YESAYA 6:2 - KITTA' MATANGKASA'

² Ri tammuliliNa nia' malaeka' ammenteng kamma pepe' a'rinraya, massing ta'annang ka'nyi'na. Rua ka'nyi'na antongkoki rupanna, rua antongkoki kalenna, na rua ka'nyi'na maraenga untu' anri'ba'.

YESAYA 6:2 Referans Kwoze

PAPPICINI' 4:8

Anjo appaka anu attallasa', massing nia' annang ka'nyi'na; siagang rassi ngasengi mata ri tammulilina kalenna siagang ilalanganna kalenna. Allo bangngi anjo anu attallasaka tena nale'ba' ammari akkelonga tojeng, angkana, “Matangkasa', matangkasa', matangkasaki Batara, Allata'ala Kaminang Koasaya; Ia niaka ri pakaramulanna, ri kamma-kammaya anne, sa'genna satunggu-tungguna.”

YEHEZKIEL 1:11

Sipasang ka'nyi'na anjo massing apa attallasaka naka'rangi nai' sa'genna assialle siagang cappa' ka'nyi'na anjo apa attalasa' niaka ba'leanna; nampa sipasang ka'nyi'na maraenga ta'lappaki naung antongkoki kalenna.

PAMMUJI 104:4

Anging Kipa'jari suroTa, na kila' a'jari palayanTa.

PAMMUJI 103:20

Pujimi Batara, he malaeka'-malaeka' gammaraka, ampilangngeriai siagang anggaukangai parentaNa.

YESAYA 6:6

Nampa kalase'renna anjo apa anri'baka battu mae ri nakke angngerang bara pepe' naallea battu ri tampa' pakkoro'bangnganga, naalle siagang sipi'.

PAMMUJI 18:10

Napuemi langika nampa naung mae siagang rammang sassang irawangngang bangkenNa.

1 KARAENG-KARAENG 6:24

ukkurang modele'na sangkammai. Massing nia' ka'nyi'na rua, na massing-massing anjo ka'nyika 2,2 metere' la'buna. Bellana alla'na anjo cappa'na ka'nyi'na massing anjo ruaya patung, iamintu 4,4 metere'.

PAPPICINI' 14:6

Nampa nia' kucini' se're malaeka' maraengang anri'ba' tinggi rate ri langika. Anjo malaekaka angngerangi biritta iamintu ri sesena Kabara' Baji' mannannunganga, untu' nipabattu mae ri rupataua ri lino; iamintu mae ri sikontu bansaya, sukua, bahasaya siagang pa'rasanganga.

PAPPICINI' 8:13

Nampa kucinikimi pole; na nia'mo kulangngere' sa'ra jangang-jangang rajawali sitabanga anri'ba' tinggi rate ri allaka akkio' angkana, “Cilakai! Cilakai! Cilakai sikontu tau niaka ri lino punna nalangngere' sinampe' anjo tallua malaeka' maraenga ampasa'rai tarompe'na!”

PAPPICINI' 7:11

Sikontu malaekaka ammentengi angkulilingi empoang kala'biranga siagang sikamma anjo pamimpinga, kammayatompa anjo appaka anu attallasa'. Su'ju' ngasengi anjo malaekaka ri dallekanna empoang kala'biranga nampa anynyomba ri Allata'ala.

DANIEL 7:10

kammayatompa nia' pepe' a'lo'loro' battu ri anjo empoang kakaraenganga. Assa'bui tau allayani, siagang a'juta-jutai tau ammenteng ri dallekanNa. Nampa nipakaramulamo sidang pangadelanga, siagang nisungkemi kitta'-kittaka.

YEHEZKIEL 10:21

Anjo malaeka'-malaeka' akka'nyika massing appa' rupanna, ruampasang ka'nyi'na, siagang massing nia' nicini' kamma lima tau irawanganna anjo ka'nyi'na.

YEHEZKIEL 1:24

Punna anri'baki ke'nanga, kulangngereki sa'ra akkape-kapena ka'nyi'na; sa'ranna sangkammai sa'ra je'ne' tu'guruka battu ri tubiri', sangkamma sa'ra bangkenna tantara jaia, sangkamma sa'ranNa Allata'ala Kaminang Koasaya. Punna ammari ke'nanga anri'ba', massing nalappa'mi ke'nanga ka'nyi'na,

YEHEZKIEL 1:9

Tassipasang massing ka'nyi'na anjo apa attallasaka takka'rangi nampa cappa'na massing siallei siagang cappa' ka'nyi'na anjo apa attallasa' maraenga, sa'genna anjo appaka apa attallasa' appareki nicini' kamma sulapa' appa'. Punna a'gioki, massing para a'gioki ke'nanga lambusu' mange ri dallekang natena nagilingi kalenna ke'nanga.

