YESAYA 59:21 - KITTA' MATANGKASA'

²¹ LapparekKa' parjanjiang siagang ikau ngaseng: Kusareko koasangKu siagang ajarangKu sa'genna satunggu-tungguna. Pangngajarrangi mae ri ana'-ana'nu sollanna akkulle todong ke'nanga ampangngajarrangi situlusu'na mange ri jari-jarina kamma-kamma anne sa'genna satunggu-tungguna.”

YESAYA 59:21 Referans Kwoze

IBRANI 10:16

“ ‘Iaminne parjanjiang laKupareka siagang ke'nanga ri allo-allo labattua, laKuboliki hukkung-hukkungKu lalang ri atinna ke'nanga siagang laKutulisiki lalang ri pikkiranna ke'nanga.’ ”

YESAYA 51:16

INakke ampaka'rangi langika siagang ampadongkoki dasara'na buttaya. Kukana mae ri Sion: Ikaumi ummakKu; Kupassareangi ajarangKu mae ri kau na Kula'langiko siagang koasaKu.”

YESAYA 44:3

Saba' laKupaturungi bosia ri butta kalotoroka, Kupasolongi binanga-binangaya ri butta rosoka. LaKusarei koasaKu turungannu, siagang Kubarakkaki ana' cucunnu.

YOHANES 4:14

Mingka inai-nai angnginungi je'ne' Kupassareanga, tenamo nalaturere sa'genna satunggu-tungguna. Nasaba' anjo je'ne' laKupassareanga la'jarimi timbuseng je'ne' lalang ri kalenna, tassolonga assulu' na napassareang katallassang satunggu-tunggua.”

YESAYA 55:3

Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

ROMA 8:9

Mingka ikau ngaseng teako mannuruki ri sipa'-sipa' rupataua lalang tallasa'nu. Punna mattantu RohNa Allata'ala angngatoroki kalennu, mattantu lamannurukiko ri RohNa Allata'ala lalang tallasa'nu. Inai-nai tena ri kalenna RohNa Almasi, anjo taua teai taunNa Almasi.

YOHANES 3:34

Nasaba' tunisuroa ri Allata'ala, Napabattui kana-kananNa Allata'ala, lanri nipassareang ngasemmi RohNa Allata'ala ri Ia.

YOHANES 7:39

RohNa Allata'ala anjo Nabicaraya Isa, lanatarimaya tau tappaka ri Ia. Nasaba' anjo wattua tenapa nipassareangi RohNa Allata'ala; lanri tenapa nanipakala'biriki Isa lanri kamateanNa.)

YESAYA 49:8

Nakana Batara ri umma'Na, “Punna mangngellaiA', lappialiA'; ri allo appasalamakKu, laKutulungko. Kula'langiko siagang Kujagaiko, siagang Kupa'jariko parjanjiang mae ri bansa-bansaya. Kupa'jari bajiki ammotere' pa'rasangang sinoa a'jari butta pisaka nipammantangia.

2 KORINTUS 3:8

mattantu la'bi lompoangangi singara'na anjo parjanjiang Napassareanga RohNa Allata'ala ri wattunna nipare'.

YOHANES 1:33

Anjo wattua tenapa nakuassengi angkana inai anjo. Mingka nipauamma' ri Allata'ala assuroa' anje'neki taua siagang je'ne' angkana, ‘Punna nucini' manurung RohNa Allata'ala, nampa ammantang irateang se'reang tau, Iaminjo taua lanje'neki taua siagang RohNa Allata'ala.’ ”

YOHANES 17:8

Le'ba'mi Kupabattu ri ke'nanga kana-kana Kipabattua mae ri Nakke, nanatarimamo ke'nanga. Naassemmi ke'nanga, angkanaya iNakke ma'nassa iKatte Kukabattui, siagang tappa'mi ke'nanga angkanaya iKatte assuroA' battu ri linoa.

YOHANES 8:38

Apa Kucinika ri ManggeKu, iaminjo Kupau. Na ikau ngaseng, nugaukang tonji apa napangngajarang manggenu ri kau.”

ROMA 11:27

LapparekKa' janji majarre' siagang ke'nanga ri wattunna Kupammopporang dosa-dosana ke'nanga.”

KALAPPASSANG 4:15

A'bicara mako siagang ia, siagang pauammi apa musti lanapau. INakke lantulungko sipa'rua siagang langngajarakko apa musti nupau siagang musti nugaukang.

YESAYA 32:15

Mingka sikalipi pole labattu Allata'ala siagang koasaNa. Na sikamma parang luaraka la'jari koko-koko coppong, sikamma kokoa la'jari sangkamma romang jaina.

YESAYA 40:8

Rukuka a'jari kalotoro', bungaya a'jari kalumeng, mingka kananNa Allata'alata attahangi satunggu-tungguna.”

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

YESAYA 54:10

Manna pole ta'lengga sikamma monconga siagang sikamma buluka, talammariA' angkamaseangko. Tuli Kuta'gala' jarreki parjanjiang passiamakkangKu,” kananNa Batara mangngamaseanga ri kau.

YESAYA 55:11

kamma tomminjo kana Kupaua talammoterai sia-sia, mingka akkullei nagaukang apa Kukaerokia, siagang nagappa sikamma apa Kupakkanaya.

YESAYA 57:19

LaKusarei kasannangngang sikontu taua, baji' tau ambania kammayatompa tau bellaya. LaKupakabajiki ummakKu.

PAMMUJI 119:43

Kitulunga' untu' tulusu' ampaui annabaya, saba' manrannuanga' mae ri kaputusanTa.

PANGNGEBARANG 7:3

Tuli u'rangi anjo ajarang-ajarangku, siagang boliki lalang ri ati mailalannu.

YESAYA 66:22

Rapang langi' beru siagang butta beru lattahanga lanri koasaKu, kamma tomminjo turungannu siagang arennu tuli lania'na.

YEREMIA 1:9

Le'baki anjo Napajonjomi limanNa Batara nampa Najama bawaku na Nakana, “Pilangngeri siagang pa'la'bangi anne kana-kana Kupaua.