku Karaeng. Ia lammarentai ri Yerusalem, irate ri Bulu' Sion, siagang Napappicinikangi kalompoanNa mae ri sikamma pamimpinna umma'Na.

YESAYA 28:5

Batara Kaminang Makoasaya la'jari rapang bunga ga'ga mae ri umma'Na tassesaya.

YESAYA 35:2

Parang lompoa la'bakkaki sanna' jaina, nakkelong siagang kelong-kelong rannu. Ga'gana kammai Moncong Libanon, kanang-kananna rapangi ka'bunna Karmel siagang Saron. Na tunggala' tau lancinikai koasaNa Batara, siagang kala'biranNa Allata'alata.

YESAYA 42:6

“INakke, Batara, angkiokko siagang assareko tugasa' untu' ampajappai kaadelanga. Kurenrengko siagang Kuparakaiko untu' a'jari parjanjiang mae ri umma' rupataua, untu' a'jari singara' mae ri sikontu bansaya.

YESAYA 66:11

Lanukasiaki kacopponganna rapang sitau ana' lolo anynyusu ri amma'na.

YESAYA 62:1

Lanri Yerusalem kula'bicara, lanri Sion kutala'mereki, sa'genna nipasalama' naccaya pammetanna rapang sulo ri wattu bangngi.

YESAYA 62:2

He Yerusalem, naciniki bansa-bansaya pammetannu, naparhatikangi sikamma karaenga kalompoannu. Lanisareko areng beru, na KalenNa Batara lassareko anjo arenga.

YEHEZKIEL 43:4

Anjo caya accillaka a'gioki allalo battu ri pakke'bu' lompo bageang irayaya nampa antama ri Balla'Na Batara.