YEHEZKIEL 1:6

mingka massing taappakki rupanna siagang ruampasang ka'nyi'na.

AYUB 15:15

Ba'lalo manna mae ri malaekaka tena todong Natappa' Allata'ala; tena natangkasa' ke'nanga ri paccini'Na.

AYUB 1:6

Ri se'reang allo battumi sikamma apa attallasaka ri suruga andallekang ri Batara; na nia' todong lapung Panggoda ri alla'na ke'nanga.

1 KARAENG-KARAENG 22:19

Nakanamo pole Mikha, “Kamma-kamma anne pilangngeri apa Napaua Batara! Kuciniki Batara ammempo ri empoang kala'biranNa ri suruga, siagang sikontu malaekaka ammentengi ri ampi'Na.

1 KARAENG-KARAENG 8:7

Takka'rangi ka'nyi'na anjo patung-patung malaeka' akka'nyika antongkoki anjo pattia siagang kayu-kayu pa'bulekanna.

1 KARAENG-KARAENG 6:27

Anjo ruaya patung niboliki a'remba lalang ri anjo Kamara' Kaminang Matangkasaka, siali ka'nyi'na anjo massing patunga naberoi rinringa, nampa massing ka'nyi'na sialia assiberoi ri tangnga-tangngana anjo kamaraka.

KALAPPASSANG 37:9

nampa nipasidallekang, takka'rang ka'nyi'na antongkoki anjo pa'rangka'na pattia.

KALAPPASSANG 25:20

siagang musti nipasidallekangi na takka'rang ka'nyi'na irateanna anjo pattia.

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

AYUB 4:18

Ba'lalo sikamma atanNa ri suruga, takkulle nipatappa' ri Ia. Ba'lalo malaeka'-malaeka'Na nagappai salaNa siagang callaNa.

1 KARAENG-KARAENG 19:13

Nalangngere'na Elia anjo sa'raya, natongko'mi rupanna siagang jubana, nampa assulu' ammenteng ri bawana anjo kali'bong batua. Nia'mo kalangngerang sa'ra angkana, “Elia, apa nupare' anrinni?”

KALAPPASSANG 3:6

INakke minne Allata'alana boe-boenu, Allata'alana Abraham, Ishak, siagang Yakub.” Jari natongko'mi rupanna Musa, lanri malla'na anciniki Allata'ala.

PA'JARIANG 17:3

Su'ju'mi Abram, nampa Nakanamo Allata'ala,

IBRANI 1:7

Ri sesena sikontu malaekaka, akkana kammai anne Allata'ala, “Napa'jari kammai anging malaeka'-malaeka'Na Allata'ala, siagang Napa'jari kammai pepe' palayang-palayanNa.”

LUKAS 1:10

Sitabanna nitunu kamanynyanga, assambayammi tau jaia pantarang.

ZAKHARIA 3:4

Nakanamo anjo malaekaka mae ri sikamma pambantu-pambantuna ri suruga, “Pelaki care-care ra'masa' niaka napake anne taua.” Nampa nakana mae ri Yosua, “Kupela'mi dosanu, lakusareko pakeang beru.”

DANIEL 9:21

Lalang appala' doangku, anjo Gabriel, le'baka kucini' lalang paccinikku riolo, nia'mi anri'ba' a'lampa mae ri nakke. Anjo wattua narapi'mi wattunna taua assare koro'bang karueng.

YEHEZKIEL 1:4

Acconga' nai', nakucini'mo angnging lompoa ammiri' battu wara'. Kuciniki kilaka a'lepa'-lepa' battu ri sigompoang rammang ia sannaka lompona; nampa langika ri tammulilina teai sipato' singara'na. Lalang ri anjo kila' a'lepa'-lepaka nia' kucini' apa-apa accila'-cilla' sangkamma tambaga.

NEHEMIA 9:6

Nampa appala' doammo ra'ya' Israel kamma anne, “IKattemi Batara, iKattemi tena ruanTa; Kipa'jari bintoenga na sikontu langika, kammayatompa tamparang, butta siagang sikontu bonena, nampa Kisare katallassang siagang Kiparakai. Ri Kattemi anynyomba sikamma koasaya ri langi'; akkulantuki ke'nanga, tundu' mae ri Katte.