YESAYA 59:5 - KITTA' MATANGKASA'

^5-6 Anjo sikamma rancananu angngerangi kamateang, bayao ulara' a'racunga. Punna nireppe' anjo bayaoa, assulu'mi ulara'na. Anjo rancanaya tena sikali matu-matunna mae ri kau, rapang pakeang nitannunga na ru'mung bolang-bolang nipare'!

YESAYA 59:5 Referans Kwoze

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

MATIUS 12:34

Ikau tau ja'dala' ngasengko! Antekammako lakkulle ampaui kabajikanga punna tau ja'dalakko? Apa nupau iamintu bonena lalang atinnu, assulu' battu ri bawanu!

YESAYA 14:29

He bansa Filistin, tepo'mi palu-palu eroka nipake untu' ampalu-paluiko. Mingka teako rannui, lanri punna nia' ulara' mate, nia' labattu ulara' maraeng, la'bi sekkeka, untu' ansambeangi, siagang bayao ulara' bo'boka a'jari naga akka'nyi'.

PANGNGEBARANG 23:32

Ammukona bari'basa' sangkammami nusa'ring tau le'baka nitotto' ri ulara' a'racung.

AYUB 8:14

Bannang alusu' a'jari panrannuanna; ru'mung lawa'-lawa' napatappa'.

YESAYA 34:15

Ri anjo tampaka appare' ru'mung ulara' a'racunga, untu' a'bayao, anggoppoki bayaona, siagang amparakai ana'-ana'na. Jangang-jangang tarruka a'rappungi anjoreng, massing nia' sipasanna.