YESAYA 6:10 - KITTA' MATANGKASA'

¹⁰ Nampa Nakanamo mae ri nakke, “Pa'jari dongoki pikkiranna sikamma anjo taua, pa'jari tongoloki tolinna siagang pa'jari butai matanna sollanna takkullea accini', takkullea allangngere' siagang takkullea ammahang, nampa ammotere' mae ri Nakke sollanna Kupa'jari baji' ammotere'.”

YESAYA 6:10 Referans Kwoze

MATIUS 13:15

Nasaba' tattongko' ngasemmi pikkiranna ke'nanga anne, a'jari tamallangngerai tolinna na tatassungkea matanna. Kajariammi anne, sollanna taccinika matanna tallangngera tolinna, tammahanga pikkiranna, na taeroka ammotere' mae ri Nakke, nampa Kupa'jari baji' ngaseng ke'nanga.’ ”

LAMPA-LAMPANA 28:27

Nasaba' a'jari pokkolo'mi pikkiranna anne bansaya, nijempammi tolinna ke'nanga, siagang nitongko'mi matanna ke'nanga. Nasaba' punna tena nakamma, mattantu lamaccini'ji matanna ke'nanga, lamallangngere'ji tolinna ke'nanga, lammahanji atinna ke'nanga, siagang lammotere'mi ke'nanga mae ri Nakke, nampa Kupa'jari baji' ke'nanga ammotere',’ kammaminjo kananNa Allata'ala.”

YEREMIA 5:21

“Pilangngeri, he ikau ngaseng sikamma tau dongoka siagang toloa! Nia' matannu, mingka tena nuccini'; nia' tolinnu mingka tena nullangngere'!

YEREMIA 6:10

Appialia' angkana, “Batara, inai musti kupa'bicarai, siagang inai musti kupappakaingakki? Kapala batui ke'nanga siagang taerokai mappilangngeri. Nakakkali siagang nakabirisi ke'nanga pasanTa kupabattua mae ri ke'nanga.

ZAKHARIA 7:11

Mingka kapala batui ummakKu siagang tena sikali naero' mappilangngeri; natongkoki tolinna ke'nanga sollanna tena nallangngere'.

YESAYA 63:17

O Batara, angngapa Kibalang parekangi ikambe lingu? Angngapa Kipa'jari terasaki nyawana ikambe sa'genna tamallakka ikambe mae ri Katte? Ammotere' lalo maKi' lanri ata-atanTa, lanri ummatTa, pisakaTa.

YESAYA 29:10

Napa'jari ta'do'dokko siagang attinro nyamangko Batara. Natongkoki matanna sikamma na'bia siagang nabomboki rupanna sikamma pacinika.

PAOLE 2:30

Mingka tena napa'biangki' Karaeng Sihon ammalo ri anjo pa'rasanganna. Nipa'jari kapala batumi ri Karaeng Allata'alanu siagang nakellai duduki' ambetai anjo Karaeng Sihon. Sa'genna kamma-kamma anne nipammantangngi iji daerana.

PAMMUJI 17:10

tangngassengai mangngamaseang ke'nanga siagang a'bicara tampoi ke'nanga.

PAOLE 32:15

Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.

PAMMUJI 119:70

Sikamma anjo taua tena napahangi, mingka untu' inakke anjo hukkunTa appakasannangi pa'mai'.

KALAPPASSANG 14:17

LaKupa'jari kapala batui tu Mesir sa'genna naondang tulusu' tu Israel, nampa Kupappicinikang kakoasangKu mae ri Karaeng Mesir, mae ri pasukanna, sikamma karetana siagang sikamma tau niaka rate.

KALAPPASSANG 11:10

Nagaukang ngasemmi Musa siagang Harun sikamma gau' malompoa ri dallekanna karaenga, mingka nipa'jari kapala batui ri Batara, sa'genna taerokai allappassangi tu Israel ambokoi Mesir.

KALAPPASSANG 10:27

Nipa'jari kapala batui anjo karaenga ri Batara, sa'genna taerokai ampassareangi bansa Israel a'lampa.

LAMPA-LAMPANA 3:19

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.

YESAYA 19:22

LaNipangngajarimi anjo tu Mesir ri Batara, mingka le'baki anjo Napa'jari baji'mi ke'nanga ammotere'. La'gilimmi ammotere' ke'nanga mae ri Batara, siagang laNapilangngerimi Batara pappala' doanna ke'nanga kammayatompa Napa'jari baji'mi ke'nanga ammotere'.

KALAPPASSANG 7:3

Mingka laKupa'jari anjo karaenga terasa' pa'mai'na. Tena nalanajampangiko, manna pole kuppabattu jai bala ri Mesir.

YOHANES 12:40

‘Kupa'jari butai matanna ke'nanga, Kupa'jari ka'doroki atinna; sollanna taccinika matanna, natammahanga pikkiranna. Sollanna taeroka ammotere' mae ri Nakke, nampa Kuballei ngaseng sa'genna baji'.’ ”

PAOLE 29:4

Mingka sa'genna kamma-kamma anne tenapa Nasareko kasampatang untu' ampahang kabusuki angkana apa battuanna anjo apa le'baka nucini'.

PAOLE 31:20

LaKuerangi ke'nanga mange ri anjo pa'rasangang kalumanynyanga siagang copponga buttana, sangkamma Kupa'janjianga mae ri boe-boena ke'nanga. Anjorengi ke'nanga lattallasa' siagang sannang siagang anggappai sikamma kanre-kanreang naparalluanga ke'nanga. Mingka kale'bakkanna lata'gilingi ke'nanga nampa anynyomba mae ri rewata-rewata maraenga. LanasorongbokoA' ke'nanga siagang takkaluppai ri parjanjiangKu,

PAMMUJI 69:23

Boli'mi kamma angngerang cilaka parjamuanna ke'nanga, na a'jari sikko' mae ri sikamma toananna ke'nanga.

YESAYA 29:14

Lanri kammana anjo laKupata'bangkai ke'nanga siagang pattunrung a'mole-molea. Tau cara'deka la'jari toloi, siagang sikontu kacara'dekanna ke'nanga latena ngaseng matu-matunna.”

YESAYA 44:18

Tojeng, teai sipato' dongo'na ngaseng tau kammaya anjo! Natongkoki matanna siagang atinna ke'nanga sa'genna tena apa-apa napahang.

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

PIRAUNG 3:65

Tunraimi ke'nanga, siagang lappassammi ke'nanga tuli tappu' minasa.

ZAKHARIA 11:15

Nampa Nakana Batara ri nakke, “Sikalipi pole a'gau' rapangko pakalawaki, mingka kamma-kamma anne salaku pakalawaki kodia.

PAOLE 29:3

Le'ba' tommi nucini' sikamma bala lompoa, gau'-gau' malompoa siagang gau'-gau' appakalannasa' Nagaukanga Batara.

PANGNGEBARANG 16:30

Tutuko ri tau ta'muria siagang akkedo kanynyinga, nia' antu rancana ja'dala' lalang ri atinna.

KATO'BA 3:3

wattu untu' ammuno siagang wattu untu' appamolle, wattu untu' anrumbang siagang wattu untu' ambangung.

YESAYA 28:13

Lanri kammana anjo laNaajarakko Batara tasse're-se're hurupu', tassibuku-tassibuku kana, kammayatompa tassilampang-tassilampang bicara. Na ri wattunnu a'jappa latu'guru' tumingarako sa'gennu loko', nialle ri sikko' siagang nitahang.

YESAYA 29:9

Tulusu' kalanna'-lannassang mako siagang tulusu' tongko'mi matannu rapang tau butaya! A'jari tau nasa'ringko, mingka teai lanri angnginunnu anggoro'. Ta'royong-royongi jappanu, mingka teai lanri angnginunnu inungang terasa'.