YESAYA 59:4 - KITTA' MATANGKASA'

⁴ Appamajuko parkara natena passabakkanna, siagang tena naadele' batenu angngadeli. A'balle-balleko siagang apa tenaya matu-matunna nupattoang; apparekko rancana untu' ancilakai parannu tau siagang nugaukangi kaja'dallanga.

YESAYA 59:4 Referans Kwoze

AYUB 15:35

Iaminjo ke'nanga anrancanga siagang anggaukangai ja'dalaka; balle-ballea tuli niaki lalang atinna.”

YAKOBUS 1:15

Nampa, punna naturukimo anjo kaerokang ja'dala'na, iaminjo allassukang dosa; napunna jarre'mo anjo dosaya, iaminjo angngerang kamateang.

YEREMIA 7:8

Mingka, sikontutojenna tena matu-matunnu tappa' ri kana-kana balle-ballea.

YEREMIA 7:4

Teako patappakki patipua, angkanaya, ‘Amangki', lanri anne Balla'Na Batara. Tojeng-tojeng anne Balla'Na Batara!’

MIKHA 2:1

Cilakai tau a'rancanaya kaja'dallang lalang attinrona ri katinroanga ri wattu bangngia, nampa nagaukang anjo rancanana ammukona bari'basa' lanri nia'na pakkullena untu' anggaukangi.

YESAYA 30:12

Lanri kammana anjo Nakanamo Allata'ala matangkasa'na Israel, “Nutollaki kanangKu siagang nupattoang panjallakkanga siagang pannipuanga.

PANGNGEBARANG 4:16

Tau ja'dalaka takkulleai attinro punna tenapa nagaukangi apa tenaya nabaji'. Tata'do'dokai ke'nanga punna tenapa nabalai paranna tau.

YESAYA 59:16

Lannasaki lanri tenana tau maju siagang tenana appattojeng. Jari Napakemi kakoasang KalenNa untu' ampasalamaki siagang assarei ke'nanga pammetang.

YESAYA 59:3

Salako lanri a'balle-balleko siagang a'gau' jekkongko, lanri nugaukanna gau' katerassanga kammayatompa ammunoko.

PAMMUJI 62:10

Rupataua sanrapanji bawang sipa'maikang nappasa', lompo yareka ca'di para tena anggaranna. Punna nitimbangi, a'nassami angkana ringannaja ke'nanga, la'bi ringangi na sipa'maikanga nappasa'.

YEREMIA 5:1

He pandudu'na Yerusalem, jappaimi sikontu aganga lalang ri kotanu! Boyai kemae-kemae, siagang ikau tommo anciniki. Paressai ri paranna kotaya maka nia' se're tau lambusu' nyawana, attojeng-tojenga ero' majarre' tappa'na mae ri Allata'ala? Punna nia', laNapammopporangi Batara Yerusalem.

PAMMUJI 62:4

Sa'genna kere wattu ikau ngaseng ambakkai tau sanrapangamo rinring tattiling siagang tembo' la'biringamo rumbang?

AYUB 15:31

Punna tappaki mae ri apa tenaya matu-matunna, lanitipumi; na sambe lanatarimaya, tena todong matu-matunna.

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YESAYA 5:18

Cilakako kau tulusu' dorakaya!

YESAYA 9:15

Sikamma pamimpinna anjo bansaya napasala oloammi siagang napa'jari lingumi ra'yaka.

YESAYA 10:1

Cilakako kau appareka hukkung tenaya naadele' untu' anjallakkangi bansaKu.

YESAYA 26:18

Rapangi tau tianang ikambe, ammulisara' napakamma pa'risi', mingka tena apa-apa nalassukang ikambe; tena kasalamakkang napassareang ikambe mae ri linoa, tena todong natambai ikambe pandudu'na.

YESAYA 28:15

Nukana kalennu le'ba' mako appare' panjanjiang siagang kamateanga, kammayatompa appare' passitujuang siagang lino tau matea. Nupattantui ri kalennu angkana anjo bala labattua sallang talanatujuako, lanri akkala' balle-ballenu.

YESAYA 29:20

Iaminjo kale'bakkanna sikamma tau anjallakkangai paranna tau siagang anghinayai Allata'ala. LaNahukkungi Allata'ala sikontu tau dorakaya,

YESAYA 30:9

Saba', anjo ke'nanga bansa nangai angngewaya ri Allata'ala, nangai a'balle-balle siagang tale'bakai ero' appilangngeri ri pangngajaranNa Batara.

YESAYA 33:11

Rancananu sia-siaji, na sikamma nugaukanga tena ngaseng matu-matunna. Kalarroannu rapangi pepe' angkanreyai kalennu.

YESAYA 44:20

Anjo panggaukang kammaya sangkamma le'baki tau angnganrea au. Anjo taua nipa'lingui ri pikkirang dongo'na, sa'genna takkulleami nitulung. Takkulleami mangaku angkanaya anjo patung niaka ri limanna poro pannipu bawang.

YESAYA 47:10

Nukana kalennu amangko lalang ri kaja'dallannu, nupikkiriki angkana tena niparhatikangi panggaukannu. Nipa'linguko ri kacara'dekannu siagang pangngassengannu, nukapangi angkana tena sangkammannu.

YESAYA 59:15

Tenamo tau lambusu', siagang inai ampakabellai kalenna battu ri kaja'dallanga, ia kalenna lanipanraki ri kaja'dallang.” Nacini' ngasemmi Batara, siagang tenamo Nasannang pa'mai'Na lanri tenamo kaadelang.

YESAYA 64:7

Tenanniakka appala' doang mae ri Katte, yareka appala' pannulung battu ri Katte, saba' Kicokkoi rupanTa battu ri kambe, na Kilappassang ikambe nipanraki ri dosana ikambe.

YEREMIA 48:7

Moab! Ikau nupattoangi kaporeannu siagang kakalumanynyangngannu. Mingka kamma-kamma anne ikau kalennu lanibetako. Kasmos, rewatanu, siagang sikamma imanga siagang pagawena laniengkaki mae nipela'.

HOSEA 4:1

Nia' parkaraNa Batara siagang pandudu'na anne pa'rasanganga. He Israel, pilangngeri anne apa kananNa, “Ri anne pa'rasanganga tena kamajarrekang pa'mai' siagang pangngamaseang, siagang pandudu'na tena naaniA' salaku Allata'ala.

PAMMUJI 7:15

Ciniki, tau ja'dalaka a'rancana kaja'dallang; appareki rancana ja'dala' siagang nagaukangi annipua.

PAMMUJI 12:3

Para siballe-ballei ngasemmi ke'nanga, massing sitipumi siagang kana-kana te'ne.

LAMPA-LAMPANA 24:9

Amminawang ngaseng tommi sikamma tu Yahudi niaka anjoreng antudui Paulus. Siagang napakkontu tojemmi ke'nanga sikamma anjo apa le'baka napau Tertulus